Даниял 1:4 - Гирами Китаб

⁴ бедендин нукьсанар кадру, уччвуб къаш-къамат айи, фикрин удукьувалар айи, варибдин гъавриъ ахъру, паччагьдин дараматдиъ гъуллугъназ ярамиш вуйи жигьил баяр гъядягъюз ва дурариз вавилон халкьдин чӀал ва урхуб-бикӀуб улупуз амур апӀуру.

Даниял 1:4 Iomraidhean Croise

Эвел 41:46

Египетдин паччагь фяряуьндин гъуллугънаъ дийигъу вахтна Юсуфдин сумчӀур йис вуйи. Юсуф, фяряуьн гъитну, вари Египетдин жиларилан илдицуз, рякъʼин гъаши.

Паччагьлугъар-2 14:25

Вари Израилиъ Авессаломси уткан, дугъʼинси гьяйран шлу жилижви адайи. КӀулин кӀукӀшилан швякьярихъна дугъак саб жюрейинра нукьсан ктайи.

Насигьятар 22:29

Гъяркъюнвуз инсан, ляхнин устад? Думу паччгьарин гъуллугънаъ а, асккандарин – ваъ.

Даниял 2:10

Дурари паччагьдиз гъапи: – Жилин зиин сарихьанра паччагьдиз дугъу гьерхрайиб ктибтуз даршул: сар паччагьдира, я сар заан агъайира фалчйирихьан, сюгьюрчйирихьан, вая хядарихъди лигрударихьан мицдар гьерхри гъахьундар.

Даниял 2:2

Чан нивкӀарин гъавриъ итуз кӀури, паччагьди фалчйир, сюгьюрчйир, фахрийир ва хядарихъди лигрудар хъади гъюз амур апӀуру. Дурар, дуфну, паччагьдин улихь дийигъу.

Даниял 3:8

Амма вавилонарин арайиан бязидари, дишлади душну, жугьтарикан шикаятвал туву.

Даниял 4:7

Йиз ахникк дахънайиган, узуз гъябкъю нивкӀ магьа: Жилин кьялʼин кудубчӀвура саб ягъли гьар –

Даниял 5:11

Яв паччагьлугъдиъ чаъ гирами бутарихьан вуйи марцци рюгь айи сар кас яшамиш шула. Гьеле яв абайин гьюкмин вахтарира кимиди дугъаз инсандиз хас дару учӀру фикир, аьяндарвал ва гирами бутаринубсиб фагьум айиб варидариз мялум дубхьна. Навухаднасар паччагьди, яв абайи, думу кас фалчйирин, сюгьюрчйирин, фахрийирин ва хядарихъди лигрударин аьхюрди дерккнийи – паччагьди чав, яв абайи!

Даниял 5:7

Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Даниял 9:1

Мидийирин тухмиан вуйи, Ахашʼварушдин бай Дарийи Вавилондиъ паччагьвал апӀури садпи йис вуйи.

Ляхнар 7:20

Гьадму вахтна Муса бабкан шулу. Думу Аллагьдиз кьабул шлу бай гъахьну. Думу шубуб вазли чан адашдин хулаъ дадайин мухрихъ шулу,

Ляхнар 7:22

Мусайиз Египетлуйирин гьадмугандин илмар аьгъю гъахьну. Думу улхбариъ дилавар, ляхнариъ бажаранлу кас вуди гъахьну.