ꠔꠃꠞꠣꠔ ৪: ꠡꠥꠝꠣꠞꠤ 8:16 - Siloṭi Asmani Kitab (Nagri lipi)

¹⁶ ꠛꠘꠤ ꠁꠍꠞꠣꠁꠟ ꠕꠣꠇꠤ ꠛꠣꠍꠤꠀ ꠀꠟꠉ ꠇꠞꠣ ꠁ ꠟꠦꠛꠤ ꠈꠣꠘ꠆ꠖꠣꠘ ꠈꠣꠟꠤ ꠀꠝꠣꠞ, ꠀꠞ ꠇꠦꠃꠞꠞ ꠘꠣꠄ। ꠙꠞꠔꠦꠇ ꠁꠍꠞꠣꠁꠟꠤ ꠛꠦꠐꠤꠘ꠆ꠔꠞ ꠙꠄꠟꠣ ꠙꠥꠀꠞ ꠛꠖꠟꠣ ꠀꠝꠤ ꠟꠦꠛꠤ ꠈꠣꠘ꠆ꠖꠣꠘꠞꠦ ꠀꠝꠣꠞ ꠘꠤꠎꠞ ꠛꠣꠘꠣꠁꠍꠤ।

ছিলটি আছমানি কিতাব (বাংলা লিপি)

¹⁶ বনি ইছরাইল থাকি বাছিয়া আলগ করা ই লেবি খান্দান খালি আমার, আর কেউরর নায়। পরতেক ইছরাইলি বেটিন্তর পয়লা পুয়ার বদলা আমি লেবি খান্দানরে আমার নিজর বানাইছি।

Siloṭi Asmani Kitab (Latin lipi)

¹⁶ Boni Israil taki basia alog kora i Lebi kandan ḳali amar, ar ḳeuror nae. Forteḳ Israili beṭintor foyla fuar bodla ami Lebi kandanre amar nizor banaisi.

ꠔꠃꠞꠣꠔ ৪: ꠡꠥꠝꠣꠞꠤ 8:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 13:2

“ꠔꠥꠝꠤ ꠛꠘꠤ ꠁꠍꠞꠣꠁꠟꠞ ꠢꠇ꠆ꠇꠟ ꠙꠞꠤꠛꠣꠞꠞ ꠛꠠ ꠙꠥꠀꠂꠘꠞꠦ ꠀꠝꠣꠞ ꠘꠣꠝꠦ ꠀꠟꠉ ꠇꠞꠤꠀ ꠡꠙꠤꠀ ꠖꠦꠅ। ꠁꠔꠣ ꠇꠥꠘꠥ ꠝꠣꠘꠡꠞ ꠙꠥꠀ ꠅꠃꠇ ꠛꠣ ꠙꠡꠥꠞ ꠛꠣꠁꠌ꠆ꠌꠣ ꠅꠃꠇ। ꠢꠇꠟꠔꠣꠞ ꠛꠠ ꠙꠥꠀꠂꠘ ꠈꠣꠟꠤ ꠀꠝꠣꠞꠃ।”

ꠔꠃꠞꠣꠔ ৪: ꠡꠥꠝꠣꠞꠤ 3:12

“ꠢꠥꠘꠅ, ꠛꠘꠤ ꠁꠍꠞꠣꠁꠟꠤ ꠛꠦꠐꠤꠘ꠆ꠔꠞ ꠊꠞꠅ ꠎꠘꠝ ꠟꠅꠀ ꠙꠄꠟꠣ ꠙꠥꠀꠞ ꠛꠖꠟꠣ ꠛꠣꠛꠔ, ꠀꠝꠤ ꠟꠦꠛꠤ ꠈꠣꠘ꠆ꠖꠣꠘꠞꠦ ꠙꠍꠘ꠆ꠖ ꠇꠞꠍꠤ। ꠄꠞꠟꠣꠉꠤ ꠟꠦꠛꠤ ꠅꠇꠟ ꠀꠝꠣꠞ।

ꠔꠃꠞꠣꠔ ৪: ꠡꠥꠝꠣꠞꠤ 3:13

ꠀꠍꠟꠦ ꠢꠇ꠆ꠇꠟ ꠙꠄꠟꠣ ꠙꠥꠀꠂꠘꠃ ꠀꠝꠣꠞ। ꠝꠤꠡꠞꠤ ꠅꠇꠟꠞ ꠢꠇꠟ ꠙꠄꠟꠣ ꠙꠥꠀꠂꠘ꠆ꠔꠞꠦ ꠝꠣꠞꠤꠟꠤꠛꠣꠞ ꠖꠤꠘ, ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠙꠄꠟꠣ ꠙꠥꠀꠞꠦ ꠀꠝꠣꠞ ꠟꠣꠉꠤ ꠙꠛꠤꠔ꠆ꠞ ꠇꠞꠤꠀ ꠞꠣꠈꠍꠤ, ꠁꠔꠣ ꠝꠣꠘꠡꠞ ꠙꠥꠔ ꠅꠃꠇ ꠛꠣ ꠙꠡꠥꠞ ꠛꠣꠁꠌ꠆ꠌꠣ ꠅꠃꠇ। ꠔꠣꠞꠣ ꠔ ꠀꠝꠣꠞ, ꠀꠝꠤꠃ ꠝꠣꠛꠥꠖ।”

ꠔꠃꠞꠣꠔ ৪: ꠡꠥꠝꠣꠞꠤ 3:45

“ꠛꠘꠤ ꠁꠍꠞꠣꠁꠟꠞ ꠢꠇꠟ ꠙꠄꠟꠣ ꠙꠥꠀꠂꠘ꠆ꠔꠞ ꠛꠖꠟꠣ ꠟꠦꠛꠤ ꠅꠇꠟꠞꠦ, ꠀꠞ ꠔꠣꠞꠣꠞ ꠙꠄꠟꠣ ꠙꠡꠥꠞ ꠛꠣꠁꠌ꠆ꠌꠣꠞ ꠛꠖꠟꠣ ꠟꠦꠛꠤ ꠅꠇꠟꠞ ꠙꠄꠟꠣ ꠙꠡꠥꠞ ꠛꠣꠁꠌ꠆ꠌꠣꠞꠦ ꠀꠝꠣꠞ ꠇꠁꠀ ꠗꠞꠣ ꠅꠁꠛ। ꠟꠦꠛꠤ ꠅꠇꠟ ꠔ ꠀꠝꠣꠞ ꠅꠁꠛꠣ। ꠀꠝꠤꠃ ꠝꠣꠛꠥꠖ।

ꠔꠃꠞꠣꠔ ৪: ꠡꠥꠝꠣꠞꠤ 3:6

“ꠔꠥꠝꠤ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠞꠦ ꠀꠘꠤꠀ ꠁꠝꠣꠝ ꠢꠣꠞꠥꠘꠞ ꠀꠔꠅ ꠡꠝꠎꠣꠅ, ꠔꠣꠞꠣ ꠁꠝꠣꠝꠔꠤ ꠇꠣꠝꠅ ꠔꠣꠘꠞꠦ ꠡꠣꠁꠎ꠆ꠎ ꠇꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:9

ꠟꠦꠛꠤ ꠈꠣꠘ꠆ꠖꠣꠘꠞ ꠈꠣꠖꠤꠝ ꠅꠇꠟꠞꠦ ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠀꠔꠅ ꠡꠝꠎꠣꠁ ꠖꠦꠅ। ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤ ꠄꠞꠣꠞꠦ ꠁꠝꠣꠝ ꠢꠣꠞꠥꠘꠞ ꠀꠔꠅ ꠡꠙꠤ ꠖꠦꠅꠀ ꠅꠁꠟ।