Даниял 6:10 - Гирами Китаб

¹⁰ Амма Даниял, мициб къанун адабгънайиб чаз аьгъяшра, чан хулаз душну, Ерусалимдин терефназди унчӀвар али заъхъан хулаъ йигъан шубубан кьамкьариина ис шули, муганайизси чан Аллагьдиз ккарагури ва Дугъаз шюкюр апӀури гъахьи.

Даниял 6:10 Iomraidhean Croise

Паччагьлугъар-3 8:30

Гьаму йишвахьинди лигури, Яв лукӀру ва Яв халкьди, Израили, дюъйир апӀруган, дурарин ккарагбар ерхь. Заварилан, Уву айи йишвлан ерхь, ва, деебхьну, хил алдабгъ.

Паччагьлугъар-3 8:38

сар инсандин ясана Яв вари халкьдин, Израилин фунуб-вушра дюаь, ккарагувал, дурари вариди чпин хажалат ва бедбахтвал гьисс гъапӀиган ва гьаму Хулахьинди хилар ккидисган,

Паччагьлугъар-3 8:44

Яв халкь душмнарихъди дяви апӀуз гъушиган, фициб рякъюъди Уву думу гъубхишра, халкь, Уву ктабгъу гьаму шагьрихьинди ва узу Яв ччвурнахъ тикмиш гъапӀу Хулахьинди илтӀикӀну, РАББИЙИЗ ккарагуз хъюгъиган,

Паччагьлугъар-3 8:54

РАББИЙИЗ гьаму дюаь ва ккарагуб ккудуркӀну, кьамкьарихъди деънайи ва завузди хилар ккидиснайи Сулейман РАББИЙИЗ гъурбан апӀрушвʼхьан гъудужвнийи.

Даниял 6:13

Мушвахь дурари паччагьдиз гъапи: – Хъа магьа, Данияли, Иудеяйиан хъади дуфнайидарикан сари, я уву, жан паччагь, ясана уву дебккнайи гъадагъа гьисабназкьан гъадагъурадар. Думу йигъан шубуб ражари ккарагура.

Даниял 9:4

Узу РАББИЙИЗ, йиз Аллагьдиз, ккарагури гъахьиза ва, гьамци кӀури, гунгьар гардандиъ гъидисза: – Я Рабби, зурба ва кьудратлу Аллагь! Уву ккунидарихъди ва яв табшуругъар кӀулиз адагъурайидарихъди вуйи вафалу ккунивалин йикьрар уьрхюрава, –

Юнус 2:4

Узу дегьнайиз, гьюлин кӀваз гатӀахьунва, штун гъатари кьялаъ тӀаънайзу, вари Яв штар, вари Яв лепйир йиз зиълантина гъягъюйи.

Марк 3:3

Дугъу хил дебццнайи касдиз кӀуру: – Варидарин улихь дийигъ.

Лука 14:26

– Эгер сар кас Узухьна, чан адашна дада, хпирна веледар, чвйирна чйир, гьацира чан хусуси уьмур нигь дапӀну дарфиш, дугъкан Йиз ученик хьидар.

Лука 22:41

Хъа Учвра, душвхьан хил хъапӀну гатӀабхьру кӀекӀлин манзилиъ кьамкьариина ис духьну, гьамци ккарагуз хъюгъру:

Ляхнар 10:9

Хъайигъан лисун шули, дурар шагьриз багахь шулайи вахтна, Петр ккарагуз гъваин улучӀвуру.

Ляхнар 2:15

Учву фикир апӀурайиси, учу пиянди адарча, фицики гьеле гвачӀниндин сяаьт урчӀвубтӀан дар.

Ляхнар 20:24

Хъа узу бадали йиз уьмур гьяйиф дарзуз, йиз метлеб узу Агъа Исайихьан кьабул гъапӀу гъуллугъ тамам апӀуб ва жавабдарвалиинди инсанарин улихь Аллагьдихьан вуйи багъишʼваликан Ужувлан хабарнан шагьидвал апӀуб вуйиз.

Ляхнар 20:36

Гьамци дупну, думу, кьамкьариина ис духьну, варидарихъди ккарагуру.

Ляхнар 21:5

Ич душваъ шлу вахт ккудубкӀиган, учу дилин удучӀвну, ич рякъ давам гъапӀча. Ученикари, чпин хпарна веледар хъади, учу шагьриантина рякъюъ тӀаънийи, хъа гьюлин гъирагъдихъна гъафиган, учу кьамкьариина ис духьну, ккарагнийча.

Ляхнар 3:1

Сабан Петрна Югьан лисхъан, сяаьт шубуб шулайиган, ккарагуз Аллагьдин хулаз гъягъюрайи.

Ляхнар 4:29

Гьамус Уву лиг, Агъа, учуз гучӀар ккаъри, дурари фйир кӀураш, Яв лукӀариз Яв гаф гучӀ дарди пуз кюмек апӀин.

Ляхнар 5:20

– Душну Аллагьдин хулаъ халкьдиз цӀийи уьмрикан вари кидибтай.

Ляхнар 5:29

Петри ва вакилари жаваб тувру: – Учу адмийиризтӀан Аллагьдиз артухъди мютӀюгъ духьну ккунду.

Ляхнар 7:60

Хъасин кьамкьариина ис духьну, зарбди чӀигъ апӀуру: – Я Агъа! Дурарин гьаму гунгьилан хил алдабгъ! Гьамци дупну, дугъан нефес улдубтӀуру.

Ляхнар 9:40

Петри дурар хулʼан адауру ва, кьамкьариина ис духьну, ккарагуз хъюгъру. Хъасин гъачӀирихьинди илдицну, кӀуру: – Тавифа, гъудужв! Дишагьлийи улар арццру ва, Петр дяркъну, за духьну деъру.

Эфес 3:14

Гьаддин бадали узу Адашдин улихь, кьамкьариинди ккарагури, дийигъназа.

Филипп 1:14

Узу дустагъдиъ итну кӀури, Агъайихъди саб вуйи гизаф гъардшар, саб юкӀв айиганси, уч гъахьну ва хъана ачухъди ва гучӀ ктарди Аллагьдин гафнакан ктибтури гъахьну.

Филипп 1:20

Му йиз ижми умударихъдина ккилигурайиваларихъди сабси гъюра. Ва, гьаци вуйиган, узу нач шлуси апӀидарза, хъа мугагьназси гьамусра гьаци кӀубанди хьидиза, ва, узу чӀивиди гъузишра, гъачӀишра, йиз бедендиъ Месигь за дапӀну хьиди.

Филипп 4:6

Гьич сабдинна гъайгъушнаъ махьанай. Аммаки фицдар гьялариъ ашра, ккарагай, ккуниб ккун апӀури, илтӀикӀай, ясана, чухсагъул кӀури, илтӀикӀай, гъит ичв тӀалабар Аллагьдиз аьгъю ишри.

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Жугьдариз 13:15

Гьаммишан Аллагьдиз, Дугъан ччвур рабгъури, ушвниан удучӀвурайи тярифнан гъурбнар Исайилантина хидихьа.

Жугьдариз 4:16

Гьаддиз ухьхьан, саб гучӀ адарди, ухьуз рягьим апӀуз ва лазим вахтназ кюмек бадали ухьуз ужʼвал тувуз, Ужувлан тахтнахьна гъюз шулухьхьан.

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.

Ачмиш 2:13

Узуз аьгъязуз, уву иблисдин тахт алишвʼин яшамиш шулайиб. Аммаки уву Йиз ччвурнахъан ижмиди хъичӀихнава. Уву Узухъ хъугъувалихьан иблис яшамиш шулайи ичв шагьриъ Йиз дугъри вуйи шагьид Антип гъакӀи йигъанра гьудучӀвундарва.