Даниял 8:4 - Гирами Китаб

⁴ Ва узуз гъябкъзузки, гьаму якъру, кьиблайиздина, кафарийиздина ригъ алабхъру терефназди кӀул йивурайи, ва дидин улихь вягьши гьяйванатарикан сабдихьанра дийибгъну гъубзуз шуладайи, ва сабдизра дидхьан мюгьлет адайи. Диди, чаз фу ккундуш, гьадму вари апӀурайи, ва дидин кьувватра гъюблан-гъюбаз артухъ шулайи.

Даниял 8:4 Iomraidhean Croise

Паччагьлугъар-3 22:11

Гьаци, Кенаанайин бай Цедекияйи чаз рукьан кӀарчар ктаънийи ва гъапнийи: – Гьамци кӀура РАББИЙИ: «Му кӀарчарихъди арамариз, дурар терг хьайизкьан, йивидива».

Даниял 11:16

Хъа дуфнайири, чаз фу ккундуш, гьадму апӀиди, ва сарихьанра дугъан улихь дийигъну гъузуз хьибдар; думу гюрчег вилаятдиъ къайд хьиди, думу дугъан гьюкмиъ абхъди.

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Даниял 5:19

Аллагьди дугъаз туву къудратлувалин улихь вари халкьар, тухмар ва миллетар гукӀуни дийигъну гъахьну: чаз ккунир паччагьди дариз зигуйи, хъа ккунириз рягьим апӀуйи, ккунир заан апӀуйи, ккунир асккан апӀуйи.

Даниял 5:30

Гьадму йишван Балтасар, Вавилондин паччагь, йивну гъакӀнийи.

Даниял 7:5

Гьатмуну гьяйванат кьялхъян ликариина за дубхьнайи швеъсиб вуйи. Дидин ушвниан, кӀираригъян, шубуб кӀураб гъитӀибгънайи. Ва дидиз: «Гъудубжвну, увуз ккунибкьан йикк ипӀин!» – кӀури, ихтияр тувнайи.

Даниял 8:7

Ва узуз гъябкъзузки, багахь гъабхьиган, хъана артухъди ажугълу дубхьну, диди якъраз йивуру ва дидин кьюбиб кӀарчарра улдушвуру. Якърахьан дидиъ удубкьну дугъубжвуз гъабхьундайи; кьуну думу алдабку ва ликариккан гъапӀу – якъраз аькси хьуз мумкинвалкьан гъабхьундайи.