Даниял 7:7 - Гирами Китаб

⁷ Хъасин йиз йишвандин нивкӀукди узуз юкьубпи вягьши гьяйванат гъябкъзуз – ажугълу, къурхуллу, яман кьувват айи, дидиъ зурба рукьан силбар айи. Фу алабхъишра, диди «хъумпӀ» дапӀну, вари хътӀюбкъюйи ва дагъитмиш апӀуйи, хъа хъирибгъуб ликариккан апӀуйи. Думу гьатмуну вягьшийириз ухшар дайи, дидʼин йицӀуб кӀарч алийи.

Даниял 7:7 Iomraidhean Croise

Паччагьлугъар-2 22:43

Узу дурар биширугси гъаркӀунза; узу дурар, кючейин батӀурси, хътӀиршунза.

Даниял 2:19

Йишвну Даниялиз аьян апӀру улупбар гъяркънийи, ва дугъаз сир ачмиш гъабхьнийи. Думуган Данияли Заварин Аллагьдиз шюкюр гъапӀу.

Даниял 7:13

Ва гъябкъзуз йишвандин йиз нивкӀукди: Дифарихъди завʼан фуж-вуш сар шула багахь – инсансир ву думу. Хъади гъушний, хъуркьси, думу Йисар Кюгьне вуйирихьна.

Даниял 7:2

Данияли гьамци кӀура: йишвну даахнайиган, узуз гьациб нивкӀ гъябкъюнзузки, зурба гьюлиин, заварилан дуфну, юкьуб жюрейин микӀ-тӀурфан гъедебгнайи

Даниял 8:10

БицӀи кӀарч заварин кьушмихьнакьан за гъабхьи, саб пай кьушум ва саб пай хядар диди жилиина ирчу ва дурар ликариккан гъапӀу.

Даниял 8:22

КӀарч улдубшвну, ва дидин ерина юкьуб кӀарч удучӀвну – миди улупураки, думу халкьдин юкьуб паччагьлугъ хьиди, амма сабпибсикьан кьувватлу дарудар.

Ачмиш 12:3

Завариин жара лишанра арайиз гъюру: зурба цӀаси уьру аждагьа, ургуб кӀул али, йицӀуб кӀарч али ва кӀулариин ургуб таж али.

Ачмиш 13:1

Узуз гьюлʼан, йицӀуб кӀарч али, ургуб кӀул али, кӀарчариин йицӀуб таж али, хъа кӀуларик Аллагьдиз люкьнар кайи вягьши гьяйванат удубчӀвури гъябкъюнзуз.

Ачмиш 17:12

Увуз гъяркъю йицӀуб кӀарч, мегьел паччагьвал ккубкьнадру паччгьар ву, амма дурариз вягьши гьяйванатдихъди сатӀиди цӀиб вахтназ паччагьвал ккубкьди.

Ачмиш 17:7

Малайикди узуз гъапи: «Уву гьаз мюгьтал гъахьива? Узу увуз дишагьлийикан ва думу элеъну гъягъюрайи, ургуб кӀулна йицӀуб кӀарч али вягьши гьяйванатдикан сир ктибтидизавуз.

Ачмиш 17:8

Увуз гъябкъю вягьши гьяйванат саб вахтна айи, хъа думу сарун имдар. Гьамус, багарихьди думу, кӀан ккадрушвʼан аьжал хъудубкьнайиб, удубчӀвиди. Дюнʼя халкь апӀайиз Уьмрин китабдик ччвурар дидикӀну адру дюнʼяйин вари адмийир, думу вягьши гьяйванат гъябкъиган, мюгьтал хьиди, гьаз гъапиш саб вахтна думу айи, хъа гъудубгнийи, хъа гьамус хъана ачмиш хьибди.