Даниял 2:4 - Гирами Китаб

⁴ Дурари паччагьдиз арамей чӀалниинди гъапи: – Паччагь, уву сагъ ишри! Учуз, яв лукӀариз, кидибт гьадму нивкӀ, ва учу дидин гъаврикк ккаъдичаву.

Даниял 2:4 Iomraidhean Croise

Эвел 31:47

Думу тепейиз Лаванди Егар-Сахадута кӀуру, хъа Якьубди – Гал-Эд кӀуру.

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Паччагьлугъар-3 1:25

Гъи дугъу гизаф кьадар йицар, чагъ дапӀнайи кӀарар ва чарвйир гъурбан гъапӀну. Дугъу паччагьдин вари баяриз, кьушмарин аьхюдариз ва Заанурин гъуллугъчи Авиатариз дих гъапӀну. Гьамусяаьтна дурари Адонияйихъди ипӀура ва убхъура ва кӀура: «Яшамиш ишри Адония паччагь!»

Паччагьлугъар-3 1:31

Батшевайи, икрам гъапӀнийи ва, паччагьдин улихь ккадаркну, гъапнийи: – Гъит, йиз агъа паччагь Давуд гьаргандиз яшамиш ишри!

Паччагьлугъар-4 18:26

Думуган Хилкияйин бай Элиакимди, Шевнайи ва Юахди аьхюну чяхирчийиз гъапнийи: – Ккун апӀурча, учухъди, яв гъаравашарихъди, арам чӀалниинди гафар апӀин, учу думу чӀалнан гъавриъ ахъурча аьхир. Цалʼин али халкь хьайиган, учухъди жугьуд чӀалниинди гафар мапӀан.

Даниял 1:4

бедендин нукьсанар кадру, уччвуб къаш-къамат айи, фикрин удукьувалар айи, варибдин гъавриъ ахъру, паччагьдин дараматдиъ гъуллугъназ ярамиш вуйи жигьил баяр гъядягъюз ва дурариз вавилон халкьдин чӀал ва урхуб-бикӀуб улупуз амур апӀуру.

Даниял 2:7

Дурари хъана гъапи: – Паччагь, яв нивкӀ учуз, яв лукӀариз, кидибта, хъа учу дидин гъаврикк ккаъдичаву.

Даниял 3:9

Дурари Навухаднасар паччагьдиз гъапи: – Паччагь, уву сагъ ишри!

Даниял 4:19

му уву вува, я паччагь! Уву зурба вуйир ва къудратлур вува; яв зурбавал гьадмукьан за дубхьнаки, гьятта завухьна рубкьура, хъа гьюкумра яв жилин тлихъан кӀулихъна дарабгъна.

Даниял 4:7

Йиз ахникк дахънайиган, узуз гъябкъю нивкӀ магьа: Жилин кьялʼин кудубчӀвура саб ягъли гьар –

Даниял 4:9

кӀаж алиб гъалин, йимиш хруб, чавра вари тухъ апӀруб. Дидин сирникк кка жилин нахшрар, кюлеригъра апӀури мукьар завун ничхрар, ва тухъ шула вари чӀивишин дидкан.

Даниял 5:10

Паччагьдин дадайиз, паччагьна дугъан везирар фтикан улхураш, хабар гъабхьнийи. Дугъу, мярака гъябгъюрайи хулаз дуфну, гъапи: – Паччагь, уву сагъ ишри! Сабра дарди гучӀ гъабхьунвуз ва машнан рангар ккадатӀнияв.

Даниял 5:8

Магьа гъафи паччагьдин гъуллугънаъ айи аьяндрар, аммаки я дибикӀнайиб урхуз, я дидин гъавриъ итуз дурарихьан гъабхьундайи.

Даниял 6:21

Ва мушвахь Данияли паччагьдиз гъапи: – Паччагь, уву сагъ ишри!

Даниял 6:6

Думуган гьаму вари гьюкумдрарина юрдарин гьякимари, саб хилди паччагьдихьна дуфну, гъапи: – Дари паччагь, уву сагъ ишри!

Даниял 6:7

Паччагьлугъдиъ айикьан вари гьюкумдрари, шагьрарин аьхюдари ва юрдарин гьякимари, паччагьдин багахьна вуйидари ва дерккнайи кьадйири – гьамрар вардари гьисаб апӀураки, паччагьди гъадагъайин буйругъ тувуб лазим ву: эгер сар фужкӀа сумчӀур йигъандин арайиъ, увуз ктарди, жан паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду.

Матта 21:9

Исайин улихьдира, кьяляхъдира гъюрайи халкьди чӀигъар апӀури гъахьну: «Давудгъярин Бализ тяриф! Агъайин ччвурнахъ Гъюрайириз ужʼвал ибшри! Аьршариз тяриф!»

Паччагьлугъар-1 10:24

Думуган Шамуили гъапи: – Рякъюрачвуз, учвуз РАББИЙИ фуж ктагънуш? Дугъаз барабар вуйир халкьдин арайиъ адар. Ва халкьди гьарай гъапӀу: – Яшамиш ишри паччагь!