Колосс 4:3 - Гирами Китаб

³ Гьацира, Аллагьди учуз Месигьдин сирнакан гаф рабгъбан урчӀар арццбан бадали, учхъанди ккарагай. Гьадму сир ктибтруган, узу зунжрариъ аза.

Колосс 4:3 Iomraidhean Croise

Ляхнар 14:27

Дина дуфну, вари хъугънайидар уч дапӀну, дурари Аллагьди чпиз гъапӀу вари ляхнарикан ва Агъайи жугьуд дарударизра хъугъувалихьна раккар арццбакан ктибтуру.

Колосс 1:26

Думу Гаф агъзрар йисариъ вари насларихьан жиниди дюбхнайиб вуйи. Хъа гьамус думу Дугъан гирами халкьдиз ачмиш дапӀна.

Коринф-2 2:12

Узу Троадайиз Месигьдикан Ужувлан хабар рабгъури гъафиган, Агъайи душваъ ляхин апӀуз раккнар арццунзуз.

Тимофейиз-2 2:9

Гьадму Ужувлан хабар бадали узу балайикк ккахъназа, тахсиркарси, зунжрариъ аза. Хъа Аллагьдин Хабар зунжрариъ дибтӀуз шлуб дар!

Филипп 1:7

Дугъридан, учвухьна вуйи йиз гьиссар ари гьацдар духьну ккунду! Узу дустагъдиъ айиганси, адруганра – узу Ужувлан хабар, дидʼин алжагърударихьан уьбхюрайиган ва думу дугъри вуйиб тасдикь апӀруган, узуси учвура гьадму ужувлан гъуллугънаъ гъахьунчва.

Эфес 4:1

Узу, Агъайин тереф дибисна кӀури дустагъдиъ айири, миннат апӀуразачвуз: Аллагьди учвуз дих дапӀнайи гъуллугъназ лайикь вуйиси яшамиш йихьай.

Коринф-1 16:9

Фицики мушваъ, хъуркьувалиинди гъуллугънаъ хьуз шлуси, йиз улихь яркьуди урчӀар арццна. Душмнарра цӀиб дар.

Коринф-1 4:1

Гьаци вуйиган, Аллагьдин сир учʼина ихтибарлу дапӀнайи Месигьдин гъуллугъчйирси учу гьисаб апӀинай.

Фессалоник-1 5:25

Гъардшар, учхъанра ккарагай!

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Филимондиз 1:22

Мидихъди сабси, узуз хялижвувазси, саб халра гьязур апӀуб ккун апӀураза. Ичв ккарагбарин кюмекниинди Аллагьди узу гьаму багарихьди учвухьна гьаърубдик умуд кайиз.

Филипп 1:19

фицики ичв ккарагбарина, Иса Месигьдин Рюгьнан кюмекнуна ва гьамци хьпу узу азад апӀруб, аьгъязуз.

Тимофейиз-2 1:16

Гъит Агъайи Чан рягьимлувал Онисефордин вари хуландариз улупри. Дугъу гагь-гагьнак йиз кӀваз архаинвал хури гъахьну ва узу йитӀнайи зунжрарихьан нач гъапӀундар!

Эфес 3:1

Магьа гьаддиз узу, Павел, учву, аллагьсузар бадали, Месигь Исайиланмина дустагъдиъ аза.

Рим агьларихьна вуйи кагъаз 16:25

Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи

Эфес 3:3

Дугъу узуз Чан сир ачухъ гъапӀунзуз, узу дидкан учвуз жикьиди гъибикӀнийза.

Эфес 3:4

Гьаму гъурхиган, Месигьдин сирнакан узуз фу аьгъяш, йиз аьгъюваларикан учвхьанра аьгъю апӀуз шулчвухьан.

Эфес 3:9

Вари халкь гъапӀу Аллагьди сифте бинайиан жиниди уьбхюрайи гьадму ляхнин гьякьнаан варидариз аьгъювалар арццру багъиш тувназуз.

Колосс 4:18

Йиз хусуси хилʼинди бикӀураза: Павелихьан саламар. Йиз зунжрарикан кӀваинди гъибтай. Гъит учвухъди Аллагьдин ужʼвал ибшри!

Тимофейиз-2 4:2

Аллагьдин гаф рабгъ, рягьят вуйи ва рягьят дару вахтнара ижмиди гъуз, гъалатӀар ктагъури апӀин, жинивалар ашкар апӀури гъуз, инсанарин рюгь за апӀин ва сабурлуди аьгъювалар тув.