Даниял 11:6 - Гирами Китаб

⁶ Йисар гъягъиди – ва сар-сариз кюмек хьубан йикьрар йитӀиди. Му йикьрар мюгькам апӀбан бадали, кьибла паччагьдин риш кафари паччагьдиз швушвди гъягъиди. Амма думу дишагьлийихьан гьюкум дибисну гъибтуз хьибдар, кафари паччагь чавра гъузидар: вахт улубкьиган, паччагьдихъди дугъан хпирра терг апӀиди, дугъахъди хъайидарра, дугъан веледра ва дугъаз кюмек туврайидарра.

Даниял 11:6 Iomraidhean Croise

Даниял 11:13

Кафари паччагьди цӀийи кьушмар уч апӀиди, муганайиз айибтӀан гизаф. Йисар гъягъиди – ва думу алархьиди, хъана аьхю ва ужуди яракьламиш дапӀнайи кьушмарихъди.

Даниял 11:15

Кафари паччагь гъиди, гъала вуйи шагьур, гургутум руг дабхьну, бисиди. Кьиблайин кьувватар ккагъди, гьятта ужударстар кьушмарихьанкьан къаршу дийигъну гъузуз хьидар.

Даниял 11:40

Аьхиримжи йигъар улуркьиди ва кьибла паччагь дугъʼина гъягъиди. Амма кафари паччагь дугъʼин тӀурфанси алархьиди, яракьлу аьрабйирихъди, атлуйирихъди ва гизаф кьадар гимйирихъди. Думу жюрбежюр вилаятарилан селси гъягъиди,

Даниял 11:7

Думу дишагьлийин ччиварикан сабуну цӀаб тахтниина гъибди. Думу кафари паччагьдин кьушмиз къаршуди гъягъиди ва дугъан гъалйириъ архьди – дурариин алархьиди ва гъалибвал гъадабгъиди.