JOSHUA 1:7 - Biblia Ilagho Jiboie Kwa Wandu Wose

⁷ Oho kaia na ndighi tu, na ngolo ya wuing'oni, kukilindia kubonya karakara na Sharia yose morelaghiriloghe ni Musa mdumiki wapo; mseghaluke na mbai mkonu ghwa kiwomi hata mkonu ghwa kiwaka; eri kupate kuwona mecha andu kose kuchaaghenda.

JOSHUA 1:7 Iomraidhean Croise

1 WAZURI 2:2

“Ini nalighisa kufwa. Kukaie ing'oni; kukuwonyere kumoni kukaia ko mundu;

1 WAZURI 2:3

kubonye agho BWANA Mlungu wako ukulaghiragha. Kuwadie memu yake yose, na sharia rake, sa iji koni rereandikiloghe andenyi ya Sharia ra Musa, eri kupate kuwona mecha kwa maza rose kuribonyagha andu kose kuchaaghenda.

2 WAZURI 22:2

Ukabonya malagho mecha imbiri ya BWANA, na kubonya seji ndee Daudi orebonyereghe; hata nderesighieghe kumnugha anduangi.

1 MALAGHO GHA NGELO 22:13

Kawona kwariwadia nicha sharia na mafundisho agho BWANA oremlaghirieghe Musa kwa wundu ghwa Israeli, kuchapata mecha. Kaia na ndighi na ngolo mbaa. Kusakeobua hata kusengilo ni kiture chingi.

2 MALAGHO GHA NGELO 15:7

Ela inyo kaienyi na ngolo! Msakesilwa ni ndighi, angu mchalipwa mafungu kwa kazi yenyu.”

2 MALAGHO GHA NGELO 26:5

Orekufunyireghe kumlola Mlungu matuku gha Zekaria, uo oremfundishireghe kumuobua Mlungu; na sa iji oremlolieghe BWANA, Mlungu orem'bonyereghe kuwona mecha.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

ZABURI 80:19

Kudiwunje ee BWANA Mlungu wa majeshi; kudiwonie wughoma, kudikire.

MAKATANISHO 4:27

Tana na wuwiwi, kughende nicha, kuseghende mlambo ghumweri kula na chia ya hachi.

MAKATANISHO 8:20

Nadaghenda na chia ra hachi; nadanugha mivori ya loli,

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

MITALO 27:23

ukammbikiria mikonu, na kum'bonya ukaie kilongozi sa iji koni BWANA oreghambieghe kwa kumlaghira Musa.

WUKUMBUSO 11:8

“Kwa huwo, mughiwadie malaghiro ghose nimlaghiragha idime, mpate kukaia na ndighi reruwuka Jordani na kujiwada ijo isanga mwendaajiwusa.

WUKUMBUSO 12:32

“Lindia m'bonye maza rose nicha, seji namlaghira; msechurie hata kupunguza ilagho jingi.

WUKUMBUSO 28:14

na kawona kusesighagha malaghiro ghangi gha agho nikulaghiragha idime kwa kuinugha na kuitasa milungu mizima.

WUKUMBUSO 29:8

dikawada isanga jawo na kujineka kichuku cha Reubeni, na cha Gadi, na nusu ya kichuku cha Manase jikaie ifwa jawo.

WUKUMBUSO 29:9

Kwa huwo mlindie kubonya malagho gha ilaghano iji, eri mpate kuwona nicha kwa maza rose m'bonyagha.

WUKUMBUSO 31:7

Niko Musa ukammbanga Joshua imbiri ya wandu wa Israeli wose ukamzera, “Kukaie ing'oni jimange; kwa kukaia kuchaghendanya na awa wandu, mungie ijo isanga BWANA uwilaghirie weke ndee kukaia uchawineka, na oho kuchawineka.

WUKUMBUSO 4:2

Msechurie ilagho jingi aighu ya agho nimlaghiragha, hata msefunye ilagho jingi, mpate kughiwadia malaghiro gha BWANA Mlungu onyu agho nimlaghiragha.

WUKUMBUSO 5:32

“Kwa huwo mlindie kubonya sa iji koni BWANA Mlungu onyu umlaghirie, mseghaluke.

JOSHUA 1:1

Nyuma ya kifwa cha Musa mdumiki wa BWANA, BWANA ukaghora na Joshua mwana wa Nuni mdumiki wa Musa, ukimzera,

JOSHUA 1:8

Kusesighe kushoma chuo cha Sharia; kukufundishe aho kio na dime, kupate kukulindia na kubonya ghose sa iji koni maandiko ghighambagha. Kwa chia iyo kuchakaia nicha kwa mighendo yako, sena kuchapata wusimi.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 11:15

Sa iji koni BWANA oremlaghirieghe mdumiki wake Musa, niko koni Musa oremlaghirieghe Joshua. Na Joshua ukasikira na kubonya ghose sa iji koni BWANA oremlaghirieghe Musa.

JOSHUA 23:6

Kwa huwu mkaie mmange mkiwadia agha ghose ghiandikilo chuonyi cha Sharia ya Musa kuseko na kuighalukia na mbai;