Даниял 5:2 - Гирами Китаб

² Пиян гъашиган, дугъан аба Навухаднасари Ерусалимдиъ айи Аллагьдин хулʼан гъахи гъизилин ва арсран гварар-гажнар хуз буйругъ тувру: паччагьди, дугъан хпари ва дугъан дишагьлийири, ва гьацира дугъан везирари гьадму гварар-гажнариан убхъуз хъюгъди.

Даниял 5:2 Iomraidhean Croise

Паччагьлугъар-2 9:7

– ГучӀ мапӀан, – кӀуру дугъаз Давудди, – гьаз гъапиш яв адаш Юнатандин гьюрматназ узу увуз мажбур вуди ужʼвал апӀидиза. Узу увухьна яв аба Саулин вуди гъабхьи вари жил кьяляхъ апӀидиза, ва уву гьарган йиз суфрайихъ уьл ипӀидива.

Паччагьлугъар-4 24:13

РАББИЙИ гъапиганси, Навухаднасари РАББИЙИН Хулʼан ва паччагьдин гъалайиан вари хазнйир гъурхнийи. Израилин паччагь Сулейманди РАББИЙИН Хулаз гъапӀу гъизилин аваданлугъар дугъу тикйир гъапӀнийи.

Паччагьлугъар-4 25:15

Паччагьдин гъаравларин аьхюри марцци гъизиликан ва арснакан дапӀнайиб вари – ицциб ниъ хъайи шейʼар ургуз вуйи гъабар ва ифи кубзру захар – гъухнийи.

Даниял 1:2

Раббийин амриинди Навухаднасарин хилиъ Иудеяйин паччагь Йихуяким ва Аллагьдин хулан гъаб-гъажагъдин саб пай абхънийи. Навухаднасари гъаб-гъажагъ Шинар уьлкейиз, чан бутдин хулаз гъубхнийи (дугъу думу хазнаханайиъ дивнийи).

Даниял 5:11

Яв паччагьлугъдиъ чаъ гирами бутарихьан вуйи марцци рюгь айи сар кас яшамиш шула. Гьеле яв абайин гьюкмин вахтарира кимиди дугъаз инсандиз хас дару учӀру фикир, аьяндарвал ва гирами бутаринубсиб фагьум айиб варидариз мялум дубхьна. Навухаднасар паччагьди, яв абайи, думу кас фалчйирин, сюгьюрчйирин, фахрийирин ва хядарихъди лигрударин аьхюрди дерккнийи – паччагьди чав, яв абайи!

Даниял 5:13

Магьа паччагьдихьна Даниял хъади гъафи. Паччагьди дугъаз гъапи: – Иудеяйиан йиз абайи хъади гъафидарикан вуйи гьаму Даниял кӀурур уву вуна?

Даниял 5:18

Паччагь! Навухаднасариз, яв абайиз, ВаритӀанзаан Аллагьди паччагьлугъ, гьяйбат, машгьурвал ва адлувал тувну.

Даниял 5:23

Уву Заварин Раббийиз аькси удучӀвунва: Дугъан Хулʼан адагъну духнайи гварар-гажнариан яв везирарихъди, яв хпарихъди ва дишагьлийирихъди чяхир убхъурава. Уву арсранна гъизилин, йифринна рукьан, гакӀвликанна гъвандикан кадаънайи, фукӀа дярябкъру, фукӀа деребхьру ва фтинкӀа гъаври даршлу бутариз шюкюр апӀурава, хъа яв уьмурна яв кьадар-кьисмат Чан хилиъ айи Аллагьдиз шюкюр апӀурадара.

Даниял 5:3

Ерусалимдиъ айи Аллагьдин хулʼан духнайи гварар-гажнар хьади гъафиган, паччагьди, дугъан хпари ва дугъан дишагьлийири ва гьацира дугъан везирари гьадрариан убхъуз хъюгъю.

Даниял 5:30

Гьадму йишван Балтасар, Вавилондин паччагь, йивну гъакӀнийи.

Даниял 5:4

Дурари убхъуйи чяхир ва апӀуйи шюкюр чпин бутариз – гъизилинна арсран, йифринна рукьан, гвакӀликанна гъвандикан кадаънайидариз.