Даниял 3:7 - Гирами Китаб

⁷ Ва магьа швутӀрамин, балабнин, пӀивнан, кьумуздин, саздин сесер ва имбу алатарин мукьмар куркӀубси, вари халкьар, тухмар ва миллетар жилʼина ахьу ва Навухаднасар паччагьди диву дюшкюндариз дурари икрам гъапӀу.

Даниял 3:7 Iomraidhean Croise

Даниял 2:46

Мушвахь Навухаднасар паччагь, унтӀ жилиз йивну, Даниялиз икрамдиз гъушу, ва пешкешарииндина ицциб ниъ хъайи зигрудариинди дугъаз гьюрматар апӀуз амур гъапӀнийи.

Даниял 3:10

Уву, паччагьди, амур гъапӀнийваки, швутӀрамин, балабнин, пӀивнан, кьумуздин, саздин сесер ва имбу алатарин мукьмар гъеерхьу гьарсари, унтӀ жилиз йивну, гъизилин дюшкюндариз икрам апӀинай, кӀури.

Даниял 3:4

чавши аьхю сесниинди гъапи: – Хъебехъай, вари халкьар, тухмар ва миллетар!

Даниял 3:5

Учвуз швутӀрамин, балабнин, пӀивнан, кьумуздин, саздин сесер ва жара алатариан йивурайи мукьмар гъеерхьубси, унтӀ жилиз йивну, Навухаднасар паччагьди диву гъизилин дюшкюндариз икрам апӀинай.

Даниял 3:6

Хъа шли, жилʼина ккадакну, икрам дарапӀиш, думу дишлади цӀин ялвигъна гатӀахьиди.

Даниял 3:8

Амма вавилонарин арайиан бязидари, дишлади душну, жугьтарикан шикаятвал туву.

Ляхнар 14:16

Улихьди Аллагьди, ужувлар апӀури, Чакан учвуз гьаммишан кӀваин апӀури гъахьнушра, Дугъу гьарсаб халкьдиз чан рякъ дибисну гъягъюз ихтияр туври гъахьну. Дугъу, учвуз ужуб бегьер тувуз, мархьар гьаъри гъахьну. Дугъу учвуз ипӀуз ужуб тувра ва ичв юкӀвар шадвали ацӀра.

Югьандин-1 5:19

Гьеле вари дюнʼя иблисдин гьюкмикк ккашра, ухьу Аллагьдиндар вуйиб аьгъяхьуз.

Ачмиш 12:9

Хъасин зурба аждагьа, дегь заманайин битӀ, иблис вая Сатана, вари дюнʼя улдубгуз гъибтрайиб, завариан жилиина ипнийи. Дидихъди чан малайикарра идирчнийи.

Ачмиш 13:14

Сабпи вягьши гьяйванатдин ччвурнахъан аьламатар улупури, диди дюнʼяйин адмийир улдугуз гъитуйи. Диди ханжал йивну зиян гъапӀу ва, хъана сагъ гъабхьи сабпи вягьши гьяйванатдин гьюрматназ сурат балгуз, буйругъ гъапӀу.

Ачмиш 13:3

Дидин кӀуларикан сабнубдиз йибкӀрубсиб зиян дубхьну рябкъюйи, аммаки думу зиян сагъ гъабхьнийи, ва вари дюнʼя, мюгьтал дубхьну, гьадму вягьши гьяйванатдихъди гъубшнийи.

Ачмиш 13:8

Дюнʼя арайиз хайиз гъурбан апӀуз гьязурди айи Ччилахь хьайи уьмрин китабдик ччвурар ктру жилин вари адмийири дидиз икрам апӀиди.

Ачмиш 17:8

Увуз гъябкъю вягьши гьяйванат саб вахтна айи, хъа думу сарун имдар. Гьамус, багарихьди думу, кӀан ккадрушвʼан аьжал хъудубкьнайиб, удубчӀвиди. Дюнʼя халкь апӀайиз Уьмрин китабдик ччвурар дидикӀну адру дюнʼяйин вари адмийир, думу вягьши гьяйванат гъябкъиган, мюгьтал хьиди, гьаз гъапиш саб вахтна думу айи, хъа гъудубгнийи, хъа гьамус хъана ачмиш хьибди.

Ачмиш 19:20

Вягьши гьяйванатна кучӀлин пайгъамбар гъидису. КучӀлин пайгъамбри вягьши гьяйванатдин гьюрматназ аьламатар улупуйи. Дугъу гьадму аьламатариинди вягьши гьяйванатдин лишан капӀнайидар ва дидин суратназ икрам апӀурайидар алдатмиш гъапӀнийи. Дурар кьюридра чӀивиди имиди убгурайи гугуртдин дагриъ ирчу.