ꠔꠃꠞꠣꠔ ৪: ꠡꠥꠝꠣꠞꠤ 9:7 - Siloṭi Asmani Kitab (Nagri lipi)

⁷ ꠔꠣꠞꠣ ꠝꠥꠍꠣꠞꠦ ꠎꠤꠇꠣꠁꠟꠣ, “ꠝꠞꠣ ꠟꠣꠡ ꠍꠅꠀꠄ ꠀꠝꠞꠣ ꠘꠣꠙꠣꠇ ꠅꠁꠍꠤ, ꠄꠞꠟꠣꠉꠤ ꠛꠘꠤ ꠁꠍꠞꠣꠁꠟꠞ ꠟꠉꠦ ꠑꠤꠇ ꠡꠝꠄ ꠝꠣꠛꠥꠖꠞ ꠘꠣꠝꠦ ꠇꠥꠞꠛꠣꠘꠤ ꠖꠤꠔꠣꠝ ꠙꠣꠞꠔꠣꠝ ꠘꠣ ꠇꠦꠘꠦ?”

ছিলটি আছমানি কিতাব (বাংলা লিপি)

⁷ তারা মুছারে জিকাইলা, “মরা লাশ ছওয়ায় আমরা নাপাক অইছি, এরলাগি বনি ইছরাইলর লগে ঠিক সময় মাবুদর নামে কুরবানি দিতাম পারতাম না কেনে?”

Siloṭi Asmani Kitab (Latin lipi)

⁷ Tara Musare zikaila, “Mora lash soae amra nafak oisi, erlagi Boni Israilor loge ṭik shomoy Mabudor name kurbani ditam fartam na ḳene?”

ꠔꠃꠞꠣꠔ ৪: ꠡꠥꠝꠣꠞꠤ 9:7 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 12:27

ꠔꠦ ꠔꠥꠝꠞꠣ ꠎꠥꠀꠙ ꠖꠤꠅ, ꠁꠐꠣ ꠝꠣꠛꠥꠖꠞ ꠘꠣꠝꠦ ꠀꠎꠣꠖꠤ ꠁꠖꠞ ꠇꠥꠞꠛꠣꠘꠤ। ꠝꠤꠡꠞꠤ ꠅꠇꠟꠞꠦ ꠝꠣꠞꠛꠣꠞ ꠛꠣꠟꠣ ꠔꠣꠁꠘ ꠝꠤꠡꠞ ꠖꠦꠡꠅ ꠛꠘꠤ ꠁꠍꠞꠣꠁꠟꠞ ꠊꠞ ꠛꠣꠖ ꠖꠤꠀ ꠍꠣꠝꠘꠦꠖꠤ ꠀꠉꠥꠀꠁ ꠉꠤꠀ, ꠀꠝꠞꠣꠞꠦ ꠀꠎꠣꠖ ꠇꠞꠍꠟꠣ।” ꠁꠈꠣꠘ ꠢꠥꠘꠤꠀ ꠢꠇꠟ ꠝꠣꠘꠡꠦ ꠝꠣꠛꠥꠖꠞꠦ ꠍꠁꠎꠖꠣ ꠇꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 9:2

“ꠛꠘꠤ ꠁꠍꠞꠣꠁꠟꠦ ꠎꠣꠘꠥ ꠑꠤꠇ ꠡꠝꠄꠄ ꠀꠎꠣꠖꠤ ꠁꠖ ꠀꠖꠣꠄ ꠇꠞꠂꠘ।

ꠔꠃꠞꠣꠔ ৪: ꠡꠥꠝꠣꠞꠤ 9:6

ꠅꠁꠟꠦ ꠔꠣꠞꠣꠞ ꠝꠣꠎꠦ ꠇꠄꠎꠘꠦ ꠝꠞꠣ ꠟꠣꠡꠞꠦ ꠍꠁꠀ ꠘꠣꠙꠣꠇ ꠅꠀꠄ, ꠅꠃ ꠖꠤꠘ ꠀꠎꠣꠖꠤ ꠁꠖ ꠇꠞꠔ ꠙꠣꠞꠟ ꠘꠣ। ꠄꠞꠟꠣꠉꠤ ꠅꠃ ꠖꠤꠘꠃ ꠔꠣꠞꠣ ꠝꠥꠍꠣ ꠀꠞ ꠢꠣꠞꠥꠘ ꠘꠛꠤꠞ ꠉꠦꠍꠦ ꠉꠤꠀ ꠀꠎꠤꠞ ꠅꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 9:8

ꠝꠥꠍꠣꠄ ꠎꠥꠀꠙ ꠖꠤꠟꠣ, “ꠔꠥꠝꠞꠣꠞ ꠛꠦꠙꠣꠞꠦ ꠝꠣꠛꠥꠖꠞ ꠢꠥꠇꠥꠝ ꠘꠣ ꠎꠣꠘꠣ ꠙꠞ꠆ꠎꠘ꠆ꠔ ꠔꠥꠝꠞꠣ ꠛꠣꠞ ꠌꠣꠅ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 16:2

ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠘꠤꠎꠞ ꠛꠣꠄꠔꠥꠟ꠆ꠟꠣ ꠡꠞꠤꠚ ꠢꠤꠡꠣꠛꠦ ꠎꠦ ꠎꠣꠉꠣꠞꠦ ꠙꠍꠘ꠆ꠖ ꠇꠞꠛꠣ, ꠅꠃ ꠎꠣꠉꠣꠔ ꠔꠥꠝꠞꠣ ꠔꠣꠘ ꠘꠣꠝꠦ ꠉꠞꠥ-ꠍꠣꠉꠟꠞ ꠙꠣꠟ ꠕꠣꠇꠤ ꠙꠡꠥ ꠘꠤꠀ ꠀꠎꠣꠖꠤ ꠁꠖꠞ ꠇꠥꠞꠛꠣꠘꠤ ꠖꠤꠅ।