JOSHUA 1:5 - Biblia Ilagho Jiboie Kwa Wandu Wose

⁵ Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 1:5 Iomraidhean Croise

KUZOYA 39:2

BWANA ukakaia andwamweri na Josefu, ukawona nicha kwa ghose oreghibonyereghe; nao ukakaia nyumbenyi kwa uja bwana wake Mmisri.

1 WAZURI 1:37

Sa iji koni BWANA orekaieghe na oho bwana wapo mzuri, ndeikaie woruwo kwa Solomoni; uchibonye kifumbi chake cha nguma chichumbe chako bwana wapo Mzuri Daudi.”

1 WAZURI 11:38

Kukanisikira kwa agho ghose nikulaghiragha, na kukaia seji nikundagha, na kubonya agho ghiko gha hachi imbiri kwapo kwa kuiwadia memu yapo na sharia rapo, sa iji koni mdumiki wapo Daudi orebonyereghe, nichakaia andwamweri na oho, nani nichakubonya kukaie mzuri wa Israeli, na kivalwa chako chikaie chikibonya nguma nyuma yako, sa iji koni nerebonyereghe kwa Daudi.

1 WAZURI 6:13

Nani nichakaia aghadi ya wandu wapo Israeli, hata sichaawida anduangi.”

1 WAZURI 8:57

BWANA Mlungu odu ndekaie andwamweri nesi sa iji koni orekaieghe na weke wawa wedu; usakedisigha kuleghaditala.

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

JEREMIA 1:8

Kusakeobua wandu, angu ini neko andwamweri na oho kukukira.”

DANIELI 11:16

Kilongozi wa Siria uchabonya sa iji koni ukunde, usetangalwagha ni mndungi; uchangia hata andenyi ya Isanga ja Ilaghiro, na kujibonyera nguma.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

WUKUMBUSO 20:1

“Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.

WUKUMBUSO 20:4

BWANA Mlungu onyu uchaghendanya nenyo, upate kumluya na kumsimia.’

WUKUMBUSO 31:23

BWANA ukammbika Joshua mwana wa Nuni kazinyi na kughamba, “Kukaie ing'oni jimange; angu kuchawingira wana wa Israeli andenyi ya ijo isanga nilaghirie nichawineka; ini nichakaia andwamweri na oho.”

WUKUMBUSO 4:31

Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.

WUKUMBUSO 7:24

Uchabonya wazuri wawo muwisime, nenyo mchawibwagha na kuwimeria hata wiliwike isangenyi; mndungi ndechaadima kumtangala, hata mwameria kuwitotesha.

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

JOSHUA 1:17

Dichakusikira sa iji koni deremsikireghe Musa; BWANA ndekaie na oho sa iji koni orekaighe na Musa.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

JOSHUA 21:44

BWANA ukawineka kuhora chia rose sa iji koni orewibonyereghe weke ndee ighemi; ndekorekoghe na m'maiza ungi wawo oredimieghe kusimana nawo anduangi, kwa kukaia BWANA orekoghe wawisimia.

JOSHUA 3:7

BWANA ukamzera Joshua, “Idime iji nichazoya kukujosa imbiri ya Waisraeli wose, wipate kumanya angu sa iji koni nerekaieghe andwamweri na Musa, huwo koni nichakaia andwamweri na oho.

JOSHUA 6:27

BWANA ukakaia andwamweri na Joshua, na sare yake ikaera andenyi ya isanga jose.

WATANYI 2:18

Kula ngelo BWANA orewiwusirieghe mtanyi, BWANA orekoghe andwamweri na uo mtanyi; ukawikira Waisraeli kufuma kwa wamaiza wawo, ngelo rose uo mtanyi orekoghe moyo; kwa kukaia BWANA orewadiloghe ni wughoma ghwawo kwa wundu ghwa uko kuruma kwawo na kusirimika kwa wandu werekoghe wikiwikoronga.

WATANYI 6:16

BWANA ukamzera, “Ini nichakaia andwamweri na oho, na oho kuchawikaba Wamidiani seji ni mundu umweri.”

1 SAMUELI 10:7

Kukameria kuwona alama iri rose, kubonye ijo jose kwasikira kujibonya, kwa kukaia Mlungu oko andwamweri na oho.