JOSHUA 1:6 - Biblia Ilagho Jiboie Kwa Wandu Wose

⁶ Kukaie na ndighi na ngolo ya wuing'oni, angu ni oho kuchaawilongoza awa wandu hata wipate ifwa ja jija isanga nereghemieghe kwa weke ndee angu nichawineka.

JOSHUA 1:6 Iomraidhean Croise

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 26:3

Kaia aeni aha sa mghenyi nani nichakaia andwamweri na oho na kukurasimia; kwa kukaia masanga agha ghose nichakuneka oho na kivalwa chako, nani nichakatisha ighemi japo nijibonyere na ndeyo Abrahamu.

2 SAMUELI 10:12

Kukaie na ngolo, dilo kiwomi kwa wundu ghwa wandu wedu na kwa wundu ghwa mizi ya Mlungu odu; BWANA ndebonye ijo ujiwonagha nicha kwake.”

1 WAZURI 2:2

“Ini nalighisa kufwa. Kukaie ing'oni; kukuwonyere kumoni kukaia ko mundu;

1 MALAGHO GHA NGELO 22:13

Kawona kwariwadia nicha sharia na mafundisho agho BWANA oremlaghirieghe Musa kwa wundu ghwa Israeli, kuchapata mecha. Kaia na ndighi na ngolo mbaa. Kusakeobua hata kusengilo ni kiture chingi.

1 MALAGHO GHA NGELO 28:10

Idana kukulindie, angu BWANA wakusaghue kuiaghe Hekalu yake ya Wueli. Kaia na ndighi kuiaghe kwa ngolo.”

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

2 MALAGHO GHA NGELO 15:7

Ela inyo kaienyi na ngolo! Msakesilwa ni ndighi, angu mchalipwa mafungu kwa kazi yenyu.”

2 MALAGHO GHA NGELO 20:11

Wona seji widilipagha! Wawuyacha kudiwinga difume iji isanga.

2 MALAGHO GHA NGELO 20:7

Si oho kumoni ee Mlungu odu korewiwingieghe wandu werekoghe wikikaia andenyi ya iji isanga imbiri ya wandu wako Israeli, kukajineka kivalwa cha mghenyi wako Abrahamu kwa kala na kala?

ZABURI 27:14

Mrumirie BWANA; kukufungishe ndighi hata kusefo ngolo; hee, mrumirie BWANA.

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

HAGAI 2:4

Ela idana mndungi onyu usefo ngolo. Bonyenyi kazi, angu ini nekwanye chiaimweri nenyo.

ZEKARIA 8:9

“Kaienyi na ndighi! Idana mwawuyasikira malagho gha walodi wereghorieghe ingelo msingi ghwa Hekalu yapo ghorezolwagha kuaghwa sena.

MITALO 26:53

“Wandu wichawaghilwa isanga jikaie ifwa jawo kunughana na mtalo ghwa marina.

MITALO 33:53

nenyo mchajiwusa isanga na kukaia andenyi yaro, angu namnekie ijo isanga mujiwuse.

1 WAKORINTHO 16:13

Chereshenyi, mangenyi kwa irumirio jenyu; mkaie na ngolo na kufunga ndighi.

WAEFESO 6:10

Kutua, kaienyi nandighi andenyi ya Bwana, na kwa ndighi ra kudima kwake.

WUKUMBUSO 1:21

Wonenyi BWANA Mlungu onyu wammbikia isanga imbiri konyu; jokenyi mujiwade sa iji koni BWANA Mlungu wa weke ndeyo umzerie; msakeobua hata msakefwa ngolo.’

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 11:8

“Kwa huwo, mughiwadie malaghiro ghose nimlaghiragha idime, mpate kukaia na ndighi reruwuka Jordani na kujiwada ijo isanga mwendaajiwusa.

WUKUMBUSO 31:23

BWANA ukammbika Joshua mwana wa Nuni kazinyi na kughamba, “Kukaie ing'oni jimange; angu kuchawingira wana wa Israeli andenyi ya ijo isanga nilaghirie nichawineka; ini nichakaia andwamweri na oho.”

2 TIMOTHEO 2:1

Idana oho mwanwapo, kaia nandighi kwa chia ya mvono ghuko andenyi ya Kristo Jesu.

JOSHUA 1:18

Uo ose uchaamenya malagho ghako, na kulegha kukusikira uchabwaghwa; oho kaia na ngolo sena kukaie ing'oni.”

JOSHUA 1:7

Oho kaia na ndighi tu, na ngolo ya wuing'oni, kukilindia kubonya karakara na Sharia yose morelaghiriloghe ni Musa mdumiki wapo; mseghaluke na mbai mkonu ghwa kiwomi hata mkonu ghwa kiwaka; eri kupate kuwona mecha andu kose kuchaaghenda.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 10:25

Joshua ukawizera awo wabaa wa majeshi, “Msakeobua hata msakeja wasi; mkaie na ndighi sena mkaie mang'oni. Huwu niko BWANA uchaawibonyera wamaiza wenyu wose awo mchaalwa nawo.”

JOSHUA 13:6

Wandu wose wikaiagha masanga gha mighondinyi kufuma Lebanoni hata Misrefoth-maimu, awo Wasidoni wose, nichawiwinga nimoni imbiri ya wandu wa Israeli, kupate kuwiwaghia wandu wa Israeli wiekeri ijo isanga jikaie ifwa jawo sa iji koni nerekulaghirieghe.

JOSHUA 18:3

Niko Joshua ukawizera wandu wa Israeli, “Mmbeseria hata lii msengiagha na kujiwada isanga, ijo BWANA, uo Mlungu wa weke ndeyo oremnekieghe jikaie ifwa jenyu?

JOSHUA 21:43

Niko huwo BWANA ukawineka wandu wa Israeli ijo isanga orewilaghirieghe weke ndee, ukawighemia kukaia uchawineka; nawo wimeria kujipata ifwa ijo isanga, wikakaia aho.

JOSHUA 5:6

Kwa kukaia wandu wa Israeli werekoghe wikidamba kireti kwa miaka mirongo ina; hata mbari yose, awo wandu wa wuda werefumieghe Misri, wikatota; angu ndewerelusikireghe lwaka lwa BWANA, hata ukaghema angu ndewichaajiwona jija isanga BWANA orewilaghirieghe weke ndee kukaia uchadineka; isanga jinorie na ndighi.

1 SAMUELI 4:9

Mkufungishe ndighi m'bonye kiwomi ee Wafilisti, msechewuya wazumba wa Waebrania seji werekoghe konyu; mkufungishe ndighi sa womi mkulue.”