Даниял 10:8 - Гирами Китаб

⁸ Узу сар хьимиза, ва гьаму улупбаъ шулайиб сар узузтӀан гъябкъюндайзуз. Ва жандиъ айи гуж вари гъубшдиз, узу кучӀвзу ва иллаж гъахьизу.

Даниял 10:8 Iomraidhean Croise

Эвел 32:31

Ригъ гьудубчӀву. Якьубди Пени-Эл («Заанурин маш») гъибту. Думу ликуди гъяри гъаши.

Даниял 10:16

Амма фуж-вуш сар, инсандин юруш айир, йиз кӀвантӀарик куркӀу – думуган узу чӀалниина гъафиза ва йиз улихь дийигънайириз гъапиза: – Я аьхюр! Улупбахъди аьян шулайи вахтна, узу аьзиятнакк ккади гъахьунзу, йиз жандиан кьувватра удубчӀву.

Даниял 10:17

Узхьан, йиз агъайин лукӀрахьан, увухъди, йиз агъайихъди, гафар апӀуз шуйкӀан? Узуъ затра аман имдарзуъ, ва хътабгъурайи илра кмиди бисурайиз.

Даниял 7:28

Гьамдиинди ихтилат ккудубкӀура. Узук, Даниялик, зурба къурхулувал кабхъзук, машнан рангарра ккадатӀнийиз. Ва узу гьаму вари йиз кӀваъ сирси гъюбхюнза.

Даниял 8:27

Узу, Даниял, гьадмукьан бизар духьнайзуки, гьятта швнуд-сад йигъан, кетӀерццну, дахънура гъахьунзу. Хъасин узу гъудужвза ва хъана паччагьдин гъуллугънаъ дийигъза. Узу нивкӀукди гъябкъюбдиан пис къурхувалиъ ади гъахьиза ва дидин гъаври гъахьундайзу.

Даниял 8:7

Ва узуз гъябкъзузки, багахь гъабхьиган, хъана артухъди ажугълу дубхьну, диди якъраз йивуру ва дидин кьюбиб кӀарчарра улдушвуру. Якърахьан дидиъ удубкьну дугъубжвуз гъабхьундайи; кьуну думу алдабку ва ликариккан гъапӀу – якъраз аькси хьуз мумкинвалкьан гъабхьундайи.

Матта 17:6

Му сес гъеебхьу ученикариз яманди гучӀ гъабхьнийи, ва дурар, икрам апӀури, жилʼина ахьнийи.

Марк 9:6

Петри мици, фу кӀуруш ва гьапӀруш аьгъдрури, гъапиб вуйи, фицики ученикариз яман гучӀ дубхьнайи.

Югьан 16:32

Хъебехъай, Узу сарди гъитну, учву вари хулариз гьергру сяаьт улубкьура. Амма Узу сар дарза, гьаз гъапиш Узухъ Йиз Адаш хъазухъ.

Коринф-2 12:7

Гьациб зурба сир узухьна гъурубкьган, узуз узу заанди дярякъюз, йиз жандиъ аьзаб тувуз галам, иблисдин малайик, ивна.

Ачмиш 1:17

Думу гъяркъиган, дукӀнайирси, Дугъан ликарикк дахъунза, хъа Дугъу, Чан арччул хил йиз гъюниин иливну, гъапи: – ГучӀ мапӀан! Узу вуза Сарпирра, КкудукӀрурра.