ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 4:2 - Siloṭi Asmani Kitab (Nagri lipi)

² ꠀꠞ ꠛꠥꠀꠎꠦ ꠉꠣꠃꠞ ꠛꠥꠎꠖꠣꠞ ꠝꠄ-ꠝꠥꠞꠛ꠆ꠛꠤ ꠖꠡ ꠎꠘꠞꠦ ꠀꠘꠤꠀ ꠛꠅꠀꠁꠟꠣ।

ছিলটি আছমানি কিতাব (বাংলা লিপি)

² আর বোয়াজে গাউর বুজদার ময়-মুরব্বি দশ জনরে আনিয়া বওয়াইলা।

Siloṭi Asmani Kitab (Latin lipi)

² ar Buaze gaur buzdar moy-murobbi dosh zonre ania boaila.

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 4:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 21:8

ꠔꠣꠁꠞ ꠝꠥꠘꠤꠛ ꠎꠥꠖꠤ ꠔꠣꠁꠞ ꠃꠙꠞꠦ ꠈꠥꠡꠤ ꠘꠣ ꠅꠁꠘ, ꠔꠦ ꠐꠦꠇꠣ-ꠙꠄꠡꠣꠞ ꠛꠖꠟꠣ ꠔꠣꠁꠞꠦ ꠀꠎꠣꠖ ꠇꠞꠤ ꠖꠤꠔꠦ ꠅꠁꠛ। ꠔꠣꠁꠞꠦ ꠖꠥꠍꠞꠣ ꠇꠥꠘꠥ ꠎꠣꠔꠤꠞ ꠝꠣꠘꠡꠞ ꠉꠦꠍꠦ ꠛꠦꠌꠤꠛꠣꠞ ꠄꠈꠔꠤꠀꠞ ꠘꠣꠁ, ꠇꠣꠞꠘ ꠝꠥꠘꠤꠛꠦ ꠔ ꠔꠣꠘ ꠘꠤꠎꠞ ꠖꠣꠄꠁꠔ꠆ꠔ ꠀꠖꠣꠄ ꠇꠞꠍꠂꠘ ꠘꠣ।

Injil 5: Sahabi Nama 6:12

ꠅꠔꠣ ꠇꠞꠤ ꠔꠣꠞꠣ ꠝꠣꠘꠡꠞꠦ, ꠝꠥꠞꠛ꠆ꠛꠤ ꠅꠇꠟꠞꠦ, ꠀꠞ ꠀꠟꠤꠝ ꠡꠝꠣꠎꠞꠦ ꠡ꠆ꠔꠤꠚꠣꠘꠞ ꠛꠤꠞꠥꠖ꠆ꠖꠦ ꠛꠤꠉꠠꠣꠁꠟ, ꠀꠞ ꠔꠣꠘꠞꠦ ꠎꠛꠞꠖꠡ꠆ꠔꠤ ꠇꠞꠤ ꠗꠞꠤꠀ ꠖꠦꠡꠞ ꠚꠔꠥꠀ ꠇꠝꠤꠐꠤꠞ ꠍꠣꠝꠘꠦ ꠛꠤꠌꠣꠞꠅ ꠀꠘꠟ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 25:7

ꠅꠁꠟꠦ ꠔꠣꠁꠞ ꠖꠦꠅꠞꠦ ꠎꠥꠖꠤ ꠔꠣꠁꠞꠦ ꠛꠤꠀ ꠇꠞꠔ ꠞꠣꠎꠤ ꠘꠣ ꠅꠄ, ꠔꠦ ꠔꠣꠁ ꠢꠃ ꠉꠣꠃ ꠛꠣ ꠐꠣꠃꠘꠞ ꠙꠣꠁꠘ꠆ꠌꠣꠁꠔꠞ ꠉꠦꠍꠦ ꠉꠤꠀ ꠢꠘꠞ ꠝꠥꠞꠛ꠆ꠛꠤ ꠅꠇꠟꠞꠦ ꠇꠁꠛ, ꠀꠝꠣꠞ ꠖꠦꠅꠞꠦ ꠀꠝꠣꠞꠦ ꠛꠤꠀ ꠇꠞꠔ ꠞꠣꠎꠤ ꠘꠣꠄ, ꠢꠦ ꠔꠣꠞ ꠝꠞꠣ ꠜꠣꠁꠞ ꠘꠣꠝ ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠎꠤꠘ꠆ꠖꠣ ꠞꠣꠈꠔ ꠌꠣꠄ ꠘꠣ। ꠀꠝꠣꠞ ꠛꠦꠙꠣꠞꠦ ꠔꠣꠞ ꠃꠙꠞꠦ ꠛꠞ꠆ꠔꠣꠁꠟ ꠖꠣꠄ-ꠖꠣꠄꠁꠔ꠆ꠔ ꠀꠖꠣꠄ ꠇꠞꠦꠞ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 29:10

“ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠍꠣꠝꠘꠦ ꠀꠁꠎ ꠔꠥꠝꠞꠣ ꠢꠇꠟ ꠀꠁꠀ ꠀꠎꠤꠞ ꠅꠁꠍ, ꠔꠥꠝꠞꠣꠞ ꠈꠣꠘ꠆ꠖꠣꠘꠞ ꠀꠝꠤꠞ ꠅꠇꠟ, ꠝꠄ-ꠝꠥꠞꠛ꠆ꠛꠤ ꠅꠇꠟ, ꠅꠚꠤꠡꠣꠞ ꠅꠇꠟ, ꠀꠞ ꠛꠘꠤ ꠁꠍꠞꠣꠁꠟꠞ ꠢꠇꠟ ꠛꠦꠐꠣꠁꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:28

ꠔꠥꠝꠞꠣ ꠢꠇꠟꠦ ꠎꠣꠞꠎꠤꠞ ꠈꠣꠘ꠆ꠖꠣꠘꠞ ꠝꠥꠞꠛ꠆ꠛꠤ ꠀꠞ ꠅꠚꠤꠡꠣꠞ ꠅꠇꠟꠞꠦ ꠀꠝꠣꠞ ꠉꠦꠍꠦ ꠀꠘꠅ, ꠀꠝꠤ ꠘꠤꠎꠦ ꠔꠣꠞꠣꠞ ꠉꠦꠍꠦ ꠅꠔꠣ ꠈꠥꠟꠣꠍꠣ ꠇꠞꠤꠀ ꠇꠁꠀ ꠎꠣꠁꠝꠥ, ꠀꠍꠝꠣꠘ-ꠎꠝꠤꠘꠞꠦ ꠔꠣꠞꠣꠞ ꠛꠤꠞꠥꠖ꠆ꠖꠦ ꠡꠣꠇ꠆ꠇꠤ ꠞꠣꠈꠔꠣꠝ ꠌꠣꠁ।