Даниял 4:19 - Гирами Китаб

¹⁹ му уву вува, я паччагь! Уву зурба вуйир ва къудратлур вува; яв зурбавал гьадмукьан за дубхьнаки, гьятта завухьна рубкьура, хъа гьюкумра яв жилин тлихъан кӀулихъна дарабгъна.

Даниял 4:19 Iomraidhean Croise

Эвел 31:35

Хъа Рахили адашдиз гъапи: – Йиз агъайиз, узхьан, ихь аьдат вуйиси, гъудужвуз шуладар кӀури, узкан ккимидиси дарибшри, хпарин аьдати уьзри ккагънайир вуза. Лаванди варишвар ккиригънушра, дугъаз хулан бутар гъидихъундайи.

Эвел 32:18

ва: «Му мал-къара, яв лукӀ Якьубдинуб, йиз агъа Исавдиз багъишди гьапӀнайиб вуйиз, хъа учв, Якьуб, кьяляхъди гъюра», – йип.

Эвел 40:12

– Магьа дидин мяна, – кӀуру Юсуфди. – Шубуб циркил – шубуд йигъ ву.

Паччагьлугъар-3 18:7

Авдий рякъюъ айиган, дугъаз Илʼяс пайгъамбар алахънийи. Авдийиз думу аьгъю гъахьнийи, ва дугъу жилиина икрам гъапӀнийи ва гъапнийи: – Уву вува, йиз агъа Илʼяс?

Даниял 1:7

Аьхюну гъуллугъчийи дурариз жара ччвурар тувру: Даниялиз – Билтишасар кӀуру ччвур, Ананайиз – Шадрагь, Мисаилиз – Мишагь, хъа Азарийиз – Абид-Ниг.

Даниял 2:26

Думуган паччагьди, Даниялихьинди (вая, жараси кӀуруганси, Билтишасарихьинди) илдицну, гъапи: – Увхьан дугъриданра узуз гъябкъю нивкӀ ктибтуз ва дидин мяна ачухъ апӀуз хьибдинухьан?

Даниял 2:37

Уву, паччагь, паччгьарин паччагь вува, увуз Заварин Аллагьди паччагьлугъ, кьудратлувал, кьувват ва адлувал тувнавуз,

Даниял 4:24

Гьаддиз, паччагь, йиз мясляаьтнахъ хъпехъуб ккун апӀураза: яв гунгьар хайирлу ляхнариинди ккерк, хъа яв гьякьсузвал – касибарихьна вуйи рягьимлувалиинди; ва гьадмуган, белки, яв ужудар вахтар ярхи шул».

Даниял 5:12

Дугъаъ, паччагьди Билтишасар ччвур тувнайи Даниялиъ, аламатнан рюгь а, гъяркъю нивкӀарин мяна ачухъ апӀуз хьувал ва зигьим а, сир айибдин гъаври хьувал ва дючӀюбгънайиб гъюдубчуз удукьувал а. Даниялиз дих апӀри – дугъу мяна ачухъ апӀидивуз.

Даниял 5:18

Паччагь! Навухаднасариз, яв абайиз, ВаритӀанзаан Аллагьди паччагьлугъ, гьяйбат, машгьурвал ва адлувал тувну.

Даниял 5:19

Аллагьди дугъаз туву къудратлувалин улихь вари халкьар, тухмар ва миллетар гукӀуни дийигъну гъахьну: чаз ккунир паччагьди дариз зигуйи, хъа ккунириз рягьим апӀуйи, ккунир заан апӀуйи, ккунир асккан апӀуйи.

Даниял 7:15

Узук, Даниялик, гъалабулугъ кабхъзук – узуз гъябкъюбди къурхулу гъапӀзу.

Даниял 7:28

Гьамдиинди ихтилат ккудубкӀура. Узук, Даниялик, зурба къурхулувал кабхъзук, машнан рангарра ккадатӀнийиз. Ва узу гьаму вари йиз кӀваъ сирси гъюбхюнза.

Даниял 8:27

Узу, Даниял, гьадмукьан бизар духьнайзуки, гьятта швнуд-сад йигъан, кетӀерццну, дахънура гъахьунзу. Хъасин узу гъудужвза ва хъана паччагьдин гъуллугънаъ дийигъза. Узу нивкӀукди гъябкъюбдиан пис къурхувалиъ ади гъахьиза ва дидин гъаври гъахьундайзу.

Паччагьлугъар-1 1:15

– Ваъ, йиз жанаби, – жаваб туву Аннайи, – узу я чяхир, я ички гъубхъундарза. Узу дерин дерднакк кказа, гьаддиз РАББИЙИН улихь йиз рюгь ачухъ апӀурайза.

Паччагьлугъар-1 24:8

Гьамцдар гафариинди чан адмийириз нач ккапӀну, Давудди дурариз Саулиин алархьуз ихтияр тувундар. Саул хьарʼан удучӀву ва чан рякъюъди гъушу.

Паччагьлугъар-1 26:15

Давудди Авнериз гъапи: – Уву гьякьикьи жилижви вува аьхир, ва увуз барабар вуйир израиларин арайиъ адар! Уву паччагь, яв жанаби гьаз уьрхюрадарва? Фуж-вуш яв жанаби йивну йикӀуз бинайиз гъафну!

Паччагьлугъар-1 3:17

– Фу гъапунвуз Дугъу? Узхьан фукӀа жин мапӀан. Дугъу увукна гъапи саб гафкьан уву узхьан жин гъапӀиш, гъит Заанурин хъял увʼин алабхъри!