Даниял 1:5 - Гирами Китаб

⁵ Паччагьди гьацира дурариз гьар йигъандин ипӀруб паччагьдин суфрайихъан тувуз ва чав убхъурайибсиб чяхир тувуз, шубуд йисандин арайиъ дурар тербияламиш апӀуз, хъасин паччагьдин саб гъуллугънахъ хъауз табшурмиш апӀуру.

Даниял 1:5 Iomraidhean Croise

Эвел 41:46

Египетдин паччагь фяряуьндин гъуллугънаъ дийигъу вахтна Юсуфдин сумчӀур йис вуйи. Юсуф, фяряуьн гъитну, вари Египетдин жиларилан илдицуз, рякъʼин гъаши.

Паччагьлугъар-3 10:8

Гизаф бахтаврар ву яв инсанар! Яв багахь хьайи гъаравашар, гьарган яв улихь дийигънайидар ва яв аьяндарвалихъ хъпехъурайидар гизаф бахтаврар ву!

Паччагьлугъар-4 25:30

Чан имбу уьмриъ дугъаз лазим вуйиб вари гьарган паччагьдихьан тувуйи.

Насигьятар 23:3

Дугъан иццишнарихъ тямягь михъипан, думу ипӀруб алдатмиш апӀруб ву.

Даниял 1:19

Паччагьди дурарихъди гаф-чӀал гъапӀу, ва, лигуруш, тмуну баярикан сарра Даниялинна, Ананайинна, Мисаилинна Азарийин дережайиз багахькьан шуладайи – гъаддиз мурар паччагьдин гъуллугъчйирди кьабулра гъапӀнийи.

Даниял 1:8

Даниял чаз гьярам вуйибдик сабдиккьан: я паччагьдин хурагнак, я паччагьдин чяхирик – ниъкьан кадрапӀбанди гъаши. Ва дугъу аьхюну гъуллугъчийикан гьярам вуйиб дирипӀуз чаз ихтияр тувуб тӀалаб гъапӀнийи.

Матта 6:11

Учуз лазим вуйи уьл гъийиз ча.

Лука 1:19

Малайикди дугъаз гъапи: – Узу Аллагьдин улихь дийигънайи ва увухьна ужуб хабар тувуз гьаънайи Жабраил вуза.

Лука 11:3

Гьарсаб йигъаз учуз лазим вуйи уьл ча;

Лука 21:36

Гьаци вуйиган гьарсаб вахтна уягъди гъузай, гъюзимбу вари завалариккан ккадархьруси, ккарагури йихьай ва Инсаниятдин Балин улихь дийигъуз шлуганси гъузай.

Паччагьлугъар-1 16:22

Саули Ессейиз гьамцдар гафар хътауз амур гъапӀу: – Гъит Давудди узухь гъуллугъ апӀри. Думу узуз кӀваантӀан кьабул гъахьунзуз.