ꠔꠃꠞꠣꠔ ৪: ꠡꠥꠝꠣꠞꠤ 8:4 - Siloṭi Asmani Kitab (Nagri lipi)

⁴ ꠌꠦꠞꠣꠉ ꠖꠣꠘꠤꠞ ꠔꠟ ꠕꠣꠇꠤ ꠀꠉꠣꠞ ꠚꠥꠟ ꠙꠞ꠆ꠎꠘ꠆ꠔ ꠀꠡ꠆ꠔꠣꠐꠣ ꠈꠣꠐꠤ ꠡꠥꠘꠣ ꠙꠤꠐꠣꠁꠀ ꠛꠣꠘꠣꠁꠟ ꠅꠁꠟ। ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠘꠇꠡꠣ ꠖꠦꠈꠣꠁꠍꠟꠣ, ꠑꠤꠇ ꠅꠃ ꠟꠣꠈꠣꠘ ꠌꠦꠞꠣꠉ ꠖꠣꠘꠤ ꠛꠣꠘꠣꠁꠟ ꠅꠁꠟ।

ছিলটি আছমানি কিতাব (বাংলা লিপি)

⁴ চেরাগ দানির তল থাকি আগার ফুল পর্যন্ত আস্তাটা খাটি সোনা পিটাইয়া বানাইল অইলো। মাবুদে মুছারে যেলা নকশা দেখাইছলা, ঠিক অউ লাখান চেরাগ দানি বানাইল অইলো।

Siloṭi Asmani Kitab (Latin lipi)

⁴ Serag danir tol taki agar ful forzonto astaṭa ḳaṭi shuna fiṭaia banail oilo. Mabude Musare zela noksha deḳaisla, ṭik ou laḳan serag dani banail oilo.

ꠔꠃꠞꠣꠔ ৪: ꠡꠥꠝꠣꠞꠤ 8:4 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:18

ꠔꠥꠝꠤ ꠢꠃ ꠓꠣꠇꠘꠣꠞ ꠇꠤꠘꠣꠞꠅ ꠡꠥꠘꠣ ꠙꠤꠐꠣꠁꠀ ꠖꠥꠉꠥ ꠇꠣꠞꠥꠛꠤ ꠛꠣꠘꠣꠁꠅ। ꠅꠃ ꠇꠣꠞꠥꠛꠤ ꠖꠦꠈꠔꠦ ꠖꠥꠟꠖꠥꠟ ꠊꠥꠠꠣꠞ ꠟꠣꠈꠣꠘ ꠒꠣꠈꠘꠣ ꠀꠟꠣ। ꠛꠣꠘꠣꠁꠀ ꠡꠘ꠆ꠖꠥꠇꠞ ꠖꠥꠁ ꠉꠣꠟꠣꠔ ꠟꠣꠉꠣꠁꠅ, ꠅꠉꠣꠟꠣꠔ ꠄꠇꠐꠣ, ꠀꠞ ꠢꠉꠣꠟꠣꠔ ꠄꠇꠐꠣ। ꠖꠥꠁꠅ ꠇꠣꠞꠥꠛꠤ ꠓꠣꠇꠘꠣꠞ ꠟꠉꠦ ꠅꠃ ꠟꠣꠈꠣꠘ ꠇꠞꠤ ꠡꠥꠘꠣꠖꠤ ꠛꠣꠘꠣꠘꠤ ꠟꠣꠉꠛ, ꠎꠦꠐꠣ ꠀꠡ꠆ꠔꠣꠐꠣꠄ ꠈꠣꠟꠤ ꠄꠇ ꠌꠤꠎ ꠅꠄ।

ꠔꠃꠞꠣꠔ ২: ꠢꠤꠎꠞꠔ 25:9

ꠀꠝꠣꠞ ꠞꠅꠀꠞ ꠊꠞ ꠀꠞ ꠝꠣꠟ-ꠍꠣꠝꠣꠘꠣꠞ ꠛꠦꠙꠣꠞꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠘꠝꠥꠘꠣ ꠖꠦꠈꠣꠁꠝꠥ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠇꠞꠤ ꠢꠇꠟꠔꠣ ꠔꠤꠀꠞ ꠇꠞꠣꠁꠅ।

ꠔꠃꠞꠣꠔ ২: ꠢꠤꠎꠞꠔ 26:30

ꠀꠝꠣꠞ ꠊꠞꠞ ꠎꠦ ꠘꠇꠡꠣ ꠔꠥꠝꠣꠞꠦ ꠅꠃ ꠔꠥꠞ ꠙꠣꠠꠞ ꠃꠙꠞꠦ ꠖꠦꠈꠣꠁꠟꠣꠝ, ꠔꠥꠝꠤ ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠇꠞꠤ ꠁꠐꠣ ꠔꠂꠀꠞ ꠇꠞꠣꠁꠅ।”

ꠔꠃꠞꠣꠔ ২: ꠢꠤꠎꠞꠔ 37:7

ꠡꠥꠘꠣ ꠙꠤꠐꠣꠁꠀ ꠓꠣꠇꠘꠣꠞ ꠖꠥꠁꠅ ꠉꠣꠟꠣꠔ ꠖꠥꠁꠐꠣ ꠇꠣꠞꠥꠛꠤ ꠛꠣꠘꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 8:3

ꠢꠣꠞꠥꠘꠦ ꠅꠟꠣꠃ ꠇꠞꠟꠣ। ꠝꠥꠍꠣꠞꠦ ꠛꠣꠔꠣꠁꠟ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠔꠣꠁꠘ ꠢꠇꠟ ꠌꠦꠞꠣꠉ ꠅꠟꠣꠈꠣꠘ ꠛꠅꠀꠁꠟꠣ, ꠎꠣꠔꠦ ꠌꠦꠞꠣꠉꠞ ꠚꠞ ꠌꠦꠞꠣꠉ ꠖꠣꠘꠤꠞ ꠍꠣꠝꠘꠦꠖꠤ ꠙꠠꠦ।

ꠔꠃꠞꠣꠔ ৪: ꠡꠥꠝꠣꠞꠤ 8:5

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ,

Injil 19: Ibrani 8:5

ꠢꠤ ꠁꠝꠣꠝ ꠅꠇꠟꠞ ꠇꠣꠝ ꠅꠁꠟ ꠛꠦꠢꠦꠡ꠆ꠔꠤ ꠇꠣꠝꠞ ꠘꠝꠥꠘꠣ ꠛꠣ ꠍꠣꠄꠀ, ꠎꠦꠟꠣ ꠝꠥꠍꠣꠄ ꠢꠤ ꠄꠛꠣꠖꠔ ꠈꠣꠘꠣ ꠛꠣꠘꠣꠘꠤꠞ ꠡꠝꠄ ꠀꠟ꠆ꠟꠣꠄ ꠝꠥꠍꠣꠞꠦ ꠢꠥꠡꠤꠀꠞ ꠇꠞꠤ ꠇꠁꠟꠣ, “ꠖꠦꠈꠤꠅ, ꠅꠃ ꠙꠣꠠꠞ ꠃꠙꠞꠦ ꠔꠥꠝꠣꠞꠦ ꠎꠦꠟꠣ ꠘꠇꠡꠣ ꠖꠦꠈꠣꠁꠟꠣꠝ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠇꠞꠤ ꠢꠇꠟꠔꠣ ꠛꠣꠘꠣꠁꠅ।”

Injil 19: Ibrani 9:23

ꠎꠦꠔꠣ ꠎꠤꠘꠤꠡ ꠅꠇꠟ ꠈꠣꠟꠤ ꠛꠦꠢꠦꠡ꠆ꠔꠤ ꠎꠤꠘꠤꠡꠞ ꠘꠤꠡꠣꠘꠣ, ꠅꠔꠣꠞꠦ ꠇꠥꠞꠛꠣꠘꠤꠞ ꠙꠡꠥꠞ ꠟꠃꠖꠤ ꠙꠣꠇ-ꠍꠣꠚ ꠇꠞꠣ ꠎꠞꠥꠞ ꠀꠍꠤꠟ, ꠅꠁꠟꠦ ꠎꠦꠔꠣ ꠎꠤꠘꠤꠡ ꠀꠍꠟ ꠛꠦꠢꠦꠡ꠆ꠔꠤ, ꠁꠔꠣꠞꠦ ꠙꠣꠇ-ꠍꠣꠚ ꠇꠞꠣꠞ ꠟꠣꠉꠤ ꠔ ꠀꠞꠅ ꠝꠢꠣꠘ ꠇꠥꠞꠛꠣꠘꠤꠞ ꠎꠞꠥꠞ।