Даниял 4:3 - Гирами Китаб

³ Ва, йиз нивкӀун мяна ачухъ апӀбан бадали, Вавилондин аьяндрар вари хъади гъюз амур гъапӀза.

Даниял 4:3 Iomraidhean Croise

Даниял 2:2

Чан нивкӀарин гъавриъ итуз кӀури, паччагьди фалчйир, сюгьюрчйир, фахрийир ва хядарихъди лигрудар хъади гъюз амур апӀуру. Дурар, дуфну, паччагьдин улихь дийигъу.

Даниял 2:44

Думу паччагьлугъарин вахтари Заварин Аллагьди даима паччагьлугъ тикмиш апӀиди, сарун ккададабхъруб, имбу халкьарихьан рабгъуз даршлуб. Диди вари гьаму паччагьлугъар ккидирчиди ва дагъитмиш апӀиди, хъа учв гьаммишандиз гъубзди.

Даниял 4:17

Увуз гъябкъю гьар, дурумлу ва зурба, завариккнакьан ягъли ва жилин тлихъан кӀулихънакьан рябкъру,

Даниял 7:14

Тувний дугъаз гьюкум, гьюрмат ва паччагьлугъ, Вари халкьар, тухмар ва миллетар хьиди дугъаз мютӀюгъ. Дугъан гьюкум, батӀул даршлу, ву даима, Аьхир адруб хьибди Дугъан паччагьвалра.

Даниял 7:27

Хъа ВаритӀанзаанурин марццидарин халкьдиз паччагьвална, гьюкумна заварин кӀанакк вари паччагьлугъарин кьудрат тувди. Дугъан паччагьлугъ даима паччагьлугъ ву, гьар фуну гьюкум дугъаз мютӀюгъ ва табигъ хьибди.

Рим агьларихьна вуйи кагъаз 11:33

Фукьан дарин Аллагьдин фагьмин ва зигьмин деринвал ва булвал! Фукьан дарин Дугъан ниятар ктитуз даршлувал! Фукьан дарин Дугъан рякъярин гъавриъ ахъуз даршлувал!

Тимофейиз-1 1:17

Гьаци вуйиган, гъит гьаргандин Паччагьдиз, аьжал Хътруриз, Дярякъруриз ва Сар вуйи Аллагьдиз аьсрариан аьсрариз гьюрмат ва ад ибшри! Амин.

Жугьдариз 1:8

Хъа Дугъу Чан Балкан гьамци кӀура: «Жан Аллагь! Яв Паччагьвалин тахт гьаммишандиз вуяв, гьякьʼвал – Яв Паччагьлугъдин паччагьвалин маргъ вуяв.

Жугьдариз 2:4

Агъа Исайин Хабар гьякь вуйивал Аллагьди аьжайиб лишнариинди, аьламатариинди, гьар жюреди ачмиш шлу кьудратниинди ва Чан ниятниинди Чаз ккунириз тувру Гирами Рюгьнан багъишар гьаъбиинди тасдикь гъапӀну.

Петрин-1 4:11

Эгер шлиз гафар апӀувалин хъуркьувалар аш, гъит, дугъу Аллагьдин хабарнакан гаф рабгъри; шлиз гъуллугъ апӀбаъ хъуркьувалар аш, гъит, Аллагьди туврайи кьувватнаъ учв мюгькам ишри. Гъит, варидари Иса Месигьдилантина Аллагьдин ад бадали жафа зигри! Гьадгъаз ибшри аьсрариан-аьсрариз ад ва кьудрат, амин!

Ачмиш 11:15

Ургурпи малайикди зурна хъапӀу, ва завариъ гьамци кӀурайи зурба дихар арайиз гъафи: «Гьаму дюнʼяйин паччагьлугъ ич Агъайин ва Дугъан Месигьдин Паччагьлугъ гъабхьну. Дугъу гьаргандиз, аьсрариан аьсрариз паччагьвал апӀиди!»