Даниял 6:8 - Гирами Китаб

⁸ Гьациб гъадагъа илив, жан паччагь, къанун адабгъ – кьатӀʼи вуйи къанун, мидийиринна фарсарин дючӀрюбгъру къанун.

Даниял 6:8 Iomraidhean Croise

Эстер 1:19

Эгер паччагьдиз ккун гъабхьиш, гьамусдихъантина Вашти Ахашʼверушдихьна дарифри кӀуру, батӀул апӀуз даршлу мялумат адабгъри ва Персияйин ва Мидияйин къанунариъ бикӀри. Хъа чаз хпирди дугъу жара дишагьли, гьадмутӀан ужур, гъадагъри.

Эстер 3:12

Гьаци сабпи вазлин йицӀишубудпи йигъан паччагьди кагъзар дикӀрудар уч апӀуру, Аманди гъапигансиб къарар адабгъуру ва гьарсаб вилаятдиз, гьарсаб халкьдиз ерли чӀалниинди дидикӀнайи къарар кайи кӀажар хътауру. Къарар паччагь Ахашʼверушдин ччвурнахъ адабгъуб ва дугъан мугьриинди тасдикь дапӀнайиб вуйи.

Эстер 8:10

Му Ахашʼверуш паччагьдин ччвурнахъан адагъу ва паччагьдин тӀубланиинди мугьур иливнайи къарар хьади, паччагьдин илхйиригъян ужударстар гьяйвнариин илитну, чархачйир гьаънийи.

Эстер 8:3

ЦӀийикӀултӀан Эстер паччагьдихьна илтӀикӀуру: дугъан ликарикк дахъну, дугъу паччагьдикан, Амандин пис фикир, жугьтар пуч апӀуб, тамам дарапӀуз миннат апӀуру.

Эстер 8:8

Паччагьдин ччвурнахъан дибикӀнайи ва паччагьдин тӀубланин мугьур кайи фунубра къарар батӀул апӀуз шлуб дар. Гьамус учву паччагьдин ччвурнахъан лазим вуйибсиб жугьтарин гьякьнаан къарар бикӀай ва паччагьдин тӀубланихьди дидʼин мугьур дивай».

Даниял 5:28

ПЕРЕС – «Яв паччагьлугъ пай дапӀна ва медйиризна фарсариз тувна».

Даниял 6:12

Думуган дурар паччагьдихьна гъушу ва дугъаз дугъан гъадагъа апӀру къанун кӀваин гъапӀу: – Уву къанун адабгънадайвахъа, эгер сар шликӀа сумчӀур йигъандин арайиъ, увуз ктарди, я паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду. Паччагьди гъапи: – Думу кьатӀʼи вуйи къанун, мидийиринна фарсарин дючӀрюбгъру къанун ву!

Даниял 6:15

Амма гьатмундари, паччагьдихьна саб хилди дуфну, гьамци кӀуйи: – Увуз аьгъявузки, паччагь, мидийиринна фарсарин къанундиинди паччагьдин саб гъадагъара, вая саб буйругъра батӀул апӀуз шлудар дар.

Матта 24:35

Заварна жилар ккадахьиди, хъа Йиз гафар дургидар.