Даниял 7:6 - Гирами Китаб

⁶ Хъасин узуз сабсана вягьши гьяйванат гъябкъзуз – думу пеленгсиб вуйи, ва дидин йирфарикна юкьуб хлинцц ктучӀвнайи. Муну гьяйванатдиин юкьуб кӀул алийи, ва дидиз гьюкум тувнайи.

Даниял 7:6 Iomraidhean Croise

Даниял 10:20

Ва дугъу гъапи: – Узу увухьна гьаз гъафир вуш, аьгъянуз? Гьамусяаьт узу фарсар уьрхру малайикдихъди вуйи женгназ кьяляхъ хътакурза, хъа думу ккудубкӀумитӀлан грекар уьрхру малайик гъюру.

Даниял 2:39

Яв кьяляхъ жара паччагьлугъ хьибди, явубси кьувватлу дару. Хъасин гъюру шубубпи паччагьлугъди, чавра йифрин, вари жилиин агъавал апӀиди.

Даниял 7:4

Сабпиб аслансиб вуйи, ва дидик люкьран хлинццар кайи. Амма хъасин, дидин хлинццар кадатӀну, гъитӀибккну, думу, адмиси, ликри дебккну ва дидиз инсандин фагьум тувну, гъябкъюнзуз.

Даниял 7:5

Гьатмуну гьяйванат кьялхъян ликариина за дубхьнайи швеъсиб вуйи. Дидин ушвниан, кӀираригъян, шубуб кӀураб гъитӀибгънайи. Ва дидиз: «Гъудубжвну, увуз ккунибкьан йикк ипӀин!» – кӀури, ихтияр тувнайи.

Ачмиш 13:2

Узуз гъябкъю вягьши гьяйванат леопарддиз ухшар вуйи, хъа ушв – асландинсиб. Аждагьайи дидиз чан кьувват, тахт ва зурба гьюкум тувнийи.