Даниял 7:9 - Гирами Китаб

⁹ Хъасин узуз гъябкъзуз: Айи мушваъ дивну тахтар, тахтʼин Йисар Кюгьневуйир. Лизи йифси – Дугъан палтар, Кушар – ччилан лизи хьаси. Тахтра дугъан – ву цӀин ялав, Тахтнан чархар – мурз али цӀа.

Даниял 7:9 Iomraidhean Croise

Паччагьлугъар-3 22:19

Михейи гъапнийи: – Гьаци, РАББИЙИН гафнахъ хъебехъ. Узуз РАББИ Чан тахтниин деънади гъяркъюнзуз, Дугъхьан арчул ва гагул терефнаъ дийибгънайи чан заварин кьушумра хъади.

Даниял 7:13

Ва гъябкъзуз йишвандин йиз нивкӀукди: Дифарихъди завʼан фуж-вуш сар шула багахь – инсансир ву думу. Хъади гъушний, хъуркьси, думу Йисар Кюгьне вуйирихьна.

Даниял 7:22

та-а-ап чан Йисар Кюгьневуйир гъяйизкьан гагьди – ва думуган ВаритӀанзаанурин марццидарихьна гьякьʼвал гъурубкьнийи: вахт улубкьу, ва марццидар гьюкмихьна гъафи.

Матта 17:2

Хъа Иса дурарин улихь дигиш шулу: Дугъан маш рябкъюри-рябкъюри ригъси нурлу гъабхьнийи, хъа палтар – йифси лизи.

Матта 28:3

Дугъан рябкъюб кьюркьлин цӀасиб, палат лизи йифсиб вуйи.

Марк 9:3

Дугъан палтар, улин нур гъабхури, кьадар адрубкьан лизи шулу – гъурччну пну, гьич сарихьан дици лизи апӀуз даршлийи.

Ляхнар 2:30

Учв пайгъамбар вуди хьпаз дилигну, дугъаз, учв али тахтниина чан насларикан сар дитуз Аллагьди аьгьт дапӀнайиваликан аьгъяйи.

Ляхнар 2:33

Гьамус Думу аьршариин Аллагьдин арччул хилихъ деъна. Дугъу Адашдихьан тувурза дупнайи Гирами Рюгь кьабул гъапӀну ва Гьадму, учвуз рябкъюрайиси ва ебхьурайиси, учʼин улурзну.

Филипп 3:9

узу Гьадгъахъди хьуб вуйиз. Сарун узу, Къанунди улупнайиб тамам апӀидиза, кӀури, жвуван жафайиинди Аллагьдин улихь гьякь хьуз хьибдизухьан кӀури, гьаддихъ хъачӀарккну имдарза. Месигьдихъ хъугъигантӀан Аллагьдин улихь гьякь хьуз шлуб дар – узу гьаддихъ хъачӀарккназа. Гьациб хъугъвал туврайирра Аллагь ву. Узуз ккуниб сабтӀан дарзуз:

Югьандин-1 1:5

Магьа учуз Аллагьдикан гьамциб хабар гъеебхьунчуз: «Аллагь – акв ву. Дугъаъ гьич саб жюрейин мучӀушин адар».

Ачмиш 1:14

Дугъан кӀул ва кушар лизи хьаси ва йифси вуйи. Дугъан улар убгурайи цӀаси вуйи,

Ачмиш 19:18

Паччгьарин, кьушмарин аьхюдарин, кьудратлударин, гьяйвнарин ва дурариин элеънайидарин, лукӀарин ва азадкрарин, цӀиб ва зурба вуйидарин жандкарин йикк ипӀидичва».

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.

Ачмиш 4:2

Узу гьадму сяаьт Рюгьну ацӀунзу. Фу лигурва, аьршариъ тахт дебккна, хъа тахтниин Деънайир ал.