San Juan 11:22 - Tarahumara Western

²² Nobi neka 'láchigo machígó Onorúgame suwábaga nejimio napu mué tani.

San Juan 11:22 Iomraidhean Croise

San Mateo 28:18

'Liko Esusi a'bé nawile alué oyérame, 'lige anele: ―Onorúgameka a'walí 'yákuru ne'chí napurigá nulámala ne bochígimi 'pa rewagachi, 'lige aminami jemi wijchimoba.

San Marcos 9:23

'Lige Esúsika anele: ―¿Mueka chonigá anéché «'la umubásiká mué»? Mué 'la bijchígasaká 'la umébame ko ne, 'la umubámala ne.

San Juan 11:23

'Lige Esúsika anele: ―Mué bonílaka ku ajánamala.

San Juan 17:2

Mué ne'chí a'walí 'ya napurigá ne nulémala suwábaga ralámuli napu mué wanápale, 'lige napurigá 'la rewagachi ejperélamala senibí niraga mué 'yuga.

San Juan 3:35

Alué O'nó Onorúgameka 'we galé bo'né Inolá, 'lige a'walí 'yale napurigá suwábaga ralámuli nulémala.

San Juan 9:31

'We a'lá machirúguru Onorúgameka tabilé gepume ko alué ralámuli napu 'we resí nokigá e'yéname ju, Onorúgameka pe alué napu tabilé resí nokigá e'yéname ju, pe aluecho gepume ju, pe aluecho napu 'la e'wame ju napu Onorúgame nulá.