ꠔꠃꠞꠣꠔ ৪: ꠡꠥꠝꠣꠞꠤ 8:11 - Siloṭi Asmani Kitab (Nagri lipi)

¹¹ ꠁꠝꠣꠝ ꠢꠣꠞꠥꠘꠦ ꠢꠇꠟ ꠛꠘꠤ ꠁꠍꠞꠣꠁꠟꠞ ꠙꠇ꠆ꠇ ꠕꠣꠇꠤ, ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠟꠦꠛꠤ ꠅꠇꠟꠞꠦ ꠝꠣꠛꠥꠖꠞ ꠍꠣꠝꠘꠦ ꠛꠈꠡꠤꠀ ꠖꠤꠛꠣ, ꠔꠦꠃ ꠔꠣꠞꠣ ꠝꠣꠛꠥꠖꠞ ꠈꠦꠎꠝꠔꠅ ꠇꠣꠝ-ꠇꠣꠎ ꠇꠞꠔꠣ ꠙꠣꠞꠛꠣ।

ছিলটি আছমানি কিতাব (বাংলা লিপি)

¹¹ ইমাম হারুনে হকল বনি ইছরাইলর পক্ষ থাকি, দুলনা কুরবানি হিসাবে লেবি অকলরে মাবুদর ছামনে বখশিয়া দিবা, তেউ তারা মাবুদর খেজমতো কাম-কাজ করতা পারবা।

Siloṭi Asmani Kitab (Latin lipi)

¹¹ Imam Harune hoḳol Boni Israilor fokko taki, dulona kurbani hishabe Lebi oḳolre Mabudor samne boḳshia diba, teu tara Mabudor kezmoto ḳam-ḳaz ḳorta farba.

ꠔꠃꠞꠣꠔ ৪: ꠡꠥꠝꠣꠞꠤ 8:11 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:24

ꠟꠁꠀ ꠁꠔꠣ ꠢꠇꠟꠔꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠀꠔꠅ ꠖꠤꠀ, ꠝꠣꠛꠥꠖꠞ ꠍꠣꠝꠘꠦ ꠞꠣꠈꠣꠞ ꠘꠤꠅꠔꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠥꠟꠣꠁꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 7:30

ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠃ ꠅꠋꠡ, ꠝꠣꠘꠤ ꠍꠤꠘꠣ ꠀꠞ ꠍꠤꠘꠣꠞ ꠃꠙꠞꠞ ꠌꠞ꠆ꠛꠤ ꠢꠦ ꠘꠤꠎꠞ ꠀꠔꠦ ꠀꠘꠤꠀ ꠁꠝꠣꠝ ꠍꠣꠛꠞꠦ ꠖꠤꠛ। ꠁꠝꠣꠝꠦ ꠁꠔꠣꠞꠦ ꠃꠌꠣ ꠇꠞꠤꠀ ꠝꠣꠛꠥꠖꠞ ꠍꠣꠝꠘꠦ ꠖꠥꠟꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 7:34

ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠢꠇꠟ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠉꠥꠡ꠆ꠔ ꠕꠣꠇꠤ ꠖꠥꠟꠘꠣ ꠇꠥꠞꠛꠣꠘꠤꠞ ꠍꠤꠘꠣ ꠀꠞ ꠒꠣꠁꠘꠞ ꠞꠣꠘꠞ ꠉꠥꠡ꠆ꠔ ꠀꠝꠤ ꠁꠝꠣꠝ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠖꠤꠟꠣꠝ। ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠇꠥꠞꠛꠣꠘꠤꠞ ꠁ ꠅꠋꠡ ꠅꠁꠟ ꠔꠣꠞꠣꠞ ꠢꠣꠝꠦꠡꠣꠇꠥꠞ ꠙꠣꠅꠘꠣ ꠢꠇ।”

ꠔꠃꠞꠣꠔ ৩: ꠟꠦꠛꠤꠀꠘ 8:27

ꠕꠁꠀ ꠁꠔꠣ ꠢꠇꠟꠔꠣ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞ ꠀꠔꠅ ꠖꠤꠀ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠝꠣꠛꠥꠖꠞ ꠍꠣꠝꠘꠦ ꠖꠥꠟꠣꠁꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 8:29

ꠛꠣꠖꠦ ꠔꠣꠁꠘ ꠘꠤꠎꠞ ꠙꠣꠅꠘꠣ ꠅꠋꠡ, ꠝꠣꠘꠤ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠇꠥꠞꠛꠣꠘꠤꠞ ꠝꠦꠠꠣꠞ ꠍꠤꠘꠣ ꠘꠤꠀ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠝꠣꠛꠥꠖꠞ ꠍꠣꠝꠘꠦ ꠖꠥꠟꠣꠁꠟꠣ। ꠔꠣꠁꠘ ꠁꠔꠣ ꠢꠇꠟꠔꠣ ꠇꠞꠟꠣ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ।

ꠔꠃꠞꠣꠔ ৪: ꠡꠥꠝꠣꠞꠤ 6:20

ꠛꠣꠖꠦ ꠁꠝꠣꠝꠦ ꠅꠔꠣ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠃꠌꠣ ꠇꠞꠤ ꠖꠥꠟꠣꠁꠛꠣ। ꠁꠔꠣ ꠔ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ, ꠁꠔꠣ ꠢꠇ꠆ꠇꠟꠔꠣ ꠁꠝꠣꠝꠞ ꠙꠣꠅꠘꠣ। ꠖꠥꠟꠣꠁꠀ ꠕꠅꠀ ꠍꠤꠘꠣꠞ ꠅꠃ ꠉꠥꠡ꠆ꠔ ꠀꠞ ꠇꠥꠞꠛꠣꠘꠤꠞ ꠙꠡꠥꠞ ꠞꠣꠘꠅ ꠁꠝꠣꠝꠞ ꠙꠣꠅꠘꠣ। ꠁꠔꠣ ꠢꠇꠟꠔꠣ ꠇꠞꠣꠞ ꠛꠣꠖꠦ ꠘꠣꠎꠤꠞꠤꠀ ꠄꠔꠦꠇꠣꠚ ꠇꠞꠞꠣ ꠅꠃ ꠎꠘꠦ ꠀꠋꠉꠥꠞꠞ ꠡꠞꠛꠔ ꠈꠣꠁꠔꠣ ꠙꠣꠞꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 10:8

ꠅꠃ ꠡꠝꠄ ꠕꠣꠇꠤ ꠝꠣꠛꠥꠖꠦ ꠟꠦꠛꠤ ꠈꠣꠘ꠆ꠖꠣꠘꠞꠦ ꠙꠍꠘ꠆ꠖ ꠇꠞꠟꠣ ꠡꠣꠢꠣꠖꠔ ꠡꠘ꠆ꠖꠥꠇ ꠛꠁꠀ ꠘꠤꠛꠣꠞ ꠟꠣꠉꠤ, ꠝꠣꠛꠥꠖꠞ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠣꠞ ꠘꠤꠅꠔꠦ ꠔꠣꠘ ꠍꠣꠝꠘꠦ ꠀꠎꠤꠞꠣ ꠖꠤꠛꠣꠞ ꠟꠣꠉꠤ, ꠀꠞ ꠔꠣꠘ ꠘꠣꠝꠦ ꠝꠣꠘꠡꠞꠦ ꠖꠥꠀ ꠖꠤꠛꠣꠞ ꠟꠣꠉꠤ। ꠅꠃ ꠁꠝꠣꠝꠔꠤ ꠇꠣꠝ ꠔꠣꠞꠣ ꠅꠈꠘꠅ ꠇꠞꠞꠣ।