Даниял 2:11 - Гирами Китаб

¹¹ Паччагьди гьациб читин месэла хъипраки, гьятта сарихьанра дугъаз жаваб тувуз шлуб дар, анжагъ гирами бутарихьантӀан, хъа дурар инсанарин арайиъ яшамиш шулайидар дар.

Даниял 2:11 Iomraidhean Croise

Эвел 41:39

Хъа фяряуьнди Юсуфдиз кӀуру: – Эгер Заанури увуз му вари ачухъ дапӀнаш, сарун увутӀан фагьум-фикир хъайир адар.

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Паччагьлугъар-3 8:27

Хъа Заанур гьякьикьатдиъ жилиин яшамиш хьидинхъа?! Заварихьан, гьятта заварин заварихьанкьан, Уву чпиъ уршуз шулдар. Узу тикмиш гъапӀу гьаму хулкан фу пуз шулухъа!

Даниял 4:4

Дуфну хъуркьний сюгьюрчйир, фахрийир, хядариз лигрудар ва фалчйир; узу ктибтза дурариз йиз нивкӀ, амма дурарихьан дидин мяна тувуз гъабхьундайи.

Даниял 5:11

Яв паччагьлугъдиъ чаъ гирами бутарихьан вуйи марцци рюгь айи сар кас яшамиш шула. Гьеле яв абайин гьюкмин вахтарира кимиди дугъаз инсандиз хас дару учӀру фикир, аьяндарвал ва гирами бутаринубсиб фагьум айиб варидариз мялум дубхьна. Навухаднасар паччагьди, яв абайи, думу кас фалчйирин, сюгьюрчйирин, фахрийирин ва хядарихъди лигрударин аьхюрди дерккнийи – паччагьди чав, яв абайи!

Матта 19:26

Дурарихьинди дилигну, Исайи гъапи: – Инсанарихьан му удукьруб дар, хъа Аллагьдихьан удудукьруб адар.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьан 14:17

Думу Хъюгърур – Гьякьвалин Рюгь ву. Му дюнʼяйихьан Думу кьабул апӀуз хьидар, гьаз гъапиш Думу рякърур дар ва аьгъюр дар. Анжагъ учвуз аьгъячвуз Думу, Думу учвухъди хъа ва учвуъ а.

Югьан 14:23

Исайи жаваб туву: – Шлиз Узу ккундуш, гьадгъу Йиз Гаф уьбхиди. Ва гьадмуган дицир Йиз Адашдизра ккун хьиди, гьадмуган Узуна Думу сатӀиди гьацирихьна гъидича ва гьадгъаъ яшамиш хьидича.

Коринф-2 6:16

Аллагьдин хална идолар саб вуйин? Ухьу – чӀиви Аллагьдин хал вухьа, фицики Аллагьди ухькан гьамци гъапну: «Узу дураригъ яшамиш хьидиза, Узу дурарин арайиъ лицидиза, Узу дурарин Аллагь хьидиза, хъа дурарикан Узуз халкь хьиди».

Ачмиш 21:3

Узуз тахтналан кӀурайи аьхю дих гъеебхьзуз: «Магьа Аллагь дуланмиш шлу йишв, Думу адмийирихъди сатӀиди яшамиш хьиди! Дурар Гьадгъан халкьди хьиди! Ва Аллагь гьадрарихъди хьиди, ва гьадрариз Думу Аллагь хьиди.