Даниял 7:18 - Гирами Китаб

¹⁸ Амма хъасин паччагьлугъ ВаритӀанзаанурин марццидарихьна тувди, ва дурари аьсрариинди ва гьаммишандиз паччагьвал апӀиди.

Даниял 7:18 Iomraidhean Croise

Даниял 7:14

Тувний дугъаз гьюкум, гьюрмат ва паччагьлугъ, Вари халкьар, тухмар ва миллетар хьиди дугъаз мютӀюгъ. Дугъан гьюкум, батӀул даршлу, ву даима, Аьхир адруб хьибди Дугъан паччагьвалра.

Даниял 7:17

– Гьаму юкьуб зурба гьяйванат – жилиин шуз имбу юкьур паччагьлугъ ву.

Даниял 7:22

та-а-ап чан Йисар Кюгьневуйир гъяйизкьан гагьди – ва думуган ВаритӀанзаанурин марццидарихьна гьякьʼвал гъурубкьнийи: вахт улубкьу, ва марццидар гьюкмихьна гъафи.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 7:27

Хъа ВаритӀанзаанурин марццидарин халкьдиз паччагьвална, гьюкумна заварин кӀанакк вари паччагьлугъарин кьудрат тувди. Дугъан паччагьлугъ даима паччагьлугъ ву, гьар фуну гьюкум дугъаз мютӀюгъ ва табигъ хьибди.

Лука 1:33

Дугъу Якьубдин халкьдиин уьмурлугъди паччагьвал апӀиди, ва Дугъан паччагьвалин аьхир хьибдар.

Коринф-1 6:2

Аллагьдин гирами халкьди дюнʼяйин суд апӀруб аьгъданчвуз дарш? Учвʼин вари дюнʼяйин суд апӀувал алабхъруган, гьаму бицӀи гъярхьбар гьял апӀуз шуладанчвухьан дарш?

Эфес 1:3

Гъит адлу ишри ихь Агъа Иса Месигьдин Адаш, Аллагь. Дугъу аьршариъ ухьуз, Месигьдихъди ухьу саб гъашиган, рюгьнан вари ужувлар тувунхьуз:

Эфес 6:12

Фицики ухьу дяви йиккканна ифдикан вуйи адмийирихъди гъабхурадархьа, хъа аьхюдарихъдина гьюкумдрарихъди, гьаму мучӀушнан дюнʼя хилиъ дибиснайидарихъди ва завариъ писвалин рюгьярихъди гъабхурахьа.

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.

Ачмиш 22:5

Душваъ сарун мучӀу шлуб дар, дурариз сарун акв тувру алатдин акв, я ригъдин акв лазим хьибдар, гьаз гъапиш дурариз акв Агъа Аллагьди апӀиди. Дурари паччагьвал аьсрариан аьсрариз апӀиди.

Ачмиш 3:21

Гъалиб гъахьириз Узу Узухъди тахтниин деуз йишв улупидиза, гьаз гъапиш, Узура гъалиб гъахьунза ва Йиз Адашдин гъвалахъ Дугъан тахтниин деунза.

Ачмиш 5:10

Уву гъапӀунва дурарикан ихь Аллагьдиз гирами гъуллугъчйир ва паччгьар – дурари дюнʼяйиинра паччагьвал апӀиди!»