Даниял 2:19 - Гирами Китаб

¹⁹ Йишвну Даниялиз аьян апӀру улупбар гъяркънийи, ва дугъаз сир ачмиш гъабхьнийи. Думуган Данияли Заварин Аллагьдиз шюкюр гъапӀу.

Даниял 2:19 Iomraidhean Croise

Даниял 1:17

Аллагьди му юкьур бализ фагьум, билиг ва вари илмарихьна удукьувалар, хъа Даниялиз – гьацира жюрбежюр нивкӀаринна улупбарин гъавриъ тӀаъру удукьуваларра тувнайи.

Даниял 2:22

Дюгьнйир, сирар Дугъу ачмиш апӀура, Ашкар апӀура жин дубхьнайиб мучӀушнаъ; Аллагьдихъди шулу гьарган акувал.

Даниял 4:26

ЙицӀикьюб вазлилан Навухаднасари Вавилондиъ чан дараматдиин ккабалгнайи гъваариин сейир апӀурайи.

Даниял 4:9

кӀаж алиб гъалин, йимиш хруб, чавра вари тухъ апӀруб. Дидин сирникк кка жилин нахшрар, кюлеригъра апӀури мукьар завун ничхрар, ва тухъ шула вари чӀивишин дидкан.

Даниял 7:2

Данияли гьамци кӀура: йишвну даахнайиган, узуз гьациб нивкӀ гъябкъюнзузки, зурба гьюлиин, заварилан дуфну, юкьуб жюрейин микӀ-тӀурфан гъедебгнайи

Даниял 7:7

Хъасин йиз йишвандин нивкӀукди узуз юкьубпи вягьши гьяйванат гъябкъзуз – ажугълу, къурхуллу, яман кьувват айи, дидиъ зурба рукьан силбар айи. Фу алабхъишра, диди «хъумпӀ» дапӀну, вари хътӀюбкъюйи ва дагъитмиш апӀуйи, хъа хъирибгъуб ликариккан апӀуйи. Думу гьатмуну вягьшийириз ухшар дайи, дидʼин йицӀуб кӀарч алийи.