Даниял 4:14 - Гирами Китаб

¹⁴ Гьаму амур – къарар ву Гъаравларин, Жаза гьаму – гафра ву Марццидарин! Гьар жилиин чӀивириз ибшри хабар: Инсаниятдин паччагьлугъдиин ву гьюкумдар ВаритӀанзаанур. Шлиз тувну ккунш, Дугъу паччагьлугъ тувра, паччагьвализ аскканурра адаура“.

Даниял 4:14 Iomraidhean Croise

Даниял 2:21

Вахтарихъди хура гьюдюхюз вахтар, ултӀуккура паччгьар Дугъу, дерккра паччгьар, Аьяндарвал тувра аьяндрариз, Зигьимлуриз билиг тувра.

Даниял 3:4

чавши аьхю сесниинди гъапи: – Хъебехъай, вари халкьар, тухмар ва миллетар!

Даниял 4:12

Анжагъ кьабуч, ччивар ккайи, чюлин укӀар-кӀажаригъ, йибтӀну рукьна йифрихьди, жилик сабди гъит чав гъубзри. Гъит думу жибкӀри заварин чиграхъди, гъубзри жилин укӀаригъ нахшрарихъди.

Даниял 4:23

Амма кьабучна гьарин ччивар гъитуз амур дапӀна – гьаци вуйиган паччагьлугъ увухьна кьяляхъ тувиди, гьадмура – вари гьюкум Заваринуб вуйибдин уву гъаври гъахьиган.

Даниял 4:29

Инсанарин арайиъ ваъ, хъа вягьши нахшрарихъди яшамиш хьидива; малариси, чру укӀ ипӀидива. Гьамци ургуд йис гъябгъидияв – ва инсаниятдин паччагьлугъдиин ВаритӀанзаанурин гьюкум алибдин гъаври хьидиву: Дугъу думу, Чаз шлихьна ккундуш, гьадгъвахьна тувра.

Даниял 5:20

Аммаки дугъу чав гизаф заанди дисуз хъюгъю, фурслу ва дамагълу гъахьи, ари гьаддиз думу паччагьдин тахтналан илдитнийи. Ва чан вари машгьурвалихъ мюгьтаж гъапӀнийи.

Даниял 5:21

Дидхъанмина думу инсанарин арайиъ яшамиш шули гъахьундар ва фагьум-фикриинди нахшриз ухшар гъахьну; чӀуру дажйирихъди хъади, малиси, укӀ ипӀури гъахьну, завун чиграхъди жикӀури гъахьну – гьамци та-а-п инсаниятдин паччагьлугъдиин ВаритӀанзаан Аллагьдин гьюкум алибдин ва Чаз ккунир Дугъу паччагьвалиина за апӀуз удукьрубдин учв гъавриъ ахъайизкьан.

Матта 3:10

Гьарин кьаблихъ магьа екӀв гьязурди хъа: гъяни йимиш туври адру гьарсаб гьар алдабтӀиди ва цӀигъна гатӀабхьиди.

Матта 7:19

Гъяни бегьер дархру гьарсаб гьар алдабтӀну, цӀигъ гъипри шулу.

Лука 3:9

Гьарин кьаблихъ магьа екӀв гьязурди хъа: гъяни йимиш туври адру гьарсаб гьар алдабтӀиди ва цӀигъна гатӀабхьиди.

Ачмиш 10:3

ва зурба дихниинди, аслан арабхруганси, гьарай гъапӀу! Дугъу гьарай гъапӀиган, завар рахрустар, ургуб гъугъруми гафар апӀуз хъюгъю.

Ачмиш 18:2

Дугъу кьудратлу дихниинди гъапи: «Ккадабхъну, ккадабхъну машгьур меркез Вавилон! Думу шейтӀнар диргрушв ва гьар бабат чиркин рюгьярин мугъара, гьар бабат чиркин жакьварин мукь, гьар бабат чиркин ва хяви вягьши гьяйванатарин макан ву;