Даниял 5:16 - Гирами Китаб

¹⁶ Хъа узуз сир айиб ачухъ апӀуз ва дючӀюбгънайиб гъюдубчуз увʼан удукьуру кӀури, деебхьнайиз. Ари гьамус, гьаму дибикӀнайиб урхуз ва узуз дидин мяна ктибтуз увʼан удукьиш, увʼин уьру палат алабхьидивуин, гардандикк ккабхъуз гъизилин зунжур тувдивуз ва гьюкуматдиъ шубурпи кас хьидиву.

Даниял 5:16 Iomraidhean Croise

Эвел 40:8

– Учуз кьюридизра нивкӀар гъяркъюнчуз, – жаваб тувру дурари, – хъа дурарин мяна ктибтуз шлур мушваъ адар. Юсуфди гъапи: – Анжагъ ЗаанурихьантӀан шулдар инсанарихьди нивкӀарин мяна ачухъ апӀуз гъитуз. Кидитай ичв нивкӀар узуз.

Эвел 41:15

Фяряуьнди Юсуфдиз гъапи: – Узуз нивкӀ гъябкъюнзуз, амма сарихьанра дидин мяна ктибтуз шуладар. Хъа узуз, уву нивкӀарин гъавриъ ахърур ва дурарин мяна ачухъ апӀуз шлур ву кӀури, деебхьназуз.

Эвел 41:42

Дугъу чан тӀубхъан чан мугьур кайи тӀублан хътапӀу ва Юсуфдин тӀубахъ хъапӀу. Дугъу Юсуфдиин назук парчайин палат алабхьу ва гардандиъ гъизилин зунжур ипу.

Даниял 2:48

Мидхъан паччагьди Даниял заан апӀуру, дугъаз хайлин багьалу пешкешар тувру, думу вари Вавилондин гьюкумдарди ва Вавилондин вари аьяндрарин аьхюрди дерккру.

Даниял 2:6

Хъа эгер учву думу нивкӀ ктибтиш ва дидин мяна фу вуш, гъапиш, узхьан пешкешар хьидичвуз ва зурба гьюрмат. Гьан, узуз фу гъябкънуш ва дидин мяна фу вуш, йипай-ари.

Даниял 5:29

Думуган Балтасари амур гъапӀу – ва Даниялиин уьру палат алабхьнийи, дугъан гардандиъ гъизилин зунжур абхънийи ва, гьюкуматдиъ думу шубурпи кас ву, кӀури, мялум гъапӀнийи.

Даниял 5:7

Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Даниял 6:2

Хъа дурарин зиинра – шубур гьюкумдар (гьадму гьисабнаан Даниялра), юрдарин гьадму гьякимари мурарин улихь сургъу-гьисаб тувруси ва паччагьдизра саб зарар даршлуси.

Ляхнар 8:18

Вакилари хилар иливиган, дурари Гирами Рюгь кьабул гъапӀуб дябкъну, Симонди вакилариз пул теклиф апӀури,