ꠔꠃꠞꠣꠔ ৪: ꠡꠥꠝꠣꠞꠤ 9:5 - Siloṭi Asmani Kitab (Nagri lipi)

⁵ ꠄꠞꠖꠣꠄ ꠔꠣꠞꠣ ꠙꠄꠟꠣ ꠌꠣꠘ꠆ꠖꠞ ꠌꠃꠖ꠆ꠖ ꠔꠣꠞꠤꠈ ꠢꠣꠁꠘ꠆ꠎꠣ ꠛꠣꠟꠣ ꠍꠤꠘꠣꠁ ꠝꠞꠥꠜꠥꠝꠤꠔ ꠅꠃ ꠁꠖ ꠀꠖꠣꠄ ꠇꠞꠟꠣ। ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ ꠖꠤꠍꠟꠣ, ꠔꠣꠞꠣ ꠑꠤꠇ ꠅꠟꠣꠈꠣꠘ ꠢꠇꠟꠔꠣ ꠇꠞꠟꠣ।

ছিলটি আছমানি কিতাব (বাংলা লিপি)

⁵ এরদায় তারা পয়লা চান্দর চৌদ্দ তারিখ হাইঞ্জা বালা সিনাই মরুভুমিত অউ ইদ আদায় করলা। মাবুদে মুছারে যেলাখান হুকুম দিছলা, তারা ঠিক অলাখান হকলতা করলা।

Siloṭi Asmani Kitab (Latin lipi)

⁵ Erdae tara foyla sandor souddo tarik hainja bala Sinai morubumit ou id adae ḳorla. Mabude Musare zelaḳan hukum disla, tara ṭik olaḳan hoḳolta ḳorla.

ꠔꠃꠞꠣꠔ ৪: ꠡꠥꠝꠣꠞꠤ 9:5 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 6:22

ꠘꠥꠢꠦ ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠢꠇꠟꠔꠣꠃ ꠇꠞꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 7:5

ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠘꠥꠢꠦ ꠢꠇꠟ ꠇꠣꠝ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 12:50

ꠝꠣꠛꠥꠖꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠢꠣꠍꠣꠞꠞ ꠅꠃꠟꠣꠃ ꠀꠝꠟ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 39:32

ꠅꠃ ꠟꠣꠈꠣꠘ ꠝꠤꠟꠘ-ꠔꠣꠝ꠆ꠛꠥ ꠡꠢ ꠀꠟ꠆ꠟꠣꠞ ꠊꠞꠞ ꠢꠇ꠆ꠇꠟ ꠇꠣꠝ-ꠇꠣꠎ ꠡꠦꠡ ꠅꠁꠟ। ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠢꠇꠟꠔꠣ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 39:42

ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟ ꠅꠇꠟꠦ ꠢꠇꠟ ꠇꠣꠝ ꠇꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 1:54

ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠑꠤꠇ ꠅꠟꠣꠃ ꠇꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 29:40

ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠎꠦꠔꠣ ꠢꠥꠇꠥꠝ-ꠀꠢꠇꠣꠝ ꠎꠣꠘꠣꠁꠍꠟꠣ, ꠔꠣꠁꠘ ꠁꠔꠣ ꠢꠇ꠆ꠇꠟꠔꠣ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 8:20

ꠝꠣꠛꠥꠖꠦ ꠟꠦꠛꠤ ꠅꠇꠟꠞ ꠛꠦꠙꠣꠞꠦ ꠝꠥꠍꠣ ꠘꠛꠤꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠅꠃ ꠢꠥꠇꠥꠝ ꠝꠣꠚꠤꠇ ꠝꠥꠍꠣ, ꠢꠣꠞꠥꠘ ꠀꠞ ꠢꠇꠟ ꠛꠘꠤ ꠁꠍꠞꠣꠁꠟꠦ ꠅꠟꠣ ꠇꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 9:4

ꠝꠣꠛꠥꠖꠞ ꠢꠥꠇꠥꠝ ꠙꠣꠁꠀ ꠝꠥꠍꠣꠄ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ ꠀꠎꠣꠖꠤ ꠁꠖ ꠀꠖꠣꠄ ꠇꠞꠣꠞ ꠟꠣꠉꠤ।

ꠁꠘ꠆ꠎꠤꠟ ১: ꠝꠕꠤ 28:20

ꠀꠝꠤ ꠔꠥꠝꠞꠣꠞꠦ ꠎꠦꠔꠣ ꠢꠥꠇꠥꠝ ꠖꠤꠍꠤ, ꠅꠔꠣ ꠀꠝꠟ ꠇꠞꠣꠞ ꠟꠣꠉꠤ ꠔꠣꠞꠣꠞꠦ ꠔꠣꠟꠤꠝ ꠖꠦꠅ। ꠝꠘꠅ ꠞꠣꠈꠤꠅ, ꠇꠤꠀꠝꠔꠞ ꠀꠉ ꠙꠞ꠆ꠎꠘ꠆ꠔ ꠡꠛ ꠡꠝꠄ ꠀꠝꠤ ꠔꠥꠝꠞꠣꠞ ꠟꠉꠦ ꠟꠉꠦ ꠀꠍꠤ।” ꠀꠝꠤꠘ॥

Injil 4: Hannan 15:14

ꠀꠝꠣꠞ ꠖꠦꠅꠀ ꠢꠥꠇꠥꠝ ꠎꠥꠖꠤ ꠔꠥꠝꠞꠣ ꠀꠝꠟ ꠇꠞ, ꠔꠦ ꠔꠥꠝꠞꠣ ꠀꠝꠣꠞ ꠖꠥꠡ꠆ꠔ।

Injil 5: Sahabi Nama 26:19

“ꠝꠣꠘꠘꠤꠅ ꠞꠣꠎꠣ ꠘꠣꠝꠖꠣꠞ, ꠛꠦꠢꠦꠡ꠆ꠔꠤ ꠁ ꠖꠞꠡꠘꠞꠦ ꠀꠝꠤ ꠚꠣꠟꠣꠁꠔꠣꠝ ꠙꠣꠞꠟꠣꠝ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:3

ꠅꠁꠟꠦ ꠛꠘꠤ ꠁꠍꠞꠣꠁꠟ ꠝꠤꠡꠞ ꠕꠣꠇꠤ ꠛꠣꠞ ꠅꠁꠀ ꠃꠘꠌꠣꠟ꠆ꠟꠤꠡ ꠛꠍꠞ ꠄꠉꠣꠞꠅ ꠝꠣꠡ ꠙꠞ꠆ꠎꠘ꠆ꠔ, ꠅꠞ꠆ꠕꠣꠔ ꠍꠚꠞꠞ ꠌꠣꠟ꠆ꠟꠤꠡ ꠛꠞꠍ ꠌꠟꠣꠞ ꠇꠣꠟꠅ, ꠅꠘꠅ ꠊꠥꠞꠤꠟꠣ। ꠛꠣꠖꠦ ꠅꠃ ꠝꠣꠡꠞ ꠙꠄꠟꠣ ꠔꠣꠞꠤꠈꠅ ꠝꠥꠍꠣ ꠘꠛꠤꠄ ꠔꠣꠞꠣꠞꠦ ꠎꠣꠘꠣꠁꠟꠣ ꠝꠣꠛꠥꠖꠦ ꠔꠣꠘꠞꠦ ꠎꠦꠔꠣ ꠇꠁꠍꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:5

“ꠅꠈꠘ ꠢꠥꠘꠅ, ꠀꠝꠣꠞ ꠝꠣꠛꠥꠖ ꠀꠟ꠆ꠟꠣꠄ ꠀꠝꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ-ꠀꠢꠇꠣꠝ ꠖꠤꠍꠟꠣ, ꠀꠝꠤ ꠔꠥꠝꠞꠣꠞꠦ ꠑꠤꠇ ꠅꠃ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠢꠤꠇꠣꠁꠍꠤ। ꠎꠣꠔꠦ ꠔꠥꠝꠞꠣ ꠅꠈꠘ ꠎꠦ ꠖꠦꠡ ꠖꠈꠟ ꠇꠞꠣꠔ ꠎꠣꠁꠞꠣꠄ, ꠢꠃ ꠖꠦꠡꠅ ꠁꠔꠣ ꠇꠣꠝꠅ ꠟꠣꠉꠣꠅ।

Injil 19: Ibrani 11:8

ꠁꠝꠣꠘꠞ ꠛꠟꠦ ꠁꠛ꠆ꠞꠣꠢꠤꠝ ꠘꠛꠤꠄ ꠀꠟ꠆ꠟꠣꠞ ꠢꠥꠇꠥꠝ ꠙꠣꠁꠀꠃ ꠘꠤꠎꠞ ꠜꠤꠐꠣ-ꠝꠣꠐꠤ ꠍꠣꠠꠤꠀ ꠞꠅꠀꠘꠣ ꠖꠤꠟꠣ। ꠀꠟ꠆ꠟꠣꠄ ꠔꠣꠘꠞꠦ ꠎꠦ ꠖꠦꠡ ꠖꠤꠔꠣ ꠇꠞꠤ ꠅꠀꠖꠣ ꠇꠞꠍꠂꠘ, ꠢꠤ ꠖꠦꠡꠈꠣꠘ ꠇꠥꠘ ꠎꠣꠉꠣꠔ, ꠁꠈꠣꠘ ꠘꠣ ꠎꠣꠘꠤꠀꠅ ꠔꠣꠁꠘ ꠞꠅꠀꠘꠣ ꠅꠁꠉꠦꠟꠣ।

Injil 19: Ibrani 3:5

ꠀꠍꠟꠦ ꠍꠣꠝꠘꠞ ꠎꠝꠣꠘꠣꠞ ꠟꠣꠉꠤ ꠎꠦꠔꠣ ꠛꠣꠔꠣꠁꠟ ꠅꠁꠛ, ꠅꠔꠣ ꠛꠦꠙꠣꠞ ꠎꠣꠘꠣꠘꠤꠞ ꠟꠣꠉꠤ, ꠝꠥꠍꠣ ꠀꠍꠟꠣ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠇꠣꠝ-ꠇꠣꠎꠅ ꠘꠤꠞꠜꠞ ꠇꠞꠣꠞ ꠎꠥꠇꠣ ꠇꠣꠝꠟꠣꠞ ꠟꠣꠈꠣꠘ।