Даниял 6:16 - Гирами Китаб

¹⁶ Думуган паччагьди Даниял хъади гъюз гъиту ва думу асланар айи ичӀаз гатӀахьуз амур гъапӀу. Дугъу Даниялиз гъапи: – Гьаммишан уву икрам апӀурайи яв Аллагьди уьрхриву!

Даниял 6:16 Iomraidhean Croise

Паччагьлугъар-2 3:39

Ва гъи узу, ччим кадатнайи паччагь вушра, умун вуза, хъа Церуяйин баяр гизаф писдар ву. Гъит РАББИЙИ писвал апӀруриз чан писвализ лигну туври!

Насигьятар 29:25

Инсанарин улихь гучӀ кайивал – ккипнайи чул ву, амма РАББИЙИИН хъугъвал алириз сабдихьанра гучӀ адар.

Даниял 3:15

Ари гьамус швутӀрамин, балабнин, пӀивнан, кьумуздин, саздин сесерихъди ва жара мукьмарихъди, унтӀ жилиз йивну, икрам апӀуз гьязур йихьай, ваяки, эгер икрам апӀурдаш, учву дишлади цӀин ялвигъна гатӀахьиди – ва думуган ичв Аллагьдира учву йиз хилариан адрагъур.

Даниял 3:17

Учу икрам апӀурайи ич Аллагьдихьан учу уьрхюз шулу, Дугъхьан учу, паччагь, цӀин ялвигъянра, яв хиларигъянра уьрхюз хьиди.

Даниял 3:28

Ва Навухаднасар паччагьди баян гъапӀнийи: – Чан малайик гьаъну, Чахъ хъугъну имбу Чан лукӀар азад гъапӀу Шадрагьдинна, Мишагьдинна Абид-Нигдин Аллагьдиз аферин! Дурари паччагьдин амур тамам гъапӀундар, чпин уьмур гьяйиф гъапӀундар – аммаки, чпин Аллагь ктарди, сар бутдизкьан я гъуллугъ, ясана икрам гъапӀундар.

Даниял 6:20

Даниял айи ичӀахъна хъуркьубси, паччагьди гъалабулугъ кади дугъаз дих апӀуру: – Я чӀиви Аллагьдин лукӀ, Даниял! Гьаммишан уву икрам апӀурайи яв Аллагьдихьан уву асланарихьан уьрхюз гъабхьнийкӀан?

Даниял 6:7

Паччагьлугъдиъ айикьан вари гьюкумдрари, шагьрарин аьхюдари ва юрдарин гьякимари, паччагьдин багахьна вуйидари ва дерккнайи кьадйири – гьамрар вардари гьисаб апӀураки, паччагьди гъадагъайин буйругъ тувуб лазим ву: эгер сар фужкӀа сумчӀур йигъандин арайиъ, увуз ктарди, жан паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду.

Ляхнар 24:27

Кьюд йис улдучӀвхъан, Феликсдин йишвʼин Порций Фест дерккнийи. Жугьдар рази ктаури, Феликсди Павел дустагъдиъ итнийи.

Ляхнар 25:11

Эгер узу гьякь дарш ва йикӀбаз лайикь вуйи ляхин гъапӀнуш, узу дидккан кӀул ккадабгъури адарза. Хъа гьаму касари, йиз тахсир адарди, узук тахсрар кирчраш, узу шлихьанкӀа дурарин хилиз тувуз хьибдар. Узу йиз диван Римдин паччагьди апӀуб ккун апӀураза.

Ляхнар 25:9

Хъа Фест жугьдар рази апӀуз чалишмиш шули гъахьну ва гьаддиз Павелиз гьамциб суал тувру: – Увуз, Ерусалимдиз душну, гьадушваъ, увук кирчрайи тахсрариз лигну, узу яв диван дапӀну ккундунуз?

Рим агьларихьна вуйи кагъаз 13:3

Ужʼвал апӀрудариз гьюкумдрарихьан гучӀ адар, хъа – писвал апӀрудариз. Эгер гьюкумдрарихьан увуз гучӀ апӀуз ккундарш, ужʼвал апӀури гъуз ва дурарин терефнаан яв тяриф ебхьидивуз.

Коринф-2 1:10

Гьадгъу аьжалин хатӀайиккан ккадаунчу, ва гьамусдихъантинара ккадаиди! Ич Гьадгъак миж кайич, учу уьрхиди кӀури.