DANIELI 4:3 - Biblia Ilagho Jiboie Kwa Wandu Wose

³ Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

DANIELI 4:3 Iomraidhean Croise

AYUBU 25:2

“Mlungu nuo uwadie nguma, nao wafwane uobolo; wadawika sere aighu kwake mlungunyi.

ZABURI 104:24

Ee BWANA, kwabonyere malagho mengi, kwaghibonyere ghose kwa hikima; ndoenyi kwachua maumbo ghako.

ZABURI 105:27

Wikabonya mabonyo gha ndighi gha Mlungu, na weke mwakilimbiti andenyi ya isanga ja Hamu.

ZABURI 145:13

Wuzuri ghwako ni ghwa kala na kala, na nguma rako radua vivalwa hata vivalwa. BWANA ni mloli kwa malagho ghake ghose, nao ni mucha kwa mabonyo ghake ghose.

ZABURI 66:7

Wadabonya nguma kwa kudima kwake kwa kala na kala, ukirizighana mbari ra wandu; waleghi wisekujose aighu yake.

ZABURI 72:18

BWANA, uo Mlungu wa Israeli ndekaso; uo uekeri ubonyagha maza ra mashiniko.

ZABURI 77:19

Koreghendieghe aighu ya bahari; kukaidia aghadi ya machi mengi; ela sena chwau rako ndererewonekieghe anduangi.

ZABURI 86:10

Oho koko m'baa, kubonyagha maza ra mashiniko; ni oho kuekeri kuko Mlungu.

ZABURI 92:5

Ni mbaa saki iro kazi rako ee BWANA! Maghesho ghako gheko ndenyi nandighi!

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 28:29

Na hikima ihi yose yadafuma kwa BWANA wa majeshi. Njama rake ni ra mashiniko richuagha hikima ndicha.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

DANIELI 2:2

Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

WAEBRANIA 1:8

Ela kwa Mwana waghamba huwu, “Kifumbi chako cha nguma ee Mlungu chadua kwa kala na kala, mzata ghwa nguma ghwa hachi, ni mzata ghwa nguma ghwa wuzuri ghwako.

WAEBRANIA 2:4

Mlungu ukikushuhudia kwa chia ya alama na mashiniko, na weke mwakilimbiti wazima-wazima, na kwa manosi gha Roho Mweli ghiwaghilo karakara na seji orekundieghe moni.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”