Даниял 7:13 - Гирами Китаб

¹³ Ва гъябкъзуз йишвандин йиз нивкӀукди: Дифарихъди завʼан фуж-вуш сар шула багахь – инсансир ву думу. Хъади гъушний, хъуркьси, думу Йисар Кюгьне вуйирихьна.

Даниял 7:13 Iomraidhean Croise

Даниял 2:44

Думу паччагьлугъарин вахтари Заварин Аллагьди даима паччагьлугъ тикмиш апӀиди, сарун ккададабхъруб, имбу халкьарихьан рабгъуз даршлуб. Диди вари гьаму паччагьлугъар ккидирчиди ва дагъитмиш апӀиди, хъа учв гьаммишандиз гъубзди.

Даниял 7:12

Имбу вягьшйирихьан гьюкум тадабгънайи, амма дурариз уьмур гъибтнийи – вяда хьайизкьан.

Даниял 7:2

Данияли гьамци кӀура: йишвну даахнайиган, узуз гьациб нивкӀ гъябкъюнзузки, зурба гьюлиин, заварилан дуфну, юкьуб жюрейин микӀ-тӀурфан гъедебгнайи

Даниял 7:22

та-а-ап чан Йисар Кюгьневуйир гъяйизкьан гагьди – ва думуган ВаритӀанзаанурин марццидарихьна гьякьʼвал гъурубкьнийи: вахт улубкьу, ва марццидар гьюкмихьна гъафи.

Даниял 7:9

Хъасин узуз гъябкъзуз: Айи мушваъ дивну тахтар, тахтʼин Йисар Кюгьневуйир. Лизи йифси – Дугъан палтар, Кушар – ччилан лизи хьаси. Тахтра дугъан – ву цӀин ялав, Тахтнан чархар – мурз али цӀа.

Даниял 8:15

Гьаму нивкӀ дябкъну, узу, Даниял, дидин мянайин гъаври хьуз чалишмиш гъахьунза – ва йиз улихь фуж-вуш, рякъбариан жилижвисир, дийигъдиз.

Матта 13:41

Инсаниятдин Бали Чан малайикар гьаъди, дурари Дугъан Паччагьлугъдиъ айи вари гунагькрарна къанунсуз ляхнар апӀурайидар гъядягъну, уч апӀиди

Матта 24:30

Гьадмуган завʼина Инсаниятдин Балин лишан гъибди. Жилиин али вари халкьар ишиди, дурариз, Чан кьувват ва зурба гьяйбат хъади, дифариин алди гъюрайи Инсаниятдин Бай рякъиди.

Матта 25:31

Инсаниятдин Бай Чан аднаъди малайикарра хъади гъафиган, Дугъу Чан адлувалин паччагьвал апӀиди.

Матта 26:64

Исайи дугъаз кӀуру: – Уву гьаци кӀурава. Дидланна гъайри, Узу кӀуразачвуз: гьамусдихъантина Инсаниятдин Бай вари Удукьрурин арччулну гъвалахъ деъну ва дифариинди гъюри рякъидичвуз.

Матта 28:18

Багахьна дуфну, Исайи дурариз гъапи: – Узуз завариин ва жилариин вари гьюкум тувназуз.

Матта 8:20

Исайи дугъаз кӀуру: – Сулариз мугъарйир, завун ничхрариз мукьар а, хъа Инсаниятдин Бализ кӀул дивну дахъру йишв адар.

Марк 13:26

Гьадмуган дифариинди зурба кьувват ва гьяйбат хъади Инсаниятдин Бай гъюри рякъиди.

Лука 21:27

Хъа гьадмуган дурариз кьувват ва зурба гьяйбат хъади дифриинди гъюрайи Инсаниятдин Бай рякъиди.

Лука 21:36

Гьаци вуйиган гьарсаб вахтна уягъди гъузай, гъюзимбу вари завалариккан ккадархьруси, ккарагури йихьай ва Инсаниятдин Балин улихь дийигъуз шлуганси гъузай.

Лука 24:27

Хъасин Исайи, Мусайилан ккебгъну, вари пайгъамбрари Чакан Гирами китабариъ дидикӀнайидарин гьякьнаан дурар гъаври тӀаъру.

Югьан 12:34

– Учуз Гирами китабариан Месигь гьарган учухъди шлуваликан аьгъячуз, – гъапи халкьди. – Увхьан фици пуз шулвухьан, Инсаниятдин Бай завариз зигиди, кӀури? Ва фуж ву, Думу Инсаниятдин Бай?

Югьан 3:13

Гьич саркьана аьршариз за гъахьундар, гьадушвʼан жилиина ГъафиртӀан – Инсаниятдин БайтӀан гъайри.

Югьан 5:27

Ва Дугъу Бализ суд апӀру гьюкумра тувна, фицики Думу Инсаниятдин Бай ву.

Ляхнар 7:56

Дугъу кӀуру: – Магьа, узуз атӀарццнайи аьршарна Аллагьдин арччул терефнаъ Инсаниятдин Бай рякъюразуз.

Фессалоник-1 4:17

хъасин ухьу, чӀивиди гъузнайидар, гьадрарихъди сатӀиди дифариинди Агъа рякъюз гъахиди ва гьаци гьаммишандиз Агъайихъди гъуздихьа.

Жугьдариз 2:14

Хъа веледар йиккканна ифдикан духьнайидар вуйиган, Дугъу Чахъра гьациб беден хъивну. Дугъу дици, Чан аьжалниинди аьжалин зиин гьюкум али иблисдихьан гьюкум бисузди,

Жугьдариз 9:24

Гьаддиз Месигь, инсанарин хилариинди дапӀнайи ва гьякь гирами Чадрин сиринтӀан дару жилин Чадриъ учӀвнадар, ваъ, Думу, Аллагьдин улихь ухьхъанди гаф кӀури, гьадму аьршариъ учӀвна.

Ачмиш 1:13

Гьадму акв апӀрударин арайиъ, ярхи палат алди, мухрилан гъизилин чӀул идибтӀнайи, Инсаниятдин Бализ ухшар айирсир кас гъяркъюнзуз.

Ачмиш 1:18

Яшамиш шулайир Узу вуза. Узу гъакӀнийза, хъа магьа Узу хъана аьсрариан-аьсрариз яшамиш шулаза. Узухь хьазухь аьжалин ва жегьеннемдин ачар.

Ачмиш 1:7

Магьа гьамус Думу дифар хъади гъиди ва гьарсариз Думу рякъиди, гьеле Дугъан мурглин тӀуларигъянзина жида гъюбччвдаризра кмиди. Дугъан улихь дюнʼяйиин али вари миллетари суза зигиди. Ав, дугъриданра гьаци ву! Амин.

Ачмиш 14:14

Ва магьа узуз лизи диф гъябкъзуз, хъа дифриин фуж-вуш Инсаниятдин Бализ ухшар алир деъна. Дугъан кӀулʼин гъизилин таж ал, хъа хилиъ учӀру дагьур а.