Даниял 8:8 - Гирами Китаб

⁸ Хъа кьун хъана гизаф кьувватлу гъабхьнийи – ва мушвахь, думу кьудратлу гъабхьиган, аьхю кӀарч дюбгъну, дидин ерина жара юкьуб кӀарч итӀигъу, дюнʼяйин гьарсаб терефназди.

Даниял 8:8 Iomraidhean Croise

Эстер 9:4

Паччагьдин багахь хьайи Мярдягьяй кьувватлу гъахьнийи, варишваъ дугъан ад абхънайи. Вахт гъябгъбахъ Мярдягьяйин кьудратлувал артухъ шулайи.

Даниял 11:4

Амма думу гъюблан кьяляхъ дугъан паччагьлугъ ккадабхъиди, ва юкьуб терефнахъинди жара хьибди, ва дугъан веледариз ккубкьидар, ва думу сарун муганайиз айигансиб хьибдар. Дугъан паччагьлугъ тадабгъиди ва жарадариз тувди.

Даниял 4:31

Гьамци вахтар гъушу; узу, Навухаднасари, кӀул за дапӀну, завузди гъилигза – ва фагьум-фикрихъна гъафизу. Узу ВаритӀанзаануриз шюкюр гъапӀза, Даима Гъузруриз аферин гъапиза ва Дугъан адар гъапӀза: Гьюкум Дугъан вуда гьюкум даима, вари вахтариз – Дугъан паччагьлугъра.

Даниял 5:20

Аммаки дугъу чав гизаф заанди дисуз хъюгъю, фурслу ва дамагълу гъахьи, ари гьаддиз думу паччагьдин тахтналан илдитнийи. Ва чан вари машгьурвалихъ мюгьтаж гъапӀнийи.

Даниял 7:2

Данияли гьамци кӀура: йишвну даахнайиган, узуз гьациб нивкӀ гъябкъюнзузки, зурба гьюлиин, заварилан дуфну, юкьуб жюрейин микӀ-тӀурфан гъедебгнайи

Даниял 7:6

Хъасин узуз сабсана вягьши гьяйванат гъябкъзуз – думу пеленгсиб вуйи, ва дидин йирфарикна юкьуб хлинцц ктучӀвнайи. Муну гьяйванатдиин юкьуб кӀул алийи, ва дидиз гьюкум тувнайи.

Даниял 8:22

КӀарч улдубшвну, ва дидин ерина юкьуб кӀарч удучӀвну – миди улупураки, думу халкьдин юкьуб паччагьлугъ хьиди, амма сабпибсикьан кьувватлу дарудар.

Даниял 8:5

Узу гьаму ляхнин фикрикк ккахъзу – ригъ алабхъру терефнахъанди, вари жил ккадапӀури, жиликкьан ктрубкӀри, кьун гъюрайи, ва дидин унтӀаъ зурба кӀарч айи.

Даниял 8:7

Ва узуз гъябкъзузки, багахь гъабхьиган, хъана артухъди ажугълу дубхьну, диди якъраз йивуру ва дидин кьюбиб кӀарчарра улдушвуру. Якърахьан дидиъ удубкьну дугъубжвуз гъабхьундайи; кьуну думу алдабку ва ликариккан гъапӀу – якъраз аькси хьуз мумкинвалкьан гъабхьундайи.

Матта 24:31

Дугъура зурба сес апӀру зурна хьади Чан малайикар гьаъди, дурари Дугъу ктагъу касар, жилин саб кӀулʼан тмуну кӀулиз гъяйизкьан, юкьбиб терефарихъанди уч апӀиди.

Марк 13:27

Гьадмуган Дугъу, дюнʼяйин юкьбиб терефарихъан жилин саб кӀулхъан тап гьатмунуб кӀулихъна кадагънайидар уч апӀуз малайикар гьаъди.

Ачмиш 7:1

Хъасин узуз дюнʼяйин юкьбиб терефариъ дийигънайи юкьур малайик гъяркъзуз. Дурари, я жилиина, я гьюлʼина, я гьарариина хъивуз гъидритди, дюнʼяйиина хъивру юкьуб микӀ дидиснайи.