Даниял 12:4 - Гирами Китаб

⁴ Хъа уву, Даниял, му гафар жиниди уьрх ва китаб, мугьур йивну, хъябкьну гъибт – аьхиримжи вахтаризкьан. Думуган гизафдари, рякъяр-чарйир агури, чпин аьгъювалар артухъ апӀиди.

Даниял 12:4 Iomraidhean Croise

Даниял 10:1

Кири, Персияйин паччагьди, гьюкум хъапӀри шубудпи йисан Даниялиз (вая жараси, Билтишасариз) аьянвал – зурба дявдикан гьякь хабар – шулу. Даниял улупубдиинди му аьянвалин гъаври гъахьну.

Даниял 10:14

Хъа гьамус, аьхирзамандихъна яв халкьдиз фу шулуш, увуз ктибтуз гъафунза, гьаз гъапиш рябкъюрайиб гьадму йигъарикан ву.

Даниял 10:21

Амма вушра, Гьякь Китабдик фу дибикӀнаш, хабар дебккдизавуз. Дурарихъди вуйи женгнаъ узуз сарира кюмек апӀурадарзуз, анжагъ МикаилитӀан, учву, жугьтар, уьрхру малайикдитӀан.

Даниял 11:33

Хъа фагьумлудари халкьдиз вягъз-насигьят тувди ва саб вахтназ дурар утӀурккури хьиди – турихьди ва цӀихьди, йисирвалиинди ва тӀарашʼвалиинди.

Даниял 11:40

Аьхиримжи йигъар улуркьиди ва кьибла паччагь дугъʼина гъягъиди. Амма кафари паччагь дугъʼин тӀурфанси алархьиди, яракьлу аьрабйирихъди, атлуйирихъди ва гизаф кьадар гимйирихъди. Думу жюрбежюр вилаятарилан селси гъягъиди,

Даниял 12:13

Хъа уву, аьхир гюзлемиш апӀури, яв рякъюъди гъарах. Уву яв вахтна архаин хьидиву, аммаки хъасин увуз рубкьруб гъадабгъуз гъудужвидива – аьхиримжи йигъан.

Даниял 12:5

Ва узуз, Даниялиз, гъябкъюнзуз: кьюрсана дийигънайи – санур нирин гьатму гъирагъдихъ, тмунурсана гьамуну гъирагъдихъ.

Даниял 12:9

Дугъу жаваб туву: – Фикрар мапӀан, Даниял, гъарах! Му аьхиримжи йигъаризкьан жин дапӀнайиб ва, мугьур йивну, хъябкьнайиб ву.

Даниял 8:17

Думу узу дугъужвнайи йишвахьна гъюз хъюгъю. Думу дуфну хъуркьган, узу, пис гучӀ кабхъну, машнахъди ккадакзу. Хъа дугъу узуз гъапи: – Аьгъю йибхьки, эй инсан: гьаму улупнайидари дюнʼяйин аьхиримжи вахтарикан аьян апӀура.

Даниял 8:19

ва гьамци гъапизуз: – Гьамусяаьт узу увуз аьхириъ, ажугълу йигъари, ккудукӀру вахтари фу шулуш, хабар тувурзавуз.

Даниял 8:26

Хябяхъяриканна гвачӀинарикан вуйи улупнайидар кайидар ву. Амма увуз гъябкъю нивкӀ сабан жиниди гъибт; думу улуркьуз ккимбу ярхла йигъарикан ву.

Матта 24:14

Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.

Рим агьларихьна вуйи кагъаз 10:18

Амма узу кӀураза: «Дурариз Ужувлан хабар гъеебхьундарин?» ИкибаштӀан, гъеебхьну! «Вари дюнʼя вуйибси дурарин дихар гъарагънийи ва дурарин гафар дюнʼяйин тлихъан кӀулихъна гъурукьнийи».

Ачмиш 10:4

Ургбиб гъугърумари гафар гъапӀиган, узу бикӀуз гьязур гъахьиза. Аммаки узуз завариан гьамци кӀурайи дих гъеебхьзуз: «Ургбиб гъугърумари гъапиб жиниди уьбх. Думу гафар мидикӀан!»

Ачмиш 22:10

Хъа дугъу гъапизуз: «Гьаму китабдин пайгъамбарвалин гафар мииликан! Гьаз гъапиш вахт сарун хъудубкьна.

Ачмиш 5:1

Тахтниин Деънайирин арччул хилиъ узуз китаб – турбаси дибиржнайи кагъаз гъябкъюнзуз. Дидин айтӀандира, зиъландира варишвар алацӀну, дибикӀнайи, ва думу ургуб печатдиинди хъябкьнайи.