Даниял 2:44 - Гирами Китаб

⁴⁴ Думу паччагьлугъарин вахтари Заварин Аллагьди даима паччагьлугъ тикмиш апӀиди, сарун ккададабхъруб, имбу халкьарихьан рабгъуз даршлуб. Диди вари гьаму паччагьлугъар ккидирчиди ва дагъитмиш апӀиди, хъа учв гьаммишандиз гъубзди.

Даниял 2:44 Iomraidhean Croise

Эвел 49:10

Ягьудайихь гьарган паччагьвалин маргъ хьибди. Гьарган дугъан насларихь хьибди думу чумакъ, дидин Эйси гъяйизкьан – вари халкьар Чаз мютӀюгъ шлур.

Паччагьлугъар-2 7:13

Дугъу Йиз ччвурназ хал тикмиш апӀиди, ва Узу дугъан паччагьлугъдин тахт гьаргандиз мюгькам апӀидиза.

Паччагьлугъар-2 7:16

Яв тухум ва яв паччагьлугъ Йиз улихь гьаргандиз мюгькамдар хьиди; яв тахт гьаргандиз мюгькам апӀидиза».

Даниял 2:28

Амма завариин Аллагь ал, сирар ачмиш АпӀрур, – ари Гьадму ву Навухаднасар паччагьдиз, замана аьхирихъна гъюруган фу шулуш, гъапир. Уву яв ахникк даахнайиган, увуз гъябкъюб магьа.

Даниял 2:34

Хъасин гъябкъвуз: наънан-вуш чав-чаланди, инсандин хил кадарди, саб гъарз кадабхъну, дюшкюндариина, дидин рукьканна ругдикан вуйи ликариина абхъру, ва дурар тикйир-тикйир апӀуру.

Даниял 2:35

Сабпну рукь, руг, йиф, арс ва гъизил, сабишвʼинди жилиина абхьну, хьадну раццаъ айи нахъвси шулу; микӀлу дурар гъахуру, гьятта дурарин шилкьан гъубзундар. Хъа дюшкюндариина абхъу гъарз, кӀуруш, зурба дагъдиз дюнмиш шулу ва диди вари жил бисуру.

Даниял 2:37

Уву, паччагь, паччгьарин паччагь вува, увуз Заварин Аллагьди паччагьлугъ, кьудратлувал, кьувват ва адлувал тувнавуз,

Даниял 2:43

Увуз гъябкъю рукь ругдихъди дибикьнайиб вуй – гьаци халкьарра саб тмунубдихъди гъидикьиди, аммаки, рукь ругдик фици кпикьударш, гьаци дурарра саб хьидар.

Даниял 4:3

Ва, йиз нивкӀун мяна ачухъ апӀбан бадали, Вавилондин аьяндрар вари хъади гъюз амур гъапӀза.

Даниял 4:34

Ва гьамус узу, Навухаднасари, Заварин Паччагь адлу апӀураза, Дугъаз шюкюр апӀураза: Дугъан ляхнар ву дюзидар, Дугъан рякъяр ву гьякьлудар; Дугъан гьюкми асккан апӀур фурслудар.

Даниял 6:26

Магьа йиз буйругъ: йиз гьюкмикк ккайикьан вари паччагьлугъ Даниялин Аллагьдин улихь гукӀуни ва гучӀ кади ибшри. Фицики думу ву чӀиви Аллагь Ва гъузрур ву даима, Дугъан паччагьлугъ ккутӀруб дар, гьюкмин Дугъан аьхир хьибдар.

Даниял 6:27

Дугъу уьрхюра ва апӀура азад, Завариин ва жилариин керематар, аьламатнан лишнар улупура. Дугъу гъюрхну асланархьан Даниял».

Даниял 7:27

Хъа ВаритӀанзаанурин марццидарин халкьдиз паччагьвална, гьюкумна заварин кӀанакк вари паччагьлугъарин кьудрат тувди. Дугъан паччагьлугъ даима паччагьлугъ ву, гьар фуну гьюкум дугъаз мютӀюгъ ва табигъ хьибди.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Матта 28:18

Багахьна дуфну, Исайи дурариз гъапи: – Узуз завариин ва жилариин вари гьюкум тувназуз.

Югьан 12:34

– Учуз Гирами китабариан Месигь гьарган учухъди шлуваликан аьгъячуз, – гъапи халкьди. – Увхьан фици пуз шулвухьан, Инсаниятдин Бай завариз зигиди, кӀури? Ва фуж ву, Думу Инсаниятдин Бай?

Жугьдариз 12:28

Гьаци вуйиган ухьуз ккадабшвуз даршлу Паччагьлугъ рубкьурайиган, чухсагъул кӀури гъуздихьа, гьюрматлудина гукӀунди Аллагьдиз икрам апӀури гъуздихьа,

Ачмиш 11:15

Ургурпи малайикди зурна хъапӀу, ва завариъ гьамци кӀурайи зурба дихар арайиз гъафи: «Гьаму дюнʼяйин паччагьлугъ ич Агъайин ва Дугъан Месигьдин Паччагьлугъ гъабхьну. Дугъу гьаргандиз, аьсрариан аьсрариз паччагьвал апӀиди!»