Даниял 3:1 - Гирами Китаб

¹ Навухаднасар паччагьди, йирхьцӀур хъуршил ягълишин, йирхьуб хъуршил яркьушин ади, гъизилин дюшкюндар тикмиш апӀуру ва думу Вавилондиъ Дуир кӀуру дерейиъ дивуз амур апӀуру.

Даниял 3:1 Iomraidhean Croise

Паччагьлугъар-3 12:28

Ва, насигьят гъадабгъну, паччагьди кьюб гъизилин бутар-жердкьар гъапӀнийи ва халкьдиз гъапнийи: – Учву Ерусалимдиз гъягъюб чӀяаьн ву. Магьа, Израил, уву Египетдиан адау яв заанурар.

Эстер 1:1

Му паччагь Ахашʼверушдин вахтари гъабхьиб ву – гьадму, варжна къанна ургуб вилаятдин, Индияйиан Эфиопияйизкьан, паччагь вуди гъахьи Ахашʼверушдин.

Даниял 2:48

Мидхъан паччагьди Даниял заан апӀуру, дугъаз хайлин багьалу пешкешар тувру, думу вари Вавилондин гьюкумдарди ва Вавилондин вари аьяндрарин аьхюрди дерккру.

Даниял 2:49

Даниялин тӀалабниинди Шадрагьдизна, Мишагьдизна, Абид-Нигдиз Вавилондин ляхнар идара апӀуз гьюкум тувру, хъа Даниял учв, кӀуруш, паччагьдин дараматдиъ имиди гъузру.

Даниял 3:14

Навухаднасари гьерху: – Учву, Шадрагь, Мишагь ва Абид-Ниг, йиз бутариз гъуллугъ апӀурадар ва узу диву гъизилин дюшкюндариз икрам апӀурадар, кӀуруб кайиб вуйин?

Даниял 3:30

Хъасин паччагьди Шадрагьна, Мишагьна Абид-Ниг Вавилондиъ ужудар гъуллугъарихь дерккру.

Даниял 5:23

Уву Заварин Раббийиз аькси удучӀвунва: Дугъан Хулʼан адагъну духнайи гварар-гажнариан яв везирарихъди, яв хпарихъди ва дишагьлийирихъди чяхир убхъурава. Уву арсранна гъизилин, йифринна рукьан, гакӀвликанна гъвандикан кадаънайи, фукӀа дярябкъру, фукӀа деребхьру ва фтинкӀа гъаври даршлу бутариз шюкюр апӀурава, хъа яв уьмурна яв кьадар-кьисмат Чан хилиъ айи Аллагьдиз шюкюр апӀурадара.

Даниял 5:4

Дурари убхъуйи чяхир ва апӀуйи шюкюр чпин бутариз – гъизилинна арсран, йифринна рукьан, гвакӀликанна гъвандикан кадаънайидариз.

Ляхнар 17:29

Гьаци вуйиган, ухьу Аллагьдин веледар вуди, Аллагь гъизилиз, арсраз вая гъвандиз, инсандин устадвалиинди ва хиялниинди яратмиш дапӀнайи суратназ ухшар ву пну, фикир дапӀну ккундар.

Ляхнар 19:26

Мидихъди сабси учвуз рябкъюрачвузки ва ебхьурачвузки, гьадму Павел кӀурури, инсандин хилариинди гъапӀдар аллагьар дар, кӀури, неинки Эфесдиъ, хъа вари Асияйиъ айи адмийир рякъʼан адаура ва инсанар гьаддихъ хъугъуз гъитра.

Ачмиш 9:20

Гьадму бедбахтвалариккан гъирмиш дархьиди ккудуччву адмийир, чпин хиларин ляхнарихьан, швумал духьну, гьудучӀвундайи: дурари шейтӀнаризна гъизиликанна, арсраканна, йифриканна, гъвандиканна, гакӀвликан дапӀнайи ва каънайи, я рябкъюз, я ерхьуз, я гъягъюз даршлу идолариз гьюрмат апӀуб дипундайи.