Даниял 3:5 - Гирами Китаб

⁵ Учвуз швутӀрамин, балабнин, пӀивнан, кьумуздин, саздин сесер ва жара алатариан йивурайи мукьмар гъеерхьубси, унтӀ жилиз йивну, Навухаднасар паччагьди диву гъизилин дюшкюндариз икрам апӀинай.

Даниял 3:5 Iomraidhean Croise

Даниял 2:46

Мушвахь Навухаднасар паччагь, унтӀ жилиз йивну, Даниялиз икрамдиз гъушу, ва пешкешарииндина ицциб ниъ хъайи зигрудариинди дугъаз гьюрматар апӀуз амур гъапӀнийи.

Даниял 3:10

Уву, паччагьди, амур гъапӀнийваки, швутӀрамин, балабнин, пӀивнан, кьумуздин, саздин сесер ва имбу алатарин мукьмар гъеерхьу гьарсари, унтӀ жилиз йивну, гъизилин дюшкюндариз икрам апӀинай, кӀури.

Даниял 3:15

Ари гьамус швутӀрамин, балабнин, пӀивнан, кьумуздин, саздин сесерихъди ва жара мукьмарихъди, унтӀ жилиз йивну, икрам апӀуз гьязур йихьай, ваяки, эгер икрам апӀурдаш, учву дишлади цӀин ялвигъна гатӀахьиди – ва думуган ичв Аллагьдира учву йиз хилариан адрагъур.

Даниял 3:7

Ва магьа швутӀрамин, балабнин, пӀивнан, кьумуздин, саздин сесер ва имбу алатарин мукьмар куркӀубси, вари халкьар, тухмар ва миллетар жилʼина ахьу ва Навухаднасар паччагьди диву дюшкюндариз дурари икрам гъапӀу.