Даниял 4:7 - Гирами Китаб

⁷ Йиз ахникк дахънайиган, узуз гъябкъю нивкӀ магьа: Жилин кьялʼин кудубчӀвура саб ягъли гьар –

Даниял 4:7 Iomraidhean Croise

Эвел 41:24

Зяиф кӀулари тухъ кӀулар хътӀюркьнийи. Узу дидкан фалчйириз гъапунза, хъа сарихьанра мяна ктибтуз гъабхьундар.

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Даниял 1:4

бедендин нукьсанар кадру, уччвуб къаш-къамат айи, фикрин удукьувалар айи, варибдин гъавриъ ахъру, паччагьдин дараматдиъ гъуллугъназ ярамиш вуйи жигьил баяр гъядягъюз ва дурариз вавилон халкьдин чӀал ва урхуб-бикӀуб улупуз амур апӀуру.

Даниял 2:10

Дурари паччагьдиз гъапи: – Жилин зиин сарихьанра паччагьдиз дугъу гьерхрайиб ктибтуз даршул: сар паччагьдира, я сар заан агъайира фалчйирихьан, сюгьюрчйирихьан, вая хядарихъди лигрударихьан мицдар гьерхри гъахьундар.

Даниял 2:27

Данияли паччагьдиз жаваб вуди гъапи: – Паччагьди хъипнайи сир дугъаз я хядарихъди лигрудари, я сюгьюрчйири, я фалчйири, ясана фахрийири – гьич сарира ачмиш апӀурдар.

Даниял 2:7

Дурари хъана гъапи: – Паччагь, яв нивкӀ учуз, яв лукӀариз, кидибта, хъа учу дидин гъаврикк ккаъдичаву.

Даниял 3:8

Амма вавилонарин арайиан бязидари, дишлади душну, жугьтарикан шикаятвал туву.

Даниял 4:18

гъалин кӀаж али, бегьер хру, вари тухъ апӀру, кӀанакк жилин нахшрар ккади шлу, хъа кюлеригъ завун ничхрар гъяди шлу, –

Даниял 5:7

Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Даниял 5:8

Магьа гъафи паччагьдин гъуллугънаъ айи аьяндрар, аммаки я дибикӀнайиб урхуз, я дидин гъавриъ итуз дурарихьан гъабхьундайи.