Даниял 2:2 - Гирами Китаб

² Чан нивкӀарин гъавриъ итуз кӀури, паччагьди фалчйир, сюгьюрчйир, фахрийир ва хядарихъди лигрудар хъади гъюз амур апӀуру. Дурар, дуфну, паччагьдин улихь дийигъу.

Даниял 2:2 Iomraidhean Croise

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Эстер 1:13

Паччагь вахтарин гъавриъ айи зигьимлударихьна илтӀикӀуру, – думу къанунар ва ихтиярар аьгъю инсанарихьан насигьят гъадабгърур вуйи.

Даниял 1:20

Фуну илмикан ва аьжайиб ляхникан паччагьди гьерхишра, паччагьлугъдиъ айи вари фалчйирна сюгьюрчйиртӀан дурар йицӀуб ражари артухъди аьяндрар вуйиб аьгъю шулайи.

Даниял 1:4

бедендин нукьсанар кадру, уччвуб къаш-къамат айи, фикрин удукьувалар айи, варибдин гъавриъ ахъру, паччагьдин дараматдиъ гъуллугъназ ярамиш вуйи жигьил баяр гъядягъюз ва дурариз вавилон халкьдин чӀал ва урхуб-бикӀуб улупуз амур апӀуру.

Даниял 2:10

Дурари паччагьдиз гъапи: – Жилин зиин сарихьанра паччагьдиз дугъу гьерхрайиб ктибтуз даршул: сар паччагьдира, я сар заан агъайира фалчйирихьан, сюгьюрчйирихьан, вая хядарихъди лигрударихьан мицдар гьерхри гъахьундар.

Даниял 2:27

Данияли паччагьдиз жаваб вуди гъапи: – Паччагьди хъипнайи сир дугъаз я хядарихъди лигрудари, я сюгьюрчйири, я фалчйири, ясана фахрийири – гьич сарира ачмиш апӀурдар.

Даниял 3:8

Амма вавилонарин арайиан бязидари, дишлади душну, жугьтарикан шикаятвал туву.

Даниял 4:3

Ва, йиз нивкӀун мяна ачухъ апӀбан бадали, Вавилондин аьяндрар вари хъади гъюз амур гъапӀза.

Даниял 4:6

– Билтишасар, сюгьюрчйирин аьхюр! Увуъ гирами бутарикан вуйи марцци рюгь айиб аьгъязуз ва уву, фуну сир вушра, рягьятди ачмиш апӀурва. Ари гьамус, фициб нивкӀ узуз дябкънаш, хъебехъ ва, диди фу улупураш, йип узуз.

Даниял 5:7

Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Паччагьлугъар-1 6:2

ва филистимар чпин бутариз гъуллугъ апӀурайидарихьна ва сюгьюрчйирихьна илтӀикӀуру: – Учу РАББИЙИН сундхикан гьапӀну ккунду? Думу фици кьяляхъ хътапӀуруш, учуз улупай.