JOSHUA 10:11 - Biblia Ilagho Jiboie Kwa Wandu Wose

¹¹ Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.

JOSHUA 10:11 Iomraidhean Croise

KUZOYA 19:24

Nao BWANA ukanyesha aighu ya Sodoma na Gomora kibiriti na modo ghubirie kufuma mlungunyi,

2 SAMUELI 18:8

Wuda ghukaera isanga jose; wandu wengi wikafuya msidunyi kuchumba awo werebwaghiloghe wudenyi.

AYUBU 38:22

“Jingi kwavikie nyumba ewika theluji, angu kuwona nyumba ya vua na magho?

AYUBU 38:23

Nadariwika kwa wundu ghwa ngelo ya wasi, na ngelo ya wuda.

ZABURI 11:6

Mlungu uchawiseria wawiwi modo na kibiriti; nao uchawikaba na mbeo ilunguragha.

ZABURI 147:17

Wadanyesha vua ya magho sa kokoto; nani udimagha kurumaghia mbeo yake?

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

ISAYA 28:21

Angu Mlungu uchawuka kulwa, seji orelueghe Mghondi ghwa Perazimu; uchajokwa ni machu seji gheremjokieghe aja vololonyi ya Gibeoni; upate kubonya kazi rake ra mashiniko! Uchabonya kazi rake naro ni kazi ra kighenyi.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

EZEKIELI 13:11

Kuwizere awo wawuyaghushinga ugho wurigha chokaa kukaia ghuchaghwa. Kuchakaia na vua mbaa, vua mbaa ya magho, na kiremba kibaa chichacha.

WUKUMBUSO 20:4

BWANA Mlungu onyu uchaghendanya nenyo, upate kumluya na kumsimia.’

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.

WUFUNUO 16:21

Na vua mbaa ya magho ikanya aighu ya wandu; kula igho jiko na wulemeri sa ghwa kilo mirongo misanu kufuma mlungunyi; hata wikamuewia Mlungu kwa wundu ghwa ijo ikabo ja vua ya magho. Ikabo ijo, jerekoghe jeobosha na ndighi.

WATANYI 5:20

Nyerinyeri ra mlungunyi rikabonya wuda, kwa mighendo yawo wikalwa na Sisera.