San Juan 5:13 - Tarahumara Western

¹³ Alué rió 'yórigame ka tabilé machile chieri níligo alué rió. Abiéniko tané ikíligame Esúsika, cha we'ká rióligame alé.

San Juan 5:13 Iomraidhean Croise

San Lucas 24:31

A'lige alué ralámulika pe yati neraga machile pe Esusi ko alué rió. 'Lige pe yati abajá tané ikiá kíbale.

San Lucas 4:30

'Lige alué Esúsika tabilé neti neyúsale alemi, pe nasípami simírole 'minami simiá.

San Juan 14:9

'Liko Esusi anile: ―Mué Belipe, 'ma asíriga we'ká rawé ajtíkuru ne 'emi 'yuga, ¿bijí tabilé 'cho machí mué ne'chí? Bilé rió ne'chí eteme ka, alueka ne O'nola Onorúgame abiena eteme júkuru. 'Liko ¿chonigá tánebeché mué ne'chí napurigá elawa napurigá mué 'la etémala alué O'nó Onorúgame?

San Juan 5:12

A'lige rukéleru alué rió: ―¿Chieri júkó alué rió napu anile: «Ro'miná mué gemala 'lige simigá»?

San Juan 5:14

Abé a'kinana Esusi etele alué rió alé ra'pichí wa'lú re'obachi, 'lige anele: ―'La machíguru mué, 'ma 'la sa'wígame rió júkuru mué. Ya 'ma pe alé si a'rewa cha 'siá. Tabilé a'resa ka mué alué chátiri 'nátili, a'liko abéchigo cha ikimela mué.

San Juan 8:59

'Liko rejté 'wile alué ralámuli jurío Esusi basibumia, nobi Esúsika simile alé nasipa we'ká jágichi ralámuli alé ra'pichí wa'lú re'obachi.