ꠔꠃꠞꠣꠔ ৪: ꠡꠥꠝꠣꠞꠤ 8:21 - Siloṭi Asmani Kitab (Nagri lipi)

²¹ ꠟꠦꠛꠤ ꠅꠇꠟꠦ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠤꠀ ꠢꠣꠞꠤ ꠔꠣꠞꠣꠞ ꠇꠣꠙꠠ-ꠌꠥꠙꠠꠅ ꠕꠁꠟꠣ। ꠛꠣꠖꠦ ꠢꠣꠞꠥꠘꠦ ꠔꠣꠞꠣꠞꠦ ꠝꠣꠛꠥꠖꠞ ꠘꠣꠝꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠡꠙꠤꠀ ꠖꠤꠟꠣ, ꠀꠞ ꠔꠣꠞꠣꠞꠦ ꠙꠣꠇ-ꠙꠣꠇꠤꠎꠣ ꠇꠞꠣꠞ ꠘꠤꠅꠔꠦ ꠔꠣꠞꠣꠞ ꠉꠥꠘꠣꠞ ꠇꠚꠞꠣꠞ ꠛꠦꠛꠡ꠆ꠔꠣ ꠇꠞꠟꠣ।

ছিলটি আছমানি কিতাব (বাংলা লিপি)

²¹ লেবি অকলে নিজরে পাক-ছাফ করিয়া হারি তারার কাপড়-চুপড়ও ধইলা। বাদে হারুনে তারারে মাবুদর নামে দুলনা কুরবানি হিসাবে সপিয়া দিলা, আর তারারে পাক-পাকিজা করার নিয়তে তারার গুনার কফরার বেবস্থা করলা।

Siloṭi Asmani Kitab (Latin lipi)

²¹ Lebi oḳole nizore fak-saf ḳoria hari tarar ḳafoṛ-sufoṛ-o toila. Bade Harune tarare Mabudor name dulona kurbani hishabe shofia dila, ar tarare pak-pakiza ḳorar niote tarar gunar koforar bebosta ḳorla.

ꠔꠃꠞꠣꠔ ৪: ꠡꠥꠝꠣꠞꠤ 8:21 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:10

ꠁꠈꠣꠘ ꠢꠥꠘꠤꠀ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠀꠁꠎ ꠀꠞ ꠇꠣꠁꠟ ꠖꠥꠁꠅ ꠖꠤꠘ ꠝꠣꠘꠡꠞ ꠇꠣꠍꠣꠔ ꠉꠤꠀ ꠔꠣꠞꠣꠞꠦ ꠙꠣꠇ-ꠍꠣꠚ ꠇꠞꠅ। ꠔꠣꠞꠣ ꠎꠣꠞꠎꠤꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠦꠃꠇ।

ꠔꠃꠞꠣꠔ ৩: ꠟꠦꠛꠤꠀꠘ 14:11

ꠀꠘꠤꠀ ꠢꠣꠞꠟꠦ ꠔꠣꠞ ꠙꠣꠇ-ꠍꠣꠚꠞ ꠟꠣꠉꠤ ꠎꠦ ꠁꠝꠣꠝ ꠍꠣꠛꠦ ꠇꠣꠝ ꠇꠞꠞꠣ, ꠄꠁꠘ ꠅꠃ ꠎꠘꠞꠦ ꠀꠞ ꠇꠥꠞꠛꠣꠘꠤꠞ ꠝꠣꠟ-ꠍꠣꠝꠣꠘꠣꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠣꠛꠥꠖꠞ ꠍꠣꠝꠘꠦ ꠀꠎꠤꠞ ꠇꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 19:12

ꠟꠣꠡ ꠍꠅꠀꠞ ꠔꠤꠘ ꠘꠝ꠆ꠛꠞ ꠀꠞ ꠡꠣꠔ ꠘꠝ꠆ꠛꠞ ꠖꠤꠘ, ꠙꠣꠇ-ꠍꠣꠚ ꠅꠀꠞ ꠙꠛꠤꠔ꠆ꠞ ꠙꠣꠘꠤ ꠖꠤꠀ ꠘꠤꠎꠞꠦ ꠗꠁꠀ ꠢꠣꠞꠟꠦ ꠢꠦ ꠙꠣꠇ-ꠍꠣꠚ ꠅꠁꠛ। ꠀꠞ ꠁ ꠘꠤꠅꠝ ꠘꠣ ꠝꠣꠘꠟꠦ ꠢꠦ ꠘꠣꠙꠣꠇꠃ ꠞꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:19

ꠙꠣꠇ-ꠍꠣꠚ ꠅꠃ ꠎꠘꠦ ꠘꠣꠙꠣꠇ ꠝꠣꠘꠡꠞ ꠃꠙꠞꠦ ꠢꠣꠙ꠆ꠔꠣꠞ ꠔꠤꠘ ꠘꠝ꠆ꠛꠞ ꠀꠞ ꠡꠣꠔ ꠘꠝ꠆ꠛꠞ ꠖꠤꠘ ꠙꠣꠘꠤ ꠍꠤꠐꠣꠁ ꠖꠤꠛꠣ, ꠀꠞ ꠡꠣꠔ ꠘꠝ꠆ꠛꠞ ꠖꠤꠘ ꠔꠣꠞꠣ ꠙꠣꠇ-ꠍꠣꠚ ꠅꠁꠛꠣ। ꠔꠣꠞꠣ ꠉꠥꠍꠟ ꠇꠞꠤꠀ ꠚꠤꠘ꠆ꠘꠞ ꠇꠣꠙꠠ-ꠌꠥꠙꠠ ꠗꠁꠛꠣ, ꠀꠞ ꠅꠃ ꠡꠣꠔ ꠘꠝ꠆ꠛꠞ ꠖꠤꠘꠞ ꠢꠣꠁꠘ꠆ꠎꠣ ꠕꠣꠇꠤ ꠙꠣꠇ-ꠍꠣꠚ ꠛꠘꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:12

“ꠢꠥꠘꠅ, ꠛꠘꠤ ꠁꠍꠞꠣꠁꠟꠤ ꠛꠦꠐꠤꠘ꠆ꠔꠞ ꠊꠞꠅ ꠎꠘꠝ ꠟꠅꠀ ꠙꠄꠟꠣ ꠙꠥꠀꠞ ꠛꠖꠟꠣ ꠛꠣꠛꠔ, ꠀꠝꠤ ꠟꠦꠛꠤ ꠈꠣꠘ꠆ꠖꠣꠘꠞꠦ ꠙꠍꠘ꠆ꠖ ꠇꠞꠍꠤ। ꠄꠞꠟꠣꠉꠤ ꠟꠦꠛꠤ ꠅꠇꠟ ꠀꠝꠣꠞ।

ꠔꠃꠞꠣꠔ ৪: ꠡꠥꠝꠣꠞꠤ 8:15

“ꠟꠦꠛꠤ ꠅꠇꠟꠞꠦ ꠙꠣꠇ-ꠙꠣꠇꠤꠎꠣ ꠇꠞꠤꠀ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠡꠙꠤꠀ ꠖꠤꠀ ꠢꠣꠞꠟꠦ, ꠔꠣꠞꠣ ꠝꠤꠟꠘ-ꠔꠣꠝ꠆ꠛꠥꠞ ꠈꠦꠎꠝꠔꠅ ꠀꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 8:20

ꠝꠣꠛꠥꠖꠦ ꠟꠦꠛꠤ ꠅꠇꠟꠞ ꠛꠦꠙꠣꠞꠦ ꠝꠥꠍꠣ ꠘꠛꠤꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠅꠃ ꠢꠥꠇꠥꠝ ꠝꠣꠚꠤꠇ ꠝꠥꠍꠣ, ꠢꠣꠞꠥꠘ ꠀꠞ ꠢꠇꠟ ꠛꠘꠤ ꠁꠍꠞꠣꠁꠟꠦ ꠅꠟꠣ ꠇꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 8:22

ꠄꠞꠛꠣꠖꠦ ꠟꠦꠛꠤ ꠅꠇꠟꠅ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞ ꠎꠤꠝ꠆ꠝꠣꠄ ꠝꠤꠟꠘ-ꠔꠣꠝ꠆ꠛꠥꠞ ꠈꠣꠖꠤꠝꠖꠣꠞꠤꠔ ꠉꠦꠟꠣ। ꠉꠦꠟꠦ ꠝꠣꠛꠥꠖꠦ ꠝꠥꠍꠣꠞꠦ ꠟꠦꠛꠤ ꠅꠇꠟꠞ ꠛꠦꠙꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠑꠤꠇ ꠅꠃꠟꠣ ꠇꠞꠣ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 8:7

ꠁ ꠙꠣꠇ-ꠙꠣꠇꠤꠎꠣ ꠇꠞꠣꠞ ꠘꠤꠅꠝ ꠅꠁꠟ, ꠙꠄꠟꠣ ꠔꠣꠞꠣꠞ ꠃꠙꠞꠦ ꠙꠣꠇ-ꠙꠛꠤꠔ꠆ꠞ ꠅꠀꠞ ꠙꠣꠘꠤ ꠍꠤꠐꠣꠁꠀ ꠖꠤꠛꠣꠄ, ꠍꠤꠐꠣꠁꠀ ꠔꠣꠞꠣ ꠘꠤꠎꠦ ꠀꠡ꠆ꠔꠣ ꠡꠞꠤꠟꠞ ꠌꠥꠟ ꠇꠣꠝꠣꠁꠀ ꠇꠣꠙꠠ-ꠌꠥꠙꠠ ꠗꠁꠀ ꠙꠣꠇ-ꠍꠣꠚ ꠛꠘꠛꠣ।