JOSHUA 1:8 - Biblia Ilagho Jiboie Kwa Wandu Wose

⁸ Kusesighe kushoma chuo cha Sharia; kukufundishe aho kio na dime, kupate kukulindia na kubonya ghose sa iji koni maandiko ghighambagha. Kwa chia iyo kuchakaia nicha kwa mighendo yako, sena kuchapata wusimi.

JOSHUA 1:8 Iomraidhean Croise

KUZOYA 24:63

Ukafuma ukakaia ukisela-sela mbuwenyi luma lwa kenyi ukawusira meso ghake ukazighana ukawona longo lwa ngamila lukicha.

2 MALAGHO GHA NGELO 26:5

Orekufunyireghe kumlola Mlungu matuku gha Zekaria, uo oremfundishireghe kumuobua Mlungu; na sa iji oremlolieghe BWANA, Mlungu orem'bonyereghe kuwona mecha.

ZABURI 119:11

Najiwikie Ilagho jako ngolonyi kwapo, nisechekubonyera kaung'a.

ZABURI 119:15

Nichakaia ngighiririkanya mafundisho ghako, na kughizighana mawonyero ghako.

ZABURI 119:97

Sharia yako naikunde nandighi; nadasindairirikanya dii.

ZABURI 119:99

Neko na kumanya kuchumba walimu wapo wose, angu nadasindairirikanya memu yako.

ZABURI 19:14

Madedo ghapo na maririkanyo ghapo ndeghirumirikie imbiri kwako ee BWANA, mlindiri wapo na mkomboli wapo.

ZABURI 40:10

Ini sivisire ilagho jingi ja wutesia ghwa kukia kwako ngolonyi kwapo; naghorie malagho gha wuloli ghwako na gha kukia kwako. Sivisire ilagho jingi ja lukundo lwako lukatie na wuloli ghwako andenyi ya ijo izungu ibaa ja wandu.

MAKATANISHO 3:1

Mwana wapo, kusakeliwa mafundisho ghapo, ela kughiwike malaghiro ghapo ngolonyi kwako.

ISAYA 59:21

“Nichabonya ilaghano japo nenyo huwu: Uo Roho wapo uko aighu konyu, na malagho ghapo naghingira memunyi konyu, ndeghichaafuma memunyi konyu, na memunyi kwa wana wenyu, hata memunyi kwa weke wawayo kufuma idana, hata kwa kala na kala.”

MATHAYO 12:35

Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MATHAYO 7:21

“Si kula mundu uniwangagha ‘Bwana, Bwana’ uchaangia kwa wuzuri ghwa Mlungu anduangi; ela ni uo ulubonyagha lukundo lwa Aba uko mlungunyi.

MATHAYO 7:24

“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho.

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

JOHANE 13:17

Ngera mwaghimanya agha, mwarasimilwa mkaghibonya.

JOHANE 14:21

Uo uiwadagha memu yapo na kuikatisha, nuo unikundagha; na uo unikundagha, uchakundwa ni Aba, na ini nichamkunda na kukuwonyera ini moni kwake.”

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WUKUMBUSO 29:8

dikawada isanga jawo na kujineka kichuku cha Reubeni, na cha Gadi, na nusu ya kichuku cha Manase jikaie ifwa jawo.

WUKUMBUSO 29:9

Kwa huwo mlindie kubonya malagho gha ilaghano iji, eri mpate kuwona nicha kwa maza rose m'bonyagha.

WUKUMBUSO 30:14

Ela malagho gheeka aeni kaavui nenyo; gheeka memunyi konyu na ngolonyi konyu mpate kughibonya.

WUKUMBUSO 31:11

Muwishomie wandu wa Israeli wose iyo sharia wikisikira, ngelo wikwanyikagha imbiri ya BWANA Mlungu onyu andu uchaakusaghua wimtase.

WUKUMBUSO 31:24

Nao iji Musa wameria kuandika chuonyi malagho ghose putu gha sharia ihi,

WUKUMBUSO 5:1

Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 5:32

“Kwa huwo mlindie kubonya sa iji koni BWANA Mlungu onyu umlaghirie, mseghaluke.

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

JOSHUA 1:7

Oho kaia na ndighi tu, na ngolo ya wuing'oni, kukilindia kubonya karakara na Sharia yose morelaghiriloghe ni Musa mdumiki wapo; mseghaluke na mbai mkonu ghwa kiwomi hata mkonu ghwa kiwaka; eri kupate kuwona mecha andu kose kuchaaghenda.

JOSHUA 8:34

Konyuma, Joshua ukashoma kwa lwaka sharia yose aighu ya irasimio na aighu ya njowe, sa iji koni iandikilo Sharienyi.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.