ꠔꠃꠞꠣꠔ ৪: ꠡꠥꠝꠣꠞꠤ 7:86 - Siloṭi Asmani Kitab (Nagri lipi)

⁸⁶ ꠀꠉꠞ-ꠈꠥꠡꠛꠄꠄ ꠜꠞꠣ ꠙꠞꠔꠦꠇ ꠡꠥꠘꠣꠞ ꠛꠣꠐꠤꠞ ꠃꠎꠘ ꠀꠍꠤꠟ ꠖꠡ ꠔꠟꠣ, ꠡꠥꠘꠣꠞ ꠛꠣꠞꠅꠐꠣ ꠛꠣꠐꠤꠞ ꠝꠥꠐ ꠃꠎꠘ ꠀꠍꠤꠟ ꠄꠇ-ꠡ ꠛꠤꠡ ꠔꠟꠣ।

ছিলটি আছমানি কিতাব (বাংলা লিপি)

⁸⁶ আগর-খুশবয়ে ভরা পরতেক সোনার বাটির উজন আছিল দশ তোলা, সোনার বারোটা বাটির মোট উজন আছিল একশো বিশ তোলা।

Siloṭi Asmani Kitab (Latin lipi)

⁸⁶ Agor-kushboye bora forteḳ shunar baṭir uzon asil dosh tola, shunar baroṭa baṭir muṭ uzon asil eḳ-sho bish tola.

ꠔꠃꠞꠣꠔ ৪: ꠡꠥꠝꠣꠞꠤ 7:86 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:29

ꠐꠦꠛꠥꠟꠞ ꠃꠙꠞꠞ ꠕꠣꠟ-ꠛꠣꠡꠘ, ꠀꠟ꠆ꠟꠣꠞ ꠘꠣꠝꠦ ꠓꠣꠟꠤꠀ ꠖꠤꠛꠣꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠎꠉ ꠀꠞ ꠝꠉ, ꠢꠇꠟꠔꠣ ꠈꠣꠐꠤ ꠡꠥꠘꠣꠖꠤ ꠛꠣꠘꠣꠘꠤ ꠟꠣꠉꠛ।

ꠔꠃꠞꠣꠔ ২: ꠢꠤꠎꠞꠔ 30:13

ꠔꠣꠞꠣꠞꠦ ꠉꠘꠣꠞ ꠛꠣꠟꠣ ꠅꠃꠟꠣ ꠛꠖꠟꠣ ꠟꠁꠅ, ꠉꠘꠣ ꠅꠁꠍꠦ ꠖꠟꠅ ꠎꠦꠞꠣ ꠢꠣꠝꠣꠁꠛꠣ, ꠄꠞꠣ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠀꠗꠣ ꠔꠟꠣ ꠞꠥꠙꠣ ꠖꠤꠛꠣ। ꠙꠞꠔꠦꠇ ꠛꠤꠡ ꠞꠔꠤꠄ ꠄꠇ ꠔꠟꠣ ꠉꠘꠤꠅ। ꠁ ꠞꠥꠙꠣ ꠅꠁꠛ ꠝꠣꠛꠥꠖꠞ।

ꠔꠃꠞꠣꠔ ৪: ꠡꠥꠝꠣꠞꠤ 7:85

ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠙꠞꠔꠦꠇ ꠞꠥꠙꠣꠞ ꠕꠣꠟꠞ ꠃꠎꠘ ꠀꠍꠤꠟ ꠄꠇ-ꠡ ꠔꠤꠡ ꠔꠟꠣ ꠀꠞ ꠉꠣꠝꠟꠣꠞ ꠃꠎꠘ ꠀꠍꠤꠟ ꠡꠔ꠆ꠔꠁꠞ ꠔꠟꠣ। ꠞꠥꠙꠣꠞ ꠢꠇꠟ ꠕꠣꠟ-ꠛꠣꠡꠘꠞ ꠝꠥꠐ ꠃꠎꠘ ꠀꠍꠤꠟ ꠖꠥꠁ ꠀꠎꠣꠞ ꠌꠣꠁꠞ-ꠡ ꠔꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 7:87

ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠝꠥꠐ ꠛꠣꠞꠅꠉꠥ ꠛꠤꠍꠣꠟ, ꠛꠣꠞꠅꠉꠥ ꠝꠦꠠꠣ ꠀꠞ ꠄꠇ ꠛꠍꠞ ꠛꠄꠅꠡꠤ ꠛꠣꠞꠅꠉꠥ ꠝꠦꠠꠣ-ꠛꠣꠁꠌ꠆ꠌꠣꠅ ꠄꠞꠣ ꠖꠣꠘ ꠇꠞꠍꠟꠣ। ꠀꠞ ꠄꠞꠟꠉꠞ ꠗꠣꠘ-ꠉꠝꠞ ꠍꠖꠉꠣꠞ ꠢꠇꠟ ꠎꠤꠘꠤꠡ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠝꠥꠐ ꠛꠣꠞꠅꠉꠥ ꠍꠣꠉꠟ ꠖꠦꠅꠀ ꠅꠁꠍꠤꠟ।

ꠁꠘ꠆ꠎꠤꠟ ১: ꠝꠕꠤ 2:11

ꠊꠞꠅ ꠢꠣꠝꠣꠁꠀ ꠅꠃ ꠢꠥꠞꠥꠔ꠆ꠔꠣꠞꠦ ꠔꠣꠘ ꠝꠣ ꠝꠞꠤꠅꠝꠞ ꠇꠣꠘ꠆ꠖꠣꠔ ꠖꠦꠈꠟꠣ। ꠖꠦꠈꠤꠀ ꠔꠣꠞꠣ ꠝꠣꠐꠤꠔ ꠙꠠꠤ ꠔꠣꠘꠞꠦ ꠜꠇ꠆ꠔꠤ ꠖꠤꠟꠣ, ꠀꠞ ꠔꠣꠞꠣꠞ ꠛꠦꠉ ꠈꠥꠟꠤꠀ ꠖꠣꠝꠤ ꠖꠣꠝꠤ ꠃꠙꠢꠣꠞ ꠖꠤꠟꠣ। ꠅꠃ ꠃꠙꠢꠣꠞ ꠅꠁꠟ ꠡꠥꠘꠣ, ꠟꠥꠛꠣꠘ-ꠀꠉꠞ ꠀꠞ ꠝꠥꠞꠣ-ꠀꠔꠞ।