JOSHUA 1:9 - Biblia Ilagho Jiboie Kwa Wandu Wose

⁹ Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 1:9 Iomraidhean Croise

KUZOYA 28:15

Ola neko andwamweri na oho kukuwika na kukulindia andu kose kuchaaghenda, nani nichakuwunja isanga iji; angu sichaakusigha hata nameria kujikatisha ijo nakulaghira.”

KUZOYA 39:2

BWANA ukakaia andwamweri na Josefu, ukawona nicha kwa ghose oreghibonyereghe; nao ukakaia nyumbenyi kwa uja bwana wake Mmisri.

KUZOYA 39:3

Nao Potifa ukawona angu BWANA orekoghe andwamweri na Josefu kwa seji BWANA orekoghe ukirasimia ghose gherebonyeroghe ni mikonu yake.

2 SAMUELI 13:28

Niko Absalomu ukawilaghira wadumiki wake ukighamba, “Mumzighanireghe Amnoni; iji wanywa divei na kuwongia, ngamzera, ‘Mkabenyi Amnoni,’ basi moom'bwagha. Mseobuo, nechi nimoni namzera mkufungishe ndighi, mkaie mang'oni.”

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

2 MALAGHO GHA NGELO 15:7

Ela inyo kaienyi na ngolo! Msakesilwa ni ndighi, angu mchalipwa mafungu kwa kazi yenyu.”

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 43:5

Kusakeobua, angu ini neko andwamweri na oho, nichareda kivalwa chako kufuma mashariki, na kuwikwanya kufuma magharibi.

ISAYA 8:12

“Kusengie njama ra awa wandu; kuseobuo maza wawuyariobua, hata kusekaie na kiture chingi.

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

HAGAI 2:4

Ela idana mndungi onyu usefo ngolo. Bonyenyi kazi, angu ini nekwanye chiaimweri nenyo.

HAGAI 2:5

Sa iji koni neremlaghirieghe mkifuma Misri kukaia nichakaia andwamweri nenyo, ni huwo koni neko chiaimweri nenyo; msakeobua.

MABONYO GHA WADUMI 4:19

Ela Petro na Johane wikawitumbulia, “Tanyenyi mmbeni ngera ni hachi imbiri ya Mlungu kumsikira inyo kuchumba uo moni;

WUKUMBUSO 1:21

Wonenyi BWANA Mlungu onyu wammbikia isanga imbiri konyu; jokenyi mujiwade sa iji koni BWANA Mlungu wa weke ndeyo umzerie; msakeobua hata msakefwa ngolo.’

WUKUMBUSO 20:1

“Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.

WUKUMBUSO 31:23

BWANA ukammbika Joshua mwana wa Nuni kazinyi na kughamba, “Kukaie ing'oni jimange; angu kuchawingira wana wa Israeli andenyi ya ijo isanga nilaghirie nichawineka; ini nichakaia andwamweri na oho.”

WUKUMBUSO 31:28

Nikwanyienyi waghosi wose wa vichuku venyu na wabaa wenyu, eri nipate kughora agha malagho wikisikira, na kuwanga mlungunyi na ndoenyi rikaie washahidi aighu yawo.

JOSHUA 1:10

Niko Joshua ukawizera vilongozi va wandu,

JOSHUA 1:17

Dichakusikira sa iji koni deremsikireghe Musa; BWANA ndekaie na oho sa iji koni orekaighe na Musa.

JOSHUA 1:18

Uo ose uchaamenya malagho ghako, na kulegha kukusikira uchabwaghwa; oho kaia na ngolo sena kukaie ing'oni.”

JOSHUA 10:25

Joshua ukawizera awo wabaa wa majeshi, “Msakeobua hata msakeja wasi; mkaie na ndighi sena mkaie mang'oni. Huwu niko BWANA uchaawibonyera wamaiza wenyu wose awo mchaalwa nawo.”

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

JOSHUA 3:7

BWANA ukamzera Joshua, “Idime iji nichazoya kukujosa imbiri ya Waisraeli wose, wipate kumanya angu sa iji koni nerekaieghe andwamweri na Musa, huwo koni nichakaia andwamweri na oho.

JOSHUA 6:27

BWANA ukakaia andwamweri na Joshua, na sare yake ikaera andenyi ya isanga jose.

JOSHUA 8:1

BWANA ukamzera Joshua, “Kusakeobua hata kusakefwa ngolo, wada masikari ghose, kujoke nawo cha Ai; ola namfunya mzuri wa Ai ungie mikonunyi kwako chiaimweri na wandu wake, muzi ghwake, na isanga jake.

WATANYI 6:14

BWANA ukamghalukia na kumzera, “Ghenda na ireni ndighi rako iri, kupate kuwivuvua Waisraeli kufuma mikonunyi kwa Wamidiani. Ni ini moni nawuyakuduma.”

1 SAMUELI 10:7

Kukameria kuwona alama iri rose, kubonye ijo jose kwasikira kujibonya, kwa kukaia Mlungu oko andwamweri na oho.