ꠔꠃꠞꠣꠔ ৪: ꠡꠥꠝꠣꠞꠤ 7:13 - Siloṭi Asmani Kitab (Nagri lipi)

¹³ ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ।

ছিলটি আছমানি কিতাব (বাংলা লিপি)

¹³ তাইন ধান-গমর ছদগার লাগি এবাদত খানার মাপে একশো তিশ তোলা উজনর রুপার একখান থাল, আর সত্তইর তোলা উজনর রুপার এক গামলা আনিয়া দিলা, অউ থাল আর গামলাত ভরা আছিল ধান-গমর ছদগার নিয়তে তেল মাখাইল ময়দা।

Siloṭi Asmani Kitab (Latin lipi)

¹³ Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.

ꠔꠃꠞꠣꠔ ৪: ꠡꠥꠝꠣꠞꠤ 7:13 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:29

ꠐꠦꠛꠥꠟꠞ ꠃꠙꠞꠞ ꠕꠣꠟ-ꠛꠣꠡꠘ, ꠀꠟ꠆ꠟꠣꠞ ꠘꠣꠝꠦ ꠓꠣꠟꠤꠀ ꠖꠤꠛꠣꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠎꠉ ꠀꠞ ꠝꠉ, ꠢꠇꠟꠔꠣ ꠈꠣꠐꠤ ꠡꠥꠘꠣꠖꠤ ꠛꠣꠘꠣꠘꠤ ꠟꠣꠉꠛ।

ꠔꠃꠞꠣꠔ ২: ꠢꠤꠎꠞꠔ 30:13

ꠔꠣꠞꠣꠞꠦ ꠉꠘꠣꠞ ꠛꠣꠟꠣ ꠅꠃꠟꠣ ꠛꠖꠟꠣ ꠟꠁꠅ, ꠉꠘꠣ ꠅꠁꠍꠦ ꠖꠟꠅ ꠎꠦꠞꠣ ꠢꠣꠝꠣꠁꠛꠣ, ꠄꠞꠣ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠀꠗꠣ ꠔꠟꠣ ꠞꠥꠙꠣ ꠖꠤꠛꠣ। ꠙꠞꠔꠦꠇ ꠛꠤꠡ ꠞꠔꠤꠄ ꠄꠇ ꠔꠟꠣ ꠉꠘꠤꠅ। ꠁ ꠞꠥꠙꠣ ꠅꠁꠛ ꠝꠣꠛꠥꠖꠞ।

ꠔꠃꠞꠣꠔ ২: ꠢꠤꠎꠞꠔ 37:16

ꠐꠦꠛꠥꠟꠞ ꠃꠙꠞꠞ ꠕꠣꠟ-ꠛꠣꠡꠘ, ꠀꠟ꠆ꠟꠣꠞ ꠘꠣꠝꠦ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠎꠉ ꠀꠞ ꠝꠉ, ꠢꠇꠟꠔꠣ ꠈꠣꠐꠤ ꠡꠥꠘꠣꠖꠤ ꠉꠠꠣꠁꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 2:1

“ꠇꠥꠘꠥ ꠝꠣꠘꠡꠦ ꠎꠥꠖꠤ ꠗꠣꠘ-ꠉꠝ ꠖꠤꠀ ꠝꠣꠛꠥꠖꠞ ꠘꠣꠝꠦ ꠟꠤꠟ꠆ꠟꠣ-ꠍꠖꠉꠣ ꠖꠤꠔ ꠌꠣꠄ, ꠔꠦ ꠘꠤꠞꠦꠇ ꠝꠄꠖꠣ ꠖꠤꠀ ꠀꠖꠣꠄ ꠇꠞꠛ। ꠅꠃ ꠝꠄꠖꠣꠞ ꠃꠙꠞꠦ ꠢꠦ ꠎꠄꠔꠥꠘꠞ ꠔꠦꠟ ꠀꠞ ꠟꠥꠛꠣꠘ-ꠀꠉꠞꠞ ꠗꠥꠘꠣ ꠖꠤꠛ।

ꠔꠃꠞꠣꠔ ৩: ꠟꠦꠛꠤꠀꠘ 27:25

ꠢꠇꠟ ꠎꠤꠘꠤꠡꠞ ꠖꠣꠝ ꠑꠤꠇ ꠇꠞꠤꠅ, ꠄꠛꠣꠖꠔ ꠈꠣꠘꠣꠞ ꠝꠣꠙꠦ। ꠙꠞꠔꠦꠇ ꠛꠤꠡ ꠞꠔꠤꠄ ꠄꠇ ꠔꠟꠣ ꠉꠘꠤꠅ।

ꠔꠃꠞꠣꠔ ৩: ꠟꠦꠛꠤꠀꠘ 27:3

ꠛꠤꠡ ꠕꠣꠇꠤ ꠡꠣꠁꠐ ꠛꠍꠞ ꠛꠄꠅꠡꠤ ꠛꠦꠐꠣꠁꠘ꠆ꠔꠞ ꠟꠣꠉꠤ, ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠙꠁꠘ꠆ꠌꠣꠡ ꠔꠟꠣ ꠞꠥꠙꠣ ꠢꠣꠖꠤꠀ ꠖꠤꠔꠦ ꠅꠁꠛ,

ꠔꠃꠞꠣꠔ ৪: ꠡꠥꠝꠣꠞꠤ 15:4

ꠇꠥꠞꠛꠣꠘꠤꠞ ꠙꠞꠔꠦꠇ ꠙꠡꠥꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣꠅ ꠖꠤꠛꠣꠄ। ꠅꠃ ꠍꠖꠉꠣꠞ ꠟꠣꠉꠤ ꠖꠥꠁ ꠡꠦꠞ ꠝꠄꠖꠣꠞꠦ ꠄꠇ ꠡꠦꠞ ꠔꠦꠟꠖꠤ ꠝꠣꠈꠣꠁꠀ ꠈꠣꠁ ꠛꠣꠘꠣꠁꠀ ꠀꠘꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 28:5

ꠄꠞꠟꠉꠞ ꠙꠞꠔꠤꠖꠤꠘꠞ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠖꠥꠁ ꠡꠦꠞ ꠝꠄꠖꠣ ꠀꠞ ꠄꠇ ꠡꠦꠞ ꠎꠄꠔꠥꠘꠞ ꠙꠤꠡꠣ ꠔꠦꠟ ꠀꠘꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 29:6

ꠙꠞꠔꠦꠇ ꠌꠣꠘ꠆ꠖꠞ ꠀꠞ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠁꠔꠣꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠍꠣꠠꠣꠅ ꠅꠃ ꠇꠥꠞꠛꠣꠘꠤ ꠅꠇꠟ ꠀꠖꠣꠄ ꠇꠞꠤꠅ। ꠁꠔꠣ ꠔ ꠀꠝꠣꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ।

ꠔꠃꠞꠣꠔ ৪: ꠡꠥꠝꠣꠞꠤ 3:47

ꠅꠃ ꠖꠥꠁ-ꠡ ꠔꠦꠀꠔ꠆ꠔꠁꠞ ꠎꠘꠞꠦ ꠈꠣꠟꠣꠍ ꠇꠞꠣꠞ ꠟꠣꠉꠤ ꠎꠣꠘꠞ ꠛꠖꠟꠣ ꠢꠤꠡꠣꠛꠦ, ꠙꠞꠔꠦꠇ ꠎꠘꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠙꠣꠌ ꠔꠟꠣ ꠞꠥꠙꠣ ꠀꠖꠣꠄ ꠇꠞꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 7:12

ꠙꠄꠟꠣ ꠖꠤꠘ ꠄꠢꠥꠖꠣ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠀꠝꠤꠘꠣꠖꠣꠛꠞ ꠙꠥꠀ ꠘꠣꠢꠤꠡꠦ ꠔꠣꠘ ꠛꠈꠡꠤꠡ ꠟꠁꠀ ꠀꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 7:14

ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ,

ꠔꠃꠞꠣꠔ ৪: ꠡꠥꠝꠣꠞꠤ 7:73

ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ।

ꠁꠘ꠆ꠎꠤꠟ ১: ꠝꠕꠤ 14:11

ꠛꠣꠖꠦ ꠅꠃ ꠇꠟ꠆ꠟꠣ ꠄꠇ ꠕꠣꠟꠅ ꠇꠞꠤ ꠀꠘꠤꠀ ꠅꠃ ꠙꠥꠠꠤꠞꠦ ꠖꠦꠅꠀ ꠅꠁꠟ, ꠙꠥꠠꠤꠄ ꠘꠤꠀ ꠔꠣꠁꠞ ꠝꠣʼꠞ ꠉꠦꠍꠦ ꠖꠤꠟ।

ꠁꠘ꠆ꠎꠤꠟ ১: ꠝꠕꠤ 14:8

ꠙꠥꠠꠤꠄ ꠔꠣꠁꠞ ꠝꠣʼꠞ ꠟꠉꠦ ꠙꠞꠣꠝꠤꠡ ꠇꠞꠤ ꠇꠁꠟ, “ꠔꠃꠛꠣꠞ ꠉꠥꠍꠟ ꠇꠞꠣꠅꠞꠣ ꠄꠢꠤꠀꠞ ꠇꠟ꠆ꠟꠣ ꠇꠣꠐꠤꠀ ꠄꠇꠈꠣꠘ ꠕꠣꠟꠅ ꠇꠞꠤ, ꠅꠈꠘ ꠀꠘꠤꠀ ꠀꠝꠣꠞꠦ ꠖꠦꠃꠇ꠆ꠇꠣ।”