Даниял 8:23 - Гирами Китаб

²³ Хъа му паччагьлугъарин аьхирихъна, нягьякьʼвалар тухъди гъахьиган, бичран улар айи, иблисвалиъ бажаранлу паччагьдин гьюкум хьибди.

Даниял 8:23 Iomraidhean Croise

Эвел 15:16

Увлантина вуйи юкьубпи наслин девриъ яв наслар мина кьяляхъ хътакиди, фицики амореярин гуннагь сабан чан кьадарнахъна дуфнадар.

Насигьятар 1:6

аннамиш апӀруси мисаларна тахалусар, аькьюл айидарин дерин гафарна сирар.

Даниял 10:14

Хъа гьамус, аьхирзамандихъна яв халкьдиз фу шулуш, увуз ктибтуз гъафунза, гьаз гъапиш рябкъюрайиб гьадму йигъарикан ву.

Даниял 11:21

Жарар гъиди тахтниина – алчагъ вуйир; дугъаз паччагьдин адлувал тувну хьибдар. Думу хабарсузди гъиди ва паччагьвал жинжалвалиинди бисиди.

Даниял 11:24

Думу хабарсузди вартӀан бул вилаятариз гъиди ва душвариъ я чан абйири, ясана чан абйирин абйири дарапӀуб апӀиди. Чаз ккубкьуб, тадабгъуб ва гьацира имбу девлетар, пай апӀури, харж апӀиди; мюгькам шагьрариз пис кьастар апӀиди – вахт хьайизкьан гагьди.

Даниял 7:11

КӀарчлин ушвниан дамахлу гафар удучӀвхъанмина ккебгъну, та-а-ап думу вягьши йивну йибкӀайизкьан, хъа дидин жандак, цӀигъ гъипну, терг апӀайизкьан, фу гъабхьнуш, узуз вари гъябкъюнзуз.

Даниял 7:20

Гьацира дидин кӀулʼин али йицӀуб кӀарчли фу улупураш, ва аьхиримжи кӀарч, чаз йишв азад апӀбан бадали шубуб кюгьнедар адахьган удубчӀвуб – му улар айи ва заанвал кайи гафар апӀру ушв али кӀарч, имбудартӀан аьхюди рябкъруб – фу вуш, аьгъю апӀуз ккун гъабхьизуз.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 7:8

Узу думу кӀарчарихъ ул хъипза – ва дурарин арайиъ сабсана бицӀи кӀарч кудубчӀвнади гъябкъзуз, ва, дидиз йишв апӀбан бадали, айидарикан шубуб кӀарч удугънайи. Думу кӀарч, инсандиъси, улар айиб вуйи ва заанвал кади улхру ушв алиб вуйи.

Даниял 8:22

КӀарч улдубшвну, ва дидин ерина юкьуб кӀарч удучӀвну – миди улупураки, думу халкьдин юкьуб паччагьлугъ хьиди, амма сабпибсикьан кьувватлу дарудар.

Даниял 8:24

Думу гужлир хьиди – амма жвуван кьувватниинди ваъ. Дугъу зурба алархьбар-ккидирчбар апӀиди, гизаф писвалар апӀиди, кьудратлударра, марццидарин халкьра гъирмиш апӀиди.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Матта 23:32

Гьаци вуйиган, ичв абйирин тахсрар давам апӀинай!

Фессалоник-1 2:16

Дурари ухьуз хабарнакан жугьуд дарудариз ктибтуз гъадагъа апӀура. Вари гьамцдар ляхнариинди дурари чпин гунгьарин гъагъ артухъ апӀура. Хъа Аллагьдин хъял дурариин сабан ва гьаммишандиз алабхъиди!

Тимофейиз-1 4:1

Аллагьдин Рюгьну ачухъди кӀура, аьхиримжи вахтари, хъугъувал дипну, гьацӀар гьудучӀвиди, дурари кучӀлин рюгьярин ва жинарин каламарин тереф бисиди.

Ачмиш 19:20

Вягьши гьяйванатна кучӀлин пайгъамбар гъидису. КучӀлин пайгъамбри вягьши гьяйванатдин гьюрматназ аьламатар улупуйи. Дугъу гьадму аьламатариинди вягьши гьяйванатдин лишан капӀнайидар ва дидин суратназ икрам апӀурайидар алдатмиш гъапӀнийи. Дурар кьюридра чӀивиди имиди убгурайи гугуртдин дагриъ ирчу.