Даниял 11:4 - Гирами Китаб

⁴ Амма думу гъюблан кьяляхъ дугъан паччагьлугъ ккадабхъиди, ва юкьуб терефнахъинди жара хьибди, ва дугъан веледариз ккубкьидар, ва думу сарун муганайиз айигансиб хьибдар. Дугъан паччагьлугъ тадабгъиди ва жарадариз тувди.

Даниял 11:4 Iomraidhean Croise

Даниял 7:2

Данияли гьамци кӀура: йишвну даахнайиган, узуз гьациб нивкӀ гъябкъюнзузки, зурба гьюлиин, заварилан дуфну, юкьуб жюрейин микӀ-тӀурфан гъедебгнайи

Даниял 7:6

Хъасин узуз сабсана вягьши гьяйванат гъябкъзуз – думу пеленгсиб вуйи, ва дидин йирфарикна юкьуб хлинцц ктучӀвнайи. Муну гьяйванатдиин юкьуб кӀул алийи, ва дидиз гьюкум тувнайи.

Даниял 7:8

Узу думу кӀарчарихъ ул хъипза – ва дурарин арайиъ сабсана бицӀи кӀарч кудубчӀвнади гъябкъзуз, ва, дидиз йишв апӀбан бадали, айидарикан шубуб кӀарч удугънайи. Думу кӀарч, инсандиъси, улар айиб вуйи ва заанвал кади улхру ушв алиб вуйи.

Даниял 8:22

КӀарч улдубшвну, ва дидин ерина юкьуб кӀарч удучӀвну – миди улупураки, думу халкьдин юкьуб паччагьлугъ хьиди, амма сабпибсикьан кьувватлу дарудар.

Даниял 8:8

Хъа кьун хъана гизаф кьувватлу гъабхьнийи – ва мушвахь, думу кьудратлу гъабхьиган, аьхю кӀарч дюбгъну, дидин ерина жара юкьуб кӀарч итӀигъу, дюнʼяйин гьарсаб терефназди.

Матта 12:25

Амма Исайи, дурарин фикрар аьгъяди, гьамци гъапи: – Чан айитӀ душманвал ади, пай гъабши гьарсаб паччагьлугъ ичӀи шул, арайиъ душманвал айи я саб шагьур, я саб хизан гъудрубзур.

Лука 12:20

Хъа Аллагьди дугъаз кӀуру: «Эй ахмакь! Ахъли яв юкӀв увхьан гъадабгъиди: уву гьязур гъапӀуб шлиз ккабхъдийкӀан?»

Ачмиш 7:1

Хъасин узуз дюнʼяйин юкьбиб терефариъ дийигънайи юкьур малайик гъяркъзуз. Дурари, я жилиина, я гьюлʼина, я гьарариина хъивуз гъидритди, дюнʼяйиина хъивру юкьуб микӀ дидиснайи.